1 Ts 5:11 - Q'eqchi Bible

¹¹ Jo'kan naq chek'e xkawub' eech'ool ut chetenq'a eerib' cherib'il eerib', jo' li ak yookex xb'aanunkil.

Li Santil hu

¹¹ Joꞌcan ut nak checꞌojob e̱chꞌo̱l che̱ribil e̱rib ut cheqꞌuehak xcacuil e̱chꞌo̱l che̱ribil e̱rib joꞌ li ac yo̱quex chixba̱nunquil.

1 Ts 5:11 ပူးပေါင်းရင်းမြစ်များ

Efesios 4:29

Mi'elk chi xtz'uumal eere yib' aj aatin, a'anaq b'an li chaab'il, li nawaklesink ch'oolej b'arwi' aajel ru, re naq trusilaheb' li te'ab'inq.

Hebreos 10:25

Miqakanab' li qach'utam: wankeb' k'aynaqeb' xb'aanunkil chi jo'kan. Qawaklesihaq b'an qach'ool chiqib'il qib', ut q'axal chik anaqwan naq nekeril naq yo chaq chi nach'ok li Kutan.

Romanos 15:2

Li junjunq sa' qayanq chixyalaq xq'e re k'ulub'aak xb'aaneb' li ras riitz'in rik'in xb'aanunkil li us ut re xkab'lankil ru li xyu'am.

Hebreos 3:13

Chek'ehaq b'an xkawub' eech'ool cherib'il eerib' rajlal kutan naq toj nayeemank li “anaqwan”, re naq maajun eere tixkawub'resi xch'ool rik'in xb'alaq'il li maak.

1 Ts 4:18

Chek'ojob'aq b'i' eech'ool cherib'il eerib' rik'ineb' li aatin a'in.

Romanos 14:19

Chiqak'e b'i' qach'ool chirix li k'aru nak'uub'ank re li tuqtuukilal ut li sumwaklesij ib'.

1 Corintios 14:12

Jo'kan utan, laa'ex li nekek'e eech'ool chi xsik'b'al li maatan naxk'e li Musiq'ej cheyalaq eeq'e chi xsik'b'al chi yo'oon li maatan nakab'lank li komonil.

Efesios 4:12

Chi jo'kan kixk'uub' chi chaab'il eb' laj santil paab'anel cho'q re li k'anjel teneb'anb'il sa' xb'eeneb', re xkab'lankil li xtz'ejwal li Kriist,

San Judas 1:20

A'ut laa'ex raarookex inb'aan, kab'lahomaq eerib' sa' leepaab'aal li q'axal sant, ut tijonqex sa' li Santil Musiq'ej.

Efesios 4:16

A'an naxk'e naq chixjunil li tz'ejwalej, k'uub'k'u ru ut xchapom rib' chi us sa' xk'ab'a' chixjunil li xtiqam li roq ruq' nach'oolaniik wi', a' yaal chanru li junjunq chi cha'alej, taak'iiq jo' tz'ejwalej re xkab'lankil rib' sa' li rahok.

1 Corintios 10:23

“Chixjunil naru ninb'aanu!”, ab'an moko chixjunil ta us xb'aanunkil. “Chixjunil naru ninb'aanu!”, ab'an moko chixjunil ta nakab'lank li komonil.

2 Pedro 1:12

Jo'kan utan, maajaruj tinkanab' xjultikankil cheru li na'leb' a'in, us ta ak ch'olch'o cheru li xyaalal ut xaqxookex chi kaw sa' li yaal li wank eerik'in.

2 Corintios 12:19

Mare ak junxil xex'ok chi xk'oxlankil naq yooko chi xpatz'b'al qakuyb'al cheru. Ab'anan moko jo'kan ta: nokoo'aatinak chiru li Yos sa' xk'ab'a' li Kriist. Ut chixjunil a'in, ex was wiitz'in raarookex inb'aan, yal re xkab'lankil leekomonil naq ninye.

1 Corintios 14:29

A'an ajwi' tento xb'aanunkil rik'ineb' li propeet: che'aatinaq wiib' oxib'aq ut eb' li junch'ol che'raqoq aatin chirix li xe'xye.

Romanos 15:14

Ex was wiitz'in, ninnaw chi us naq numtajenaq xchaab'ilal eech'ool, nujenaqex rik'in chixjunil li chaab'il k'a'uxl ut kawresinb'ilex re xk'eeb'al eena'leb' cherib'il eerib'.

1 Timoteo 1:4

chi moko chixik xch'ooleb' chirix b'alaq'il seeraq', jo'wi' chirix xwech'inkil rix li xxe' xtoonaleb': chixjunil a'in maak'a' roso'jik. Li na'leb' a'in nak'amok chaq wech'ij ib' ut ink'a' na'okenk sa' xnimal xk'a'uxl li Yos, li k'ojk'o sa' li paab'aal.

1 Ts 4:10

Ut a'an li yookex xb'aanunkil rik'in chixjunileb' laj paab'anel li wankatqeb' sa' xsutam chixjunil Macedonia. Ab'anan, ex qas qiitz'in, naqatz'aama cheru naq q'axal wi' chik chexrahoq.

1 Corintios 14:5

Nawaj raj naq chejunilex wanq eemaatan re aatinak sa' jalanil aatin, ab'an q'axal chik us naq tex'aatinaq jo' propeet. Xb'aan naq li na'aatinak jo' propeet naxq'ax ru li na'aatinak sa' jalanil aatin wi a'in ink'a' naxch'olob' xyaalal li raatin, re naq taakab'laaq li komonil.