1 Ts 2:11 - Q'eqchi Bible

^11-12 Nekenaw chi us naq xqach'olob' eena'leb' ut xqak'e xkawub' eech'ool chejunjunqal, jo' naxb'aanu jun yuwa'b'ej rik'ineb' li ralal xk'ajol. Xqatz'aama xqelaji cheru naq chexwanq jo' xk'ulub' li Yos, li xb'oqok eere sa' li xnimajwal awab'ejihom ut li xloq'al.

Li Santil hu

¹¹ Joꞌ naxba̱nu junak li yucuaꞌbej riqꞌuineb li ralal xcꞌajol, joꞌcan ajcuiꞌ xkaba̱nu la̱o e̱riqꞌuin nak xkaqꞌue e̱naꞌleb che̱junju̱nkalex.

1 Ts 2:11 ပူးပေါင်းရင်းမြစ်များ

Hebreos 13:22

Ex was wiitz'in, nintz'aama cheru naq chekuyaq rab'inkil li aatin a'in li nintaqla re xkawub'resinkil leech'ool: moko k'i ta li aatin xintz'iib'a sa' li hu a'in.

1 Timoteo 5:21

Nintz'aama chawu sa' xk'ab'a' li Yos, sa' xk'ab'a' li Kristo Jesus ut eb' li ánjel sik'b'ileb' ru, naq taapaab' chixjunil a'in sa' tiikilal, chi ink'a' tiitooq ru anihaq aab'aan.

2 Ts 3:12

Eb' a'an naqachaq'rab'i ut naqajultika reheb' sa' xk'ab'a' li Qaawa' Jesukriist naq che'k'anjelaq sa' xyaalalil re naq te'xtaw xwaheb'.

1 Ts 5:11

Jo'kan naq chek'e xkawub' eech'ool ut chetenq'a eerib' cherib'il eerib', jo' li ak yookex xb'aanunkil.

1 Ts 2:7

Us ta xru raj xqaxaqab' qawankil xb'aan naq laa'o x'apóstol li Kriist, ab'anan xoowank sa' q'unil sa' eeyanq, jo' jun na'b'ej naxraheb' li ralal xk'ajol.

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

Deuteronomio 3:28

K'e xchaq'rab'inkil laj Josué, ch'olob' chiru ut k'e xkawub' li xch'ool, xb'aan naq a' chik a'an taak'amoq xb'e li tenamit a'in: a'an li taak'ehoq chireechani li ch'och' a'in li yookat chi rilb'al», chan li Qaawa'.

Tito 2:15

Kama' a'an tat-aatinaq, chak'eheb' xna'leb' ut chaq'useb' chi wanq aawankil. Maa'ani chitz'eqtaananq aawe.

Tito 2:6

Chak'e ajwi' xna'leb'eb' li saaj winq re naq te'wanq sa' tiikilal sa' chixjunil.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

1 Timoteo 6:13

Nintz'aama usilal chiru li Yos li nak'ehok xyu'am chixjunil li k'a'aq re ru ut chiru li Jesukriist li kixch'olob' chi us xyaalal chiru laj Poncio Pilaat:

1 Timoteo 6:2

Li wankeb' aj eechal re aj paab'aneleb' me'xtz'eqtaanaheb', sa' xk'ab'a' naq ras riitz'ineb' rib', che'k'anjelaq b'an chi numtajenaq chik chiruheb', xb'aan naq eb' li neke'k'uluk rusil li xk'anjeleleb' a'aneb' aj paab'anel ut ramiiweb' li Yos. A'in tento taatzoleb' ut taachaq'rab'iheb' wi':

1 Timoteo 5:7

Chayehaq ajwi' chixjunil a'in reheb', re naq maak'a'aq xq'usb'aleb'.

