1 Ts 3:8 - Q'eqchi Bible

⁸ Anaqwan yaal naq yo'yooko: xb'aan naq naqanaw naq kaw xaqxookex rik'in li Qaawa'.

Li Santil hu

⁸ Ut anakcuan naru chic tocua̱nk chi sa saꞌ kachꞌo̱l xban nak nakanau nak cau e̱chꞌo̱l saꞌ e̱pa̱ba̱l saꞌ xcꞌabaꞌ li Jesucristo.

1 Ts 3:8 ပူးပေါင်းရင်းမြစ်များ

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

1 Corintios 16:13

Chexyo'leq, kaw xaqxooqex sa' li paab'ank, chexk'anjelaq jo' tz'aqal winq, kawaqex.

Apocalipsis 3:11

Tinchalq chi seeb'. Li k'aru wank aawe, kaw chapchooq aab'aan re naq maa'ani taamaq'oq chawu laaq'ajkamunkil.

Hebreos 10:23

Qachapaq qib' chi kaw rik'in li qoyb'enihom li naqach'olob', xb'aan naq li Yos naxk'e li b'arwan naxyeechi'i.

Hebreos 4:14

Kawaq b'i' qach'ool chi junelik sa' li qapaab'aal, xb'aan naq wank jun xnimal ru xyuwa'il aj tij li kox'okaq sa' choxa, a' li Jesus, li Ralal li Yos.

Filipenses 1:21

Xb'aan naq chiwu laa'in li yu'am a'an li Kriist ut li kamk a'an q'axal us cho'q we.

Apocalipsis 3:3

Chinaq b'i' sa' aach'ool chanru xak'ul ut xawab'i li waatin. K'e aach'ool chirix ut chajal aak'a'uxl, xb'aan naq, wi ink'a' yooqat chi yo'lek, tolin'elq kama' junaq aj elq', chi ink'a' taanaw jo'q'e honal tinchalq sa' aab'een.

Hebreos 3:14

Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.

Efesios 3:17

Li Kriist chihilanq sa' leeraanm sa' xk'ab'a' li paab'aal. Chexe'eni ut cherub'ela eerib' sa' li rahok,

Hechos 11:23

Naq kox'elq aran ut kiril li rusilal li Yos, kisaho'k sa' xch'ool ut kixjultika chiruheb' naq junelik che'kanaaq rik'in li Qaawa' chi kaweb' xch'ool,

Salmos 30:5

B'ichahomaq cho'q re li Qaawa' laa'ex li nekexpaab'ank re; chenima li xk'ab'a' xb'aan naq k'ajo' xsantilal!

2 Pedro 3:17

Chi jo'kan, ex was wiitz'in raarookex inb'aan, aj'ajaq ru leek'a'uxl xb'aan naq ak xyeemank xyaalalil eere. Mare anchal teepo' eena'leb' xb'aan li k'aru neke'sachk wi' eb' li winq eet xna'leb'eb'; mare anchal tex'isiiq sa' leepaab'ahom li kaw xaqxookex wi'.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

Filipenses 4:1

Jo'kan utan, ex was wiitz'in li nekexinra ut nekexink'oxla, laa'ex tz'aqal xsahil inch'ool ut inloq'al, kaw xaqxooqex sa' xk'ab'a' li Qaawa', ex was wiitz'in raarookex inb'aan.

Filipenses 1:27

Ka'ajwi' a'in nawaj: naq wanqex taxaq sa' xyaalal jo' xk'ulub' li xChaab'il Esil li Kriist. Chi jo'kan, us ta tinxik cherilb'al us ta maa'anihaqin, twab'i eeresil naq kaw xaqxooqex sa' jun chi musiq'ej, ut wotz yooqex chi xyalb'al eeq'e chirix xpaab'ankil li Chaab'il Esilal,

1 Corintios 15:58

Jo'kan b'i', ex was wiitz'in raarookex inb'aan, kaw xaqxooqex, chexwanq chi ink'a' taach'inanq leech'ool, junelik yooqex chi k'iik sa' xk'anjel li Qaawa'. Chenawaq naq li xyalb'al eeq'e moko maak'a' ta aj e sa' xk'ab'a' li Qaawa'.

San Juan 15:7

“Wi nekexkanaak wik'in ut eb' li waatin neke'kanaak eerik'in, tz'aamahomaq li teeraj ut taak'eemanq eere.

San Juan 15:4

Kanaaqex wik'in, ut laa'in tinkanaaq eerik'in. Jo' li ruq' che' ink'a' naru na'uuchink xjunes rib' wi ink'a' xtz'ejwalihom rib' rik'in li xtoonal, jo'kan ajwi' laa'ex wi ink'a' nekexkanaak wik'in.

1 Samuel 25:6

ut teeye re: «Sahaq taxaq aach'ool, sahaq taxaq xch'ooleb' li wankeb' sa' laajunkab'al jo'wi' li k'aru wank aawe.

Gálatas 5:1

Li Kriist ki'ach'ab'ank qe re naq ach'ab'anb'ilaqo chi yaal. Wanqex b'i' chi kaw eech'ool sa' leepaab'aal ut meek'e chik eerib' chi wank chi b'ak'b'o.

San Juan 8:31

Kixye li Jesus reheb' laj Judiiy li ke'paab'ank re: —Wi junelik eetz'ejwalihom eerib' rik'in li waatin, tz'aqal intzolomex;

1 Ts 3:7

Jo'kan utan, ex qas qiitz'in, sa' chixjunil li raaxiik' ut li qarahilal, xqak'ul xk'ojob'ankil qach'ool eeb'aan sa' xk'ab'a' leepaab'aal.