1 Ts 5:14 - Q'eqchi Bible

¹⁴ Naqatz'aama ajwi' cheru, ex qas qiitz'in, cheq'usaqeb' li sachsookeb' xna'leb'; chewaklesihaqeb' li neke'ch'inank xch'ool, chetenq'aheb' li ink'a' kaweb' xch'ool sa' xpaab'aaleb' ut chiwanq eekuyum rik'ineb' chixjunil.

Li Santil hu

¹⁴ Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

1 Ts 5:14 ပူးပေါင်းရင်းမြစ်များ

2 Timoteo 4:2

chapuktesi li Aatin, chayal aaq'e chi xb'aanunkil a'in naq tixk'e rib' ut naq ink'a'; chatq'usuq, chak'ehaq xna'leb'eb' ut chawaklesi xch'ooleb' rik'in xnimal aakuyum ut aana'leb'.

Romanos 14:1

Chek'ulaqeb' sa' xyaalal li toj q'uneb' xch'ool sa' li paab'ank ut meewech' rix li xk'a'uxeb'.

Hechos 20:35

Chi yalaq chan re ru xlajink'ut cheru naq tento xtenq'ankileb' li toq'ob'eb' ru rik'in k'anjelak chi jo'ka'in, jo'wi' tento xk'eeb'al sa' qach'ool li xyehom li Qaawa' Jesus: «Q'axal nim li sahil ch'oolejil wank sa' li k'ehok chiru li wank sa' li k'uluk», chan”.

Colosenses 1:28

A'an tz'aqal li naqapuktesi resil. Naqak'eheb' xna'leb' chixjunileb' ut naqatzoleb' rik'in chixjunil li qak'a'uxl, re naq tqaxaqab'eb' chixjunil chi tz'aqalaq re ruheb' sa' xk'ab'a' li Kriist.

Hebreos 13:3

Jultikaq eere li wankeb' sa' tz'alam, chanchan ta wi' naq laa'ex jun rik'ineb'. Jultikaq eere li rahob'tesinb'ileb', xb'aan naq laa'ex ch'och' sululex ajwi'.

1 Timoteo 6:11

A'ut laa'at aj raholat re li Yos, maab'aanu a'in; chayal b'an aaq'e chi xsik'b'al li tiikilal ut li roxloq'inkil li Yos; chasik' li paab'ank, li rahok, li kuyuk ut li tuulanil.

Efesios 4:2

q'unaq leech'ool ut junelik tuulanaqex, chaab'ilaqex; chekuyaq eerib' cherib'il eerib' rik'in rahok,

1 Corintios 4:14

Ink'a' nintz'iib'a chixjunil a'in yal re xk'utb'al eexutaan, re b'an xk'eeb'al eena'leb' jo'kex inraarookil alal.

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Hechos 20:31

Jo'kan utan, chexyo'leq ut jultikaq eere naq chiru oxib' chihab' ink'a' xinhilank chi xk'eeb'al eena'leb' chejunjunqal, chi q'eq ut chi kutan, rik'inatq xya'al wu.

San Mateo 12:20

Ink'a' tixtoq li kaxlan'aj ak jorol, chi moko tixchup xsaqenkil li noq' toj nab'utz'utz'nak, toj reetal tixxaqab' xwankil li tiikilal chi junajwa.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Hebreos 12:12

Jo'kan utan, taqsihomaq leelub'luukil uq' ut xaqab'omaq chi kaw li xb'een eeraq li maak'a' xmetz'ew;

Tito 1:6

Maak'a'aq xq'usb'al li ani taaxaqab', jun sut ajwi' sumsuuq, aj paab'anelaqeb' li ralal xk'ajol ut maak'a'aq xjitb'aleb' chirix wank chi jo'maajo', chi moko aj q'etol aatinaqeb'.

1 Timoteo 3:3

maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

Efesios 4:32

Chaab'ilaqex b'an cherib'il eerib', aj uxtaanaqex, chekuyaq eemaak cherib'il eerib', jo' ajwi' naq li Yos kixkuy eemaak sa' xk'ab'a' li Kriist.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

San Lucas 22:32

A'ut laa'in xintijok chawix re naq ink'a' taalajq laapaab'aal. Ut laa'at, naq tatsutq'iiq chaq wik'in, chakawub'resi xch'ooleb' laawas aawiitz'in.

Jeremías 6:12

Eb' li rochocheb', li xk'aleb'aaleb' ut li rixaqileb' jalan chik taa'eechaninq reheb', naq tintaqla chaq li nimla rahilal re xrahob'tesinkileb' li wankeb' sa' li na'ajej a'in -chan li Qaawa' Yos-.

Tito 1:10

Xb'aan naq wankeb' naab'al aj q'etol aatineb', maak'a' rajb'al li neke'xye ut aj b'alaq'eb', ma' ta chaye eb' laj sirkunsisyon.

1 Corintios 8:7

Ab'anan moko chixjunileb' ta xe'tawok ru li na'leb' a'in. Xb'aan naq wankeb' sa' eeyanq k'aynaqeb' chalen chaq najter chi xpaab'ankil li yal k'oxlanb'il yos, ut anaqwan naq neke'tzekank, a'an mayej chiruheb' li yos naq neke'xk'oxla. Ut xb'aan naq toj q'uneb' li xch'ool, neke'reek'a naq yookeb' chi xmuxb'al li xpaab'aaleb'.

2 Ts 3:15

Ab'anan moko xik' ta teeril, cheq'usaq b'an jo' eeras eeriitz'in.