1 Samuel 9:7 - Q'eqchi Bible

⁷ “Yo'o b'i' -chan laj Saúl-, ab'an k'aru tqayeechi'i re li winq a'an? Maak'a' chik qawa sa' li qajelool ut maak'a' wank qe re xk'eeb'al re li propeet. K'aru truuq xk'eeb'al re?”.

Li Santil hu

⁷ Laj Saúl quixye re: —Us. Yoꞌo riqꞌuin. Aban, ¿cꞌaꞌru takasi re li profeta? Ma̱cꞌaꞌ chic cuan ke. Ma̱cꞌaꞌ chic kacua saꞌ li kabo̱ls, chan.

1 Samuel 9:7 ပူးပေါင်းရင်းမြစ်များ

2 Reyes 8:8

Toja' naq li awab'ej kixye re laj Jasahel: “K'am junaq simaatan ut ayu chi xk'ulb'al li xtaql li Yos. Xpatz'aq re li Qaawa' chiwix: «Ma tinkole'q chiru li yajel a'in malaj ut ink'a'?»”.

1 Reyes 14:3

K'am lajeeb'aq wa jo'wi' k'uluj ut jun meet chi xya'al kab', ut toxaasi re. A'an tixye aawe k'aru taakanaaq wi' li k'uula'al”.

2 Reyes 4:42

Moqon chik kiwulak jun li winq aj Bahal-Salisá rik'in li xtaql li Yos. Kixk'am chaq junmay chi ak'waj toja' yiib'anb'il chaq, jo'wi' ak' triiw, sa' li xjelool. “K'ehomaq reheb' li poyanam re te'xwa'”, chan laj Eliseo re laj tenq' re.

2 Reyes 5:15

Toja' naq laj Nahamán ut chixjunileb' li rochb'een ke'sutq'iik wi' chik rik'in li xtaql li Yos. Ut naq kiwulak rik'in, laj Nahamán koxxaqliiq chiru laj Eliseo ut kixye re: “Anaqwan xink'e reetal naq maak'a' chik junaq Yos sa' chixjunil li ruuchich'och'. Ka'ajwi' arin Israel. K'ul b'i' li simaatan a'in naxk'e aawe laj k'anjel chawu”.

2 Reyes 5:5

Ut li awab'ej re Aram kixsume: “Ayu, ut laa'in tintaqla junaq hu rik'in li awab'ej re Israel”, chan. Toja' naq koho laj Nahamán ut kixk'am lajeeb' xka'k'aal mil chi tumin plaat, waqib' mil chi tumin oor ut lajeeb' ak' aq'ej.

Jueces 6:18

B'aanu usilal, mat-elk wan arin toj reetal tinsutq'iiq chaq aawik'in. Tink'am chaq linmayej ut tinq'axtesi aawe”, chan. “Us -chan li Qaawa'-, tinkanaaq arin toj reetal tatsutq'iiq chaq”.

1 Reyes 13:7

Chirix chik a'an laj Jerobohán li awab'ej kixye re li propeet: “Okan sa' li wochoch, hilan ut tink'e junaq aamaatan”, chan.

2 Reyes 8:9

Laj Jasahel koho chi xk'ulb'al laj Eliseo ut kixk'am li k'a'aq re ru jwal chaab'il re Damaask