1 Ts 3:6 - Q'eqchi Bible

⁶ Toja' xsutq'iik chaq laj Timoteo eerik'in, ut chaab'il resil leepaab'aal ut leerahom xk'am chaq; xolxye ajwi' naq junelik nokoojultiko'k eere ut nekeraj rilb'al qu, jo' ajwi' naq laa'o naqaj rilb'al eeru.

Li Santil hu

⁶ Tojeꞌ xsukꞌi chak laj Timoteo e̱riqꞌuin ut aꞌan xcꞌam chak jun cha̱bil esilal che̱rix chanru nak cau e̱chꞌo̱l saꞌ le̱ pa̱ba̱l ut chanru nak nequexrahoc. Ut xye ajcuiꞌ ke nak rajlal nocoe̱cꞌoxla joꞌ ajcuiꞌ nak nequexkacꞌoxla la̱o. La̱ex nequeraj rilbal ku ut joꞌcan ajcuiꞌ la̱o nakaj rilbal e̱ru la̱ex.

1 Ts 3:6 ပူးပေါင်းရင်းမြစ်များ

1 Corintios 11:2

Ninnima eeru xb'aan naq ninjultiko'k eere chi junelik ut nekek'uula sa' eech'ool leetzolb'al jo' naq xink'ut cheru.

Isaías 52:7

K'ajo' xchaq'al ru rilb'al sa' xb'eeneb' li tzuul li roqeb' laj yehol resil li tuqtuukil usilal, li nayehok chaab'il esilal, li napuktesink resil li kolb'a ib' ut naxye re Sión: “Ak yo chi awab'ejink laaYos!”.

1 Ts 1:3

Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.

Hechos 18:5

Naq ke'chalk chaq Macedonia laj Silas ut laj Timoteo, laj Pablo junes chirix li Aatin kixk'e xch'ool, ut naxch'olob' chiruheb' laj Judiiy naq li Jesus a'an li Kriist.

Proverbios 25:25

Jo' li keelha' cho'q re li nachaqik re, jo'kan li chaab'il esil nachalk chaq chi najt.

Filipenses 1:8

Li Yos naxnaw chi us naq q'axal nekexinra chejunilex sa' li xrahom li Kristo Jesus.

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.

Hebreos 13:7

Jultikaq eere eb' laj k'amol eeb'e li ke'ch'olob'ank raatin li Yos cheru. Chek'ehaq reetal chanru xo'raqe'q wi' li xyu'ameb', ut k'amomaq eere rik'in li xpaab'aaleb'.

Hebreos 13:3

Jultikaq eere li wankeb' sa' tz'alam, chanchan ta wi' naq laa'ex jun rik'ineb'. Jultikaq eere li rahob'tesinb'ileb', xb'aan naq laa'ex ch'och' sululex ajwi'.

Filemón 1:5

xb'aan naq nawab'i resil chanru nakara ut nakapaab' li Qaawa' Jesus, re rusilankil chixjunileb' laj santil paab'anel.

2 Timoteo 1:3

Junelik ninb'anyoxi chiru li Yos li nink'anjelak chiru chi saq ru li waanm, kama' ke'xb'aanu chaq eb' linna' linyuwa', rajlal naq nakatjultiko'k we sa'eb' lintij chi q'eq ut chi kutan.

1 Timoteo 1:5

Li xyaalal li chaq'rab' a'in, a'an naq chiqara qib' chiqib'il qib' rik'in li rahok na'alaak sa' saq ru ch'oolejil, sa' li tiikil k'a'uxl ut li tz'aqal paab'ank.

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

1 Ts 2:17

Ex qas qiitz'in, naq laa'o xoo'elk sa' eeyanq chiru jun k'amok, xoomaaniho'k sa' eeyanq rik'in li qoq quq', ab'an li qach'ool wank eerik'in. Ut k'ajo' naq xqayal qaq'e chi rilb'al wi' chik eeru. A'an a'in tz'aqal li rajom qach'ool.

1 Ts 2:9

Ex qas qiitz'in, laa'ex najultiko'k eere li qak'anjel ut li qalub'ik. Xook'anjelak chi q'eq ut chi kutan re naq maa'ani xqach'i'ch'i'i sa' eeyanq naq xqapuktesi eere li xChaab'il Esil li Yos.

Colosenses 4:18

Laa'in laj Pablo nintz'iib'a li xsahil eech'ool a'in rik'in wuq'. Chijultiko'q eere naq b'ak'b'ookin chi kareen. Li Usilal chiwanq taxaq eerik'in.

Colosenses 1:4

xb'aan naq xqab'i resil naq nekepaab' li Kristo Jesus ut nekera chixjunileb' laj santil paab'anel

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

1 Corintios 13:13

Anaqwan junelik xaqxookeb' li oxib' a'in: li paab'aal, li oyb'enink ut li rahok. Ab'an li q'axal nim xwankil sa' xyanqeb', a'an li rahok.

Hechos 18:1

Chirix chik a'an laj Pablo ki'elk Atenas ut kiwulak Korinto.

Hechos 16:1

Laj Pablo kiwulak ajwi' toj Derbe ut Listra. Aran wank jun aj paab'anel, aj Timoteo xk'ab'a': li xna' a'an jun li ixq aj judiiy okenaq chi paab'ank sa' li kristiyanil, ut li xyuwa' a'an aj griego.

1 Ts 3:7

Jo'kan utan, ex qas qiitz'in, sa' chixjunil li raaxiik' ut li qarahilal, xqak'ul xk'ojob'ankil qach'ool eeb'aan sa' xk'ab'a' leepaab'aal.