1 Ts 2:13 - Q'eqchi Bible

¹³ Jo'kan naq laa'o ajwi' junelik nokooyoxink chiru li Yos xb'aan naq, jo'q'e xerab'i li Raatin li Yos xqapuktesi eere, xek'ul moko jo' ta raatin li winq, jo' b'an tz'aqal li xyaalalil, jo' raatin li Yos li yo chi k'anjelak rik'in xwankil sa' eeyanq laa'ex laj paab'anel.

Li Santil hu

¹³ Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

1 Ts 2:13 ပူးပေါင်းရင်းမြစ်များ

Hebreos 4:12

Relik chi yaal naq yo'yo li Raatin li Yos ut kaw rib', jwal q'es chiru chixjunil li ch'iich' ka'pak'al xq'esnal. Nawulak toj sa' xyanq li aanmej rik'in li musiq'ej, toj sa'atq xtiqb'al li qab'aqel ut li sulutz; narajla jo'ch'inal jo'nimal li nareek'a ut naxk'oxla li ch'oolej.

Romanos 10:17

Jo'kan naq li paab'aal nachalk sa' xk'ab'a' li Esilal, ut li Esilal napuktesimank sa' xk'ab'a' li Raatin li Kriist.

1 Pedro 1:23

xb'aan naq yoob'tesinb'ilex xka' wahil moko rik'in ta li iyaj nakamk, rik'in b'an li ink'a' nakamk, a' li Raatin li Yos, yo'yo ut wank chi junelik.

1 Pedro 1:25

A'ut li Raatin li Yos wank chi junelik”. Ut a'an a'in tz'aqal li Aatin, a' li Chaab'il Esilal yeeb'il chaq eere.

1 Pedro 2:2

Jo'qex li k'uula'al toja' xe'yo'laak, cherataw li chaab'il leech li nachalk rik'in li Musiq'ej, re naq sa' xk'ab'a' a'an texk'iiq cho'q re li kolb'a ib':

San Lucas 11:28

Kichaq'ok li Jesus ut kixye: —Us b'an xaq reheb' li neke'ab'ink re li raatin li Yos ut neke'xk'uula sa' xch'ooleb'!

Hechos 13:48

Naq eb' li maawa'eb' aj Judiiy ke'rab'i a'in, ke'saho'k sa' xch'ool ut ke'ok chi xnimankil xwankil li Raatin li Qaawa'. Ut chixjunileb' li ak xaqab'anb'ileb' chi xtawb'al li junelik yu'am ke'ok chi paab'ank,

1 Juan 3:3

Chixjunil li kaw xch'ool rik'in li Jesus, naxch'ajob'resi rib', kama' A'an maak'a' xmuxul.

Gálatas 4:14

ut us ta ch'a'aj raj cho'q eere linyajel, ab'an ink'a' xineetz'eqtaana chi moko xik' xineeril, xineek'ul b'an kama' junaq x'ánjel li Yos: kama'in wi' li Kristo Jesus naq xineek'ul.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

Colosenses 1:6

li kiwulak toj eerik'in ut yo chi uuchink ut chi k'ihank sa' eeyanq kama' ajwi' sa' chixjunil li ruuchich'och', chalen naq kerab'i resil li rusilal li Yos ut ketaw ru k'aru tz'aqal a'an.

San Lucas 8:21

Kichaq'ok li Jesus ut kixye: —Linna' ut eb' li wiitz'in a'aneb' li neke'ab'ink re li Raatin li Yos ut neke'xk'anjela ru.

San Juan 17:19

Ut sa' xk'ab'a'eb' a'an ninsantob'resi wib', re naq santob'resinb'ilaqeb' ajwi' a'an rik'in li yaal.

San Mateo 10:40

“Ani nak'uluk eere, laa'in nikinxk'ul; ut li nak'uluk we, naxk'ul li kitaqlank chaq we.

San Juan 17:17

Chasantob'resiheb' rik'in li yaal: laawaatin a'an li yaal.

San Juan 15:3

Laa'ex ak saab'esinb'ilex xb'aan li aatin xinye eere.

San Lucas 8:11

“A'an a'in xyaalal li jaljookil ru aatin: li iyaj a'an li Raatin li Yos.

San Mateo 10:20

Moko laa'ex ta tex'aatinaq, a' b'an li xMusiq' leeYuwa' taa'aatinaq chi xtz'uumal eere.

2 Pedro 3:2

Chijultiko'q eere li aatin ke'xye chi junxilaj eb' li santil propeet, jo' ajwi' chijultiko'q eere li xchaq'rab' li Qaawa' ut laj Kolonel, q'axtesinb'il eere xb'aaneb' lee'apóstol.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

Hechos 17:32

Naq ke'rab'i chi aatinak chirix li xwaklijikeb' li kamenaq, wankeb' ke'ok chi xse'enkil laj Pablo; wankeb' chik ke'yehok: —Toj sa' jun sut chik tatqab'ihaq chi aatinak chirix a'an.

Hechos 16:14

Yo ajwi' chi qab'inkil jun li ixq, xLidia xk'ab'a', chalenaq sa' li tenamit Tiatira, nak'ayink kaqi b'on re t'ikr, ut aj paab'anel. Li Qaawa' kixte li xch'ool re naq tixk'ulub'a li yo chi xyeeb'al laj Pablo.

Hechos 10:33

Jo'kan naq junpaat xintaqla aasik'b'al, ut us xab'aanu naq xatchalk. Anaqwan ch'utch'uuko chiqajunilo chiru li Yos chi rab'inkil jo'ch'inal jo'nimal xattaqlaak wi' xb'aan li Qaawa'.

Hechos 2:41

Toja' naq eb' li ke'xk'ul li raatin laj Pedro sa' xch'ooleb' ke'kub'siik xha', ut sa' li kutan a'an oxib' mil tana ke'ok sa' xyanqeb' laj paab'anel.

Hechos 8:14

Naq eb' li apóstol li wankeb' Jerusalén ke'rab'i resil naq eb' laj Samaria ke'xk'ulub'a li Raatin li Yos, ke'xtaqla laj Pedro ut laj Jwan rik'ineb'.

San Lucas 5:1

Naq wan chaq li Jesus chire li palaw Genesaret xk'ab'a' ut eb' li tenamit yookeb' chi xtiikisinkil rib' sa' xb'een re rab'inkil Raatin li Yos,

Jeremías 44:16

“Ink'a' tqapaab' li k'aru xaye qe sa' xk'ab'a' li Qaawa',

Hageo 1:12

Naq laj Sorobabel, ralal laj Salatiel, ut laj Josué, ralal laj Josadak, xyuwa'il aj tij, jo'wi' chixjunileb' li tenamit ke'rab'i li raatin li Qaawa' li xYoseb', li kixye chi xtz'uumal re laj Hageo li propeet, jo' chanru chaq'rab'inb'il xb'aan, k'ajo' naq ke'ok xxiw.

Hebreos 4:2

Laa'o qak'ulum jun li chaab'il esilal, kama' ajwi' naq ke'xk'ul eb' a'an. Ab'an li aatin ke'rab'i maak'a' ki'ok wi' reheb', xb'aan naq ink'a' ke'paab'ank ut ink'a' ke'xjunaji rib' rik'ineb' li ke'ab'ink re.