1 Ts 1:7 - Q'eqchi Bible

⁷ Chi jo'kan xexkanaak cho'q aj k'utul chaab'il b'e chiruheb' chixjunil laj paab'anel wankatqeb' Macedonia ut Akaya.

Li Santil hu

⁷ Joꞌcan nak la̱ex chic aj cꞌamol be chiruheb chixjunileb laj pa̱banel li cuanqueb saꞌ li naꞌajej Macedonia ut Acaya.

1 Ts 1:7 ပူးပေါင်းရင်းမြစ်များ

Tito 2:7

Chak'e aawib' chi xk'amb'aleb' xb'e sa' chixjunil li chaab'il k'anjel: rik'in li tz'aqal tij, rik'in xloq'al laayu'am,

1 Pedro 5:3

ink'a' texnumtaaq sa' xb'eeneb' li k'eeb'ileb' cheril, rik'in b'an xk'amb'al li chaab'il b'e chiruheb' li karneer.

1 Timoteo 4:12

Maa'ani chitz'eqtaananq aawe sa' xk'ab'a' laasaajilal, chayal b'an aaq'e chi xk'amb'al xb'eheb' laj paab'anel rik'in aatinak, rik'in laayu'am, sa' li rahok, sa' laapaab'aal jo' ajwi' rik'in xsaqal ru laach'ool.

1 Ts 1:8

Xb'aan naq chalen sa' leekomonil xpuktesimank raatin li Qaawa'; ut leepaab'aal rik'in li Yos xpukank resil moko ka'aj ta wi' Macedonia ut Akaya, sa' chixjunil b'an li na'ajej. Jo'kan naq maak'a' chik naru tqaye.

Hechos 16:12

Koo'elk aran ut kooq'axonk Filipos, a'an jun li kolonia wank rub'el xwankil Roma ut xnimal ru tenamit sa' xteepal Macedonia. Sa' li tenamit a'an kookanaak wiib' oxib' kutan.

2 Corintios 1:1

Laa'in laj Pablo, x'apóstol li Jesukriist jo' x'alaak sa' xch'ool li Yos, nintz'iib'ak, wochb'een laj Timoteo li wiitz'in, rik'in li x'Iklees li Yos li wank Korinto jo'wi' rik'ineb' chixjunil laj santil paab'anel li wankeb' sa' xsutam Akaya.

Hechos 1:13

Ut naq ke'wulak sa' li tenamit, ke'taqe'k sa' xkab' k'ojar li kab'l b'arwi' neke'hilank. Wankeb' laj Pedro, laj Jwan, laj Santiago ut laj Andrés, laj Felipe ut laj Tomás, laj Bartolomé ut laj Mateo, laj Santiago, ralal laj Alfeo, laj Simón Zelote ut laj Judas, ralal laj Santiago.

1 Ts 4:10

Ut a'an li yookex xb'aanunkil rik'in chixjunileb' laj paab'anel li wankatqeb' sa' xsutam chixjunil Macedonia. Ab'anan, ex qas qiitz'in, naqatz'aama cheru naq q'axal wi' chik chexrahoq.

2 Corintios 9:2

xb'aan naq ak ninnaw naq chi anchal eech'ool nekeraj xtenq'ankileb'. A'an a'in li ninnima wi' wib' chiruheb' laj Macedonia. Xinye reheb' naq ak laa'ex aj Akaya chalen junhab'er ak kawresinb'ilex chi xtenq'ankileb' laj santil paab'anel. Ut naab'aleb' aj Macedonia xe'eek'asiik xch'ool xb'aan leerahom.

Hechos 18:1

Chirix chik a'an laj Pablo ki'elk Atenas ut kiwulak Korinto.

Hechos 18:12

Naq laj Galión wank chi taqlank aran Akaya, eb' laj Judiiy sa' komonil ke'xkut rib' sa' xb'een laj Pablo, ke'xk'am sa' li raqleb'aal aatin

Hechos 19:21

Naq kiraqe'k chixjunil a'an, laj Pablo kixk'uub' xxikik Jerusalén, toxnumje'q Macedonia ut Akaya: “Xb'enwa tinxik Jerusalén, moqon tento ajwi' toxwil chaq Roma”, chan sa' xch'ool.

Romanos 15:26

xb'aan naq eb' laj Macedonia ut laj Akaya xe'xk'uub' kub'sink cho'q reheb' li neb'a' wankeb' sa' xyanqeb' laj santil paab'anel aran Jerusalén.