1 Ts 4:5 - Q'eqchi Bible

⁵ ut ink'a' k'amb'ilaq yal xb'aan ratawankil ru malaj xb'aan li yib' aj na'leb', jo' neke'xb'aanu eb' li junch'ol li ink'a' neke'xnaw ru li Yos.

Li Santil hu

⁵ Eb li incꞌaꞌ nequeꞌxnau ru li Dios, nequeꞌxba̱nu li yibru naꞌleb li nequeꞌxrahi ru xba̱nunquil. Me̱ba̱nu joꞌ nequeꞌxba̱nu eb aꞌan.

1 Ts 4:5 ပူးပေါင်းရင်းမြစ်များ

Gálatas 4:8

Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos.

2 Ts 1:8

rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

1 Pedro 4:3

Ak naab'al li kutan xenumsi chaq chi xb'aanunkil li nawulak chiruheb' li ink'a' neke'paab'ank: xexwank sa' li jo'maajo'il na'leb', jo' li naxrahi li tz'ejwalej, rik'in num uk'ak num wa'ak, rik'in kalaak ut xloq'oninkileb' ru li yal k'oxlanb'il yos: a'an ink'a' naru xb'aanunkil.

Efesios 2:12

Chijultiko'q eere naq junxil wankex chaq chi maak'a' li Kriist eerik'in, maawa'ex chaq xkomoneb' laj Israel, ab'lex b'an chiru li xyeechi'om li Yos ut chiru li Sumwank, maak'a' eeroyb'enihom ut maak'a' leeYos sa' li ruuchich'och' a'in.

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Romanos 1:26

Rik'in a'an li Yos kixq'axtesiheb' sa' li xutaanalil na'leb' xb'aan naq li rixaqileb' ink'a' chik ke'raj wank rik'ineb', rik'in b'an chik li rech ixqilal ke'xb'aanu li moko uxk naraj.

Romanos 1:24

Jo'kan naq li Yos kixk'eheb' chi xb'aanunkil li narataw xch'ooleb', kixq'axtesiheb' sa' xyib'al ru xmaa'usilaleb' toj ke'xmux li xtz'ejwaleb' chirib'ileb' rib':

Hechos 17:23

Naq yookin chi b'eek ut chi xka'yankil li b'arwan nekeloq'oni, xintaw ajwi' jun li artal b'arwi' tz'iib'anb'il: «Re li Yos li ink'a' nawb'il ru». Jo'kan utan, li nekeloq'oni chi ink'a' nekenaw ru, a'an li xinchalk chi xyeeb'al resil eere.

San Lucas 12:30

Chixjunil a'in neke'xk'oxla eb' li maak'a'eb' xpaab'aal sa' li ruuchich'och' a'in. Ab'an ak naxnaw leeYuwa' naq nekeraj ru a'in.

San Mateo 6:32

Chixjunil a'in neke'xk'oxla li maak'a'eb' xpaab'aal. Ab'an ak naxnaw leechoxahil Yuwa' naq nekeraj ru chixjunil a'in.

1 Corintios 1:21

Li ruuchich'och' rik'in li xna'leb' ink'a' kixnaw ru li Yos sa' li xnimal ru xna'leb'; jo'kan naq li Yos kiraj xkolb'aleb' laj paab'anel rik'in li memil na'leb' naqapuktesi laa'o.

Salmos 79:6

Chapo' laach'ool sa' xb'eeneb' li poyanam li ink'a' neke'xnaw aawu, sa' xb'eeneb' li tenamit li ink'a' neke'xyaab'a laak'ab'a'.

Jeremías 10:25

Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.