1 Ts 4:1

Chirix chik a'in, ex qas qiitz'in, naqatz'aama naqelaji cheru sa' xk'ab'a' li Qaawa' Jesus naq chexwanq jo' nawulak chiru li Yos, jo' chanru tzolb'ilex wi' qab'aan. Ak yookex xb'aanunkil chi jo'kan, ab'anan q'axal wi' chik cheb'aanu.

Hechos 20:2

Kixb'eeni eb' li na'ajej a'an, yo chi xwaklesinkil xch'ooleb' laj paab'anel rik'in k'iila aatin, toj kiwulak Grecia,

Proverbios 7:24

Jo'kan utan, at walal ink'ajol, chinaawab'i; k'e sa' laach'ool li aatin ninye aawe.

Proverbios 7:1

At walal ink'ajol, paab' li waatin ut tz'iib'a sa' laawaanm laachaq'rab'inkil inb'aan.

Proverbios 6:1

At walal ink'ajol, wi xatk'asok chirix laawas aawiitz'in; wi xasume xtojb'al li xk'as junaq ink'a' nakanaw ru;

Proverbios 3:1

At walal ink'ajol, misachk sa' laach'ool link'utum ut k'uula sa' laawaanm linchaq'rab';

Proverbios 2:1

At walal ink'ajol, chak'ulub'an li waatin ut chak'uula sa' laach'ool lintaqlahom;

Proverbios 1:15

At walal ink'ajol, maapaab' a'an, matxik chirixeb' ut maataaqe li xb'eheb',

Proverbios 1:10

Wi eb' laj maak te'raj aatakchi'inkil, maapaab'eb', at walal.

Salmos 34:11

Eb' li b'ihom neke'kanaak sa' neb'a'il ut sa' we'ej, ab'an eb' li neke'xsik' li Qaawa' maak'a' taamajelo'q reheb'.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Deuteronomio 31:14

Chirix chik a'an li Qaawa' kixye re laj Moisés: “K'e reetal, li xkutankil laakamik nach' chik wank. B'oq chaq laj Josué ut wulaqex sa' li Loq'laj Muheb'aal, re naq tinye re li k'aru tento tixb'aanu”, chan. Koheb' laj Moisés ut laj Josué, ut ke'wulak sa' li Loq'laj Muheb'aal.

Números 27:19

ut toxaaxaqab' chiru laj Elehasar laj tij ut chiru chixjunileb' li komonil, re naq taachaq'rab'i chiruheb' chixjunil a'an.

Tito 2:9

Eb' laj loq'b'il k'anjel che'paab'anq chiruheb' laj eechal reheb' rik'in chixjunil, che'xb'aanu li te'taqlaaq wi' ut me'sumenk;

Efesios 4:17

A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb',

San Lucas 16:28

xb'aan naq wankeb' oob' li wiitz'in: xch'olob'aq chaq xyaalal chiruheb' re naq me'chalk ajwi' eb' a'an sa' li rahil na'ajej a'in».

1 Ts 4:6

Maa'ani chimaakob'q chiru li ras riitz'in rik'in li na'leb' a'in chi moko chinumtaaq sa' xb'een, xb'aan naq li Yos aj eeqajunel re chixjunil a'in, jo' ak yeeb'il ut ch'olob'anb'il cheru qab'aan.

1 Ts 5:14

Naqatz'aama ajwi' cheru, ex qas qiitz'in, cheq'usaqeb' li sachsookeb' xna'leb'; chewaklesihaqeb' li neke'ch'inank xch'ool, chetenq'aheb' li ink'a' kaweb' xch'ool sa' xpaab'aaleb' ut chiwanq eekuyum rik'ineb' chixjunil.

3 Juan 1:4

A'an a'in li xnimal xsahil linch'ool: naq laa'in nawab'i naq eb' li walal ink'ajol yookeb' chi b'eek sa' li yaal.

2 Ts 2:5

Ma ink'a' najultiko'k eere naq ak inyehom a'in eere sa' linwanjik chaq sa' eeyanq?