1 Ts 2:16 - Q'eqchi Bible

¹⁶ neke'xram chiqu aatinak rik'ineb' li maawa'eb' aj Judiiy re naq te'kole'q; chi jo'kan junelik yo chi nujak li xb'isb'al li xmaakeb'. Ab'anan li xjosq'il li Yos ak teneb'anb'il sa' xb'eeneb' chi junajwa.

Li Santil hu

¹⁶ Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb.

1 Ts 2:16 ပူးပေါင်းရင်းမြစ်များ

Hechos 17:13

Naq eb' laj Judiiy li wankeb' Tesalónika ke'xnaw naq laj Pablo kixpuktesi ajwi' Raatin li Yos aran Berea, koheb' ajwi' aran ut ke'xpo' xch'ooleb' li tenamit re naq te'xpoqoqi rib'eb'.

Hechos 14:19

Toja' naq wankeb' aj Judiiy ke'chalk chaq Antiokía ut Ikonio, ke'xtakchi'i eb' li poyanam. Ke'xkuti chi pek laj Pablo, ut chi jukukinb'il ke'risi sa' li tenamit, sa' xch'ooleb' a'an naq ak xkamk.

San Marcos 16:16

Ani taapaab'anq ut taakub'eeq xha', a'an taakole'q; a'ut li ink'a' taapaab'anq, taateneb'aaq tojb'amaak sa' xb'een.

San Mateo 23:32

Chenujob'resi b'i' li xb'isleb' leena' leeyuwa'!

2 Ts 2:10

taachalq ajwi' rik'in chixjunil li maa'usilal re naq tixq'unb'esi xch'ooleb' li tento te'sachq xb'aan naq ink'a' ke'xk'ulub'a ut ink'a' ke'xra li yaal li kikolok raj reheb'.

Gálatas 5:11

Ex was wiitz'in, wi ta toj yookin chi xyeeb'al naq tento li sirkunsisyon, ink'a' raj chik tine'xrahob'tesi eb' laj Judiiy, xb'aan naq ak xraqe'k raj chi jo'kan li luktesink ch'oolej chirix li krus.

Hechos 14:5

Ut eb' li maawa'eb' aj Judiiy ke'xk'am rib' sa' aatin rik'ineb' laj Judiiy rochb'eeneb' laj k'amol xb'eheb', ut ke'xk'uub' ru xmajewankil eb' li apóstol ut xteninkileb' chi pek.

Hechos 13:50

Ab'anan eb' laj Judiiy ke'xtakchi'i li xninqaleb' ru ixq li neke'loq'onink ru li Yos, jo' ajwi' li xb'eenileb' li tenamit; ke'xyoob' jun raaxiik' chirixeb' laj Pablo ut laj Bernabé ut ke'risiheb' sa' li xna'ajeb'.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

1 Timoteo 2:4

A'an naraj naq chixjunileb' te'kole'q ut toxe'xtaw ru k'aru li yaal.

Hechos 13:45

Ab'an, naq ke'ril li k'iila tenamit, eb' laj Judiiy k'ajo' naq kikaqo'k xch'ooleb'; ke'ok chi xwech'inkil rix ut chi xmajewankil jo'nimal naxye laj Pablo.

San Mateo 12:45

Toja' naq taaxik ut tixk'am chaq wuqub' chik chi musiq'ej, q'axal chik maa'useb' chiru a'an. Te'ok ut te'kanaaq aran; ut q'axal chik yib'ru taakanaaq wi' li winq a'an chiru naq xwank chaq xb'enwa. Jo'kan ajwi' tixk'ul li tenamit a'in li ink'a' useb' xna'leb'”.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Malaquías 4:5

“K'ehomaq reetal. Tintaqla eerik'in li propeet Elías rub'elaj li xKutankil li Qaawa', a'an xnimal ru kutan ut q'axal xiwajel ajwi'.

Génesis 15:16

Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Apocalipsis 22:11

Ani ink'a' tiik xch'ool, xb'aanuuq wan li maa'usilal; ut li ani muxb'il, toj xmuxaq wan rib'. Ani tiik xch'ool, mixkanab' xb'aanunkil li tiikilal, ut li sant mixkanab' xsantob'resinkil rib'”.

Hebreos 6:8

Ab'an li ch'och' na'elk wi' junes k'ix ut pajl, a'an maak'a' na'ok wi'; tz'eqtaananb'il, ut k'atk tox'oso'q wi'.

1 Ts 1:10

jo'wi' re royb'eninkil li Ralal taak'ulunq chaq sa' choxa, a' li kiwaklesiik xb'aan li Yos sa' xyanqeb' li kamenaq, a'an li Jesus li nokooxkol chiru li josq'il chaalel.

Efesios 3:13

Jo'kan utan, nintz'aama cheru naq mich'inank leech'ool xb'aan li raaxiik' yookin chi xk'ulb'al cherix laa'ex, xb'aan naq a'an a'in leeloq'al.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Hechos 19:9

Ab'anan wankeb' li ke'kawuuk xch'ool; ink'a' ke'raj paab'ank ut ke'ok chi xyeeb'al chiruheb' li poyanam yib' aj na'leb' chirix li xB'e li Qaawa'; jo'kan naq laj Pablo kixkanab'eb'. Kixjek'eb' laj paab'anel rik'ineb' laj ch'utleb'aal kab'l ut rajlal kutan naseeraq'ik rik'ineb' sa' li xtzoleb'aal kab'l laj Tirano.

Hechos 14:2

Ab'anan eb' laj Judiiy junch'ol, eb' li ink'a' ke'paab'ank, ke'xyoob' xjosq'ileb' li maawa'eb' aj Judiiy ut ke'xpo' xch'ooleb' chirixeb' laj paab'anel.

Hechos 4:12

Xb'aan naq maa'ani chik aj ik'in wank li kolb'a ib'; maak'a' chik junaq k'ab'a'ej rub'el choxa k'eeb'il qe cho'q aj Kolonel.

San Mateo 24:14

Ut taapuktesimanq li chaab'il esilal a'in chirix li xnimajwal wankilal li choxa sa' chixjunil li ruuchich'och' re xch'olob'ankil li yaal chiruheb' chixjunil li tenamit: toja' naq taachalq li roso'jik.

San Mateo 24:6

Teerab'ihatq naq yooq li kamsij ib' malaj ut yal resil li yalok, ab'anan chek'ehaq reetal, mexxiwak! Xb'aan naq tento taak'ulmanq a'in; ab'an toj maji'aq li roso'jik.

Isaías 45:22

“Sutq'inqex chaq wik'in re naq texinkol, chejunilex li wankatqex chaq sa' xmaril li ruuchich'och', xb'aan naq laa'in li Yos ut maak'a' chik junaq.

Daniel 8:23

Ut sa' xraqik li x'awab'ejihomeb', naq numtajenaqaq li maa'usilal, taawakliiq chaq jun chik awab'ej q'axal wi' chik q'etq'et ut aj b'alaq'.

Hechos 9:23

Ak k'iila kutankaq chik xnumik a'an naq eb' laj Judiiy ke'xk'uub' sa' komonil xkamsinkil.

Hechos 21:21

Anaqwan xe'rab'i aawesil naq nakatzoleb' len chixjunileb' laj Judiiy li wankeb' sa' xyanqeb' li junch'ol chik naq che'risi rib' sa' xchaq'rab' laj Moisés. Nakaye len naq ink'a' te'xb'aanu li sirkunsisyon reheb' li ralal xk'ajoleb' chi moko te'xyu'ami li tzolb'ileb' wi' junxil.

Hechos 23:12

Naq kisaqewk, eb' laj Judiiy ke'xch'utub' rib' chi k'uub'ank ut ke'xye rik'in jurament naq ink'a' chik te'wa'aq te'uk'aq toj reetal te'xkamsi laj Pablo.

Hechos 24:9

Ke'okenk ajwi' eb' laj Judiiy chi xyeeb'al naq yaal chixjunil a'an.

Hechos 25:2

Eb' li xb'eenil aj tij ut li xninqaleb' ru aj Judiiy ke'wulak rik'in chi xjitb'al laj Pablo,

Hechos 25:7

Ka'ajwi' kol'elq li apóstol, kisute'k xb'aaneb' laj Judiiy li ke'chalk Jerusalén. Xiikil ut q'axal ra li ke'xyoob' chirix, ab'an ink'a' ke'ruhank chi xk'utb'al naq yaal.

1 Corintios 10:33

jo' naq laa'in ninyal inq'e chi xk'ojob'ankileb' xch'ool chixjunileb' rik'in chixjunil. Ink'a' ninsik' li k'aru us cho'q we injunes, a' b'an li us cho'q re chixjunileb', re naq te'kole'q.