1 Ts 3:9 - Q'eqchi Bible

⁹ Ut chan tawi' ru tooyoxinq chiru li Yos cherix laa'ex rik'in chixjunil li xsahil qach'ool naqeek'a chiru li qaYos sa' eek'ab'a'?

Li Santil hu

⁹ Incꞌaꞌ nakatau chanru nak takabantioxi chiru li Dios riqꞌuin lix sahil li kachꞌo̱l nequeqꞌue ke saꞌ xcꞌabaꞌ le̱ pa̱ba̱l. Li Dios naxnau nak cꞌajoꞌ xsahil li kachꞌo̱l e̱ban la̱ex.

1 Ts 3:9 ပူးပေါင်းရင်းမြစ်များ

2 Corintios 9:15

B'anyox re li Yos! K'ajo' xnimal li xsimaatan, ut maa'ani truuq xch'olob'ankil li rusilal!

1 Ts 2:19

B'ar pe' wank li qoyb'enihom, li qasahilal, li qaloq'al li tqanima wi' qib' chiru li Qaawa' Jesus sa' li xk'ulunik? Ma ink'a' tab'i' laa'ex?

Nehemías 9:5

Laj Josué, laj Kadmiel, laj Baní, laj Jasabnías, laj Serebías, laj Hodías, laj Sebanías ut laj Petajías aj Levíheb' ke'xye: “Xaqlinqex ut chenimaaq ru li Qaawa' leeYos junq'e junq'e kutan. Usilaatinanb'il taxaq li xloq'laj k'ab'a', li q'axal nim xloq'al ut xwankilal chiru chixjunil li naru xyeeb'al”.

2 Samuel 6:21

Toja' naq laj David kixye re: “Chiru li Qaawa' xinxajok laa'in: chiru li Qaawa' li kisik'ok wu cho'q reeqaj laayuwa' ut chixjunil li xjunkab'al ut kinxxaqab' cho'q aj k'amol xb'e Israel li xtenamit.

Deuteronomio 16:11

Ut taasaho'q laawaanm chiru li Qaawa' laaYos, laa'at, laawalal ut laarab'in, laamoos winq ut laamoos ixq, laj Leví li wank sa' laatenamit ut laj ab'l tenamit, li neb'a'yox ut li xmalka'an li wankeb' sa' eeyanq, sa' li na'ajej sik'b'il ru xb'aan li Qaawa' laaYos re naq aran taana'ajunq li xk'ab'a'.

Deuteronomio 12:18

Taatzeka eb' a'in naq wanqex chiru li Qaawa' laaYos, sa' li na'ajej sik'b'il ru xb'aan li Qaawa' laaYos, ut ka'ajwi' aran tattzekanq aawochb'eeneb' laawalal aak'ajol, eb' laj k'anjel chawu jo'wi' eb' laj Leví li wankeb' sa' eeyanq. Ut sahaq sa' laach'ool chiru li Qaawa' laaYos rik'in chixjunil li k'anjel xab'aanu.

Deuteronomio 12:2

“Teesach chi junajwa chixjunileb' li na'ajej b'arwi' neke'xloq'oni li xyoseb' eb' li tenamit teereechani: teesach sa' xb'eeneb' li tzuul, sa' xb'eeneb' li b'ool ut rub'elatq chixjunil li xchaq'alil ru che'.

2 Corintios 2:14

B'anyox re li Yos naq sa' xk'ab'a' li Kriist junelik nokooxk'e chi tz'aqonk sa' li x'awab'ejihom ut naxk'e chi nawe'k li Kriist sa' qak'ab'a' laa'o: a'an chanchan xb'ook li sununkil b'an naxik yalaq b'ar.

Salmos 68:3

Kama' naq na'oso'k li sib' sa' iq', kama' naha'lenk li waakab' chiru xam, jo'kan naq te'oso'q chiru li Yos eb' li ink'a' useb' xna'leb'.

Salmos 116:12

Chanru tintoj re li Qaawa' chixjunil li usilal xb'aanu we?

2 Crónicas 31:8

Ut naq ke'k'ulunk laj Esekías ut eb' li xjolomileb' li tenamit re rilb'al jo'k'ihal li mayej kitub'laak, ke'xloq'oni ru li Qaawa' ut ke'xyoxi chiruheb' laj Israel li xtenamit.