1 Ts 3:3 - Q'eqchi Bible

³ re naq maa'ani chich'inanq xch'ool xb'aaneb' li rahilal a'in. Ak ch'olch'o cheru naq tento tqak'ul a'an.

Li Santil hu

³ Incꞌaꞌ nakaj nak ta̱chꞌina̱k e̱chꞌo̱l xban li raylal aꞌin. La̱ex nequenau nak takacꞌul li raylal.

1 Ts 3:3 ပူးပေါင်းရင်းမြစ်များ

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

Romanos 5:3

Ut moko ka'aj ta wi' rik'in a'in, naqanima aj b'an wi' qib' toj sa'atqeb' li qarahilal, xb'aan naq naqanaw naq li rahilal naxyoob' xnimal kuyum;

Hechos 9:16

Ut laa'in tink'ut chiru jo'ch'inal jo'nimal tento tixkuy sa' ink'ab'a'”.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

1 Corintios 15:58

Jo'kan b'i', ex was wiitz'in raarookex inb'aan, kaw xaqxooqex, chexwanq chi ink'a' taach'inanq leech'ool, junelik yooqex chi k'iik sa' xk'anjel li Qaawa'. Chenawaq naq li xyalb'al eeq'e moko maak'a' ta aj e sa' xk'ab'a' li Qaawa'.

Hechos 21:13

Toja' naq kichaq'ok laj Pablo: —K'a'ut naq yookex chi yaab'ak ut chi xk'eeb'al xrahil inch'ool? Relik chi yaal naq yo'oon wankin moko ka'aj ta wi' chi b'ak'e'k, chi kamk aj b'an wi' aran Jerusalén sa' xk'ab'a' li Qaawa' Jesus, chan.

1 Ts 5:9

Li Yos ink'a' xooxk'e cho'q re li tojb'amaak, chi xtawb'al b'an li kolb'a ib' sa' xk'ab'a' li Jesukriist li Qaawa':

1 Corintios 4:9

Xb'aan naq nink'oxla naq li Yos xooxkanab' laa'o li apóstol toj sa' xmaril, kama' wi' naq teneb'anb'il kamk sa' qab'een; k'eeb'ilo chi ka'yaak xb'aan chixjunil li ruuchich'och', jo'eb' li ánjel jo'eb' li tenamit.

Salmos 112:6

Maajun wa taawiib'anq xch'ool; relik chi yaal naq junelik paatz'el li ani nab'eek sa' li tiikilal.

1 Pedro 2:21

A'in aj e naq li Yos kib'oqok eere, xb'aan naq li Kriist kixk'ul rahilal sa' eek'ab'a': kixk'am eeb'e re naq teetaaqe li xnums.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Efesios 3:13

Jo'kan utan, nintz'aama cheru naq mich'inank leech'ool xb'aan li raaxiik' yookin chi xk'ulb'al cherix laa'ex, xb'aan naq a'an a'in leeloq'al.

Hechos 2:25

Naxye laj David chirix li Jesus: «Junelik nawil li Qaawa' chiwu, xb'aan naq wank sa' linnim uq' re naq ink'a' taach'inanq linch'ool.

San Juan 16:2

Tex'isiiq sa'eb' li ch'utleb'aal kab'l. Ut taawulaq ajwi' xhonal naq yalaq ani taakamsinq eere tixk'oxla naq yo chi xloq'oninkil ru li Yos.

San Lucas 21:12

“Ab'anan rub'elaj chixjunil a'in texchape'q ut texrahob'tesiiq; texq'axtesiiq sa'eb' li ch'utleb'aal kab'l ut eb' li tz'alam; texk'ame'q chiruheb' li awab'ej ut eb' li ninqeb' xwankil sa' ink'ab'a'.

2 Timoteo 1:8

Jo'kan naq matxutaanak chi xyeeb'al li yaal chirix li Qaawa', chi moko tatxutaanaq inb'aan laa'in li wankin sa' tz'alam sa' xk'ab'a' A'an. Chakuyaq ajwi' laa'at li rahilal nak'ulmank sa' xk'ab'a' li Chaab'il Esilal. Chakuy rik'in xwankil li Yos

2 Ts 1:4

A'an nanimob'resink qaloq'al naq nokoo'aatinak cherix sa'eb' li x'Iklees li Yos, xb'aan naq nim leekuyum ut kaw leech'ool sa' leepaab'aal sa' chixjunil li raaxiik' ut li rahilal yookex chi xk'ulb'al.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Filipenses 1:28

chi maak'a' k'aru texxiwaq wi' chiruheb' li xik' neke'ilok eere: a'anaq reetalil li sachk cho'q reheb' a'an, a'ut cho'q eere laa'ex a'anaq reetalil li kolb'a ib'. Ut chixjunil a'in nachalk rik'in li Yos.

Hechos 21:11

A'an kijilok chi qak'atq, kixchap li xk'aamal xsa' laj Pablo ut kixb'ak' rib' jo' li roq ut li ruq'; toja' naq kixye: —A'in naxye li Santil Musiq'ej: Jo'ka'in naq taab'ak'iiq li winq aj eechal re li k'aamalsa' a'in xb'aaneb' laj Judiiy aran Jerusalén, ut taaq'axtesiiq sa' ruq'eb' li junch'ol chik.

Li xHu LAJ JOB 23:14

Ch'olch'o naq tixb'aanu wik'in li k'aru naraj, jo' naxb'aanu chirix jo'nimal na'alaak sa' xch'ool xb'aanunkil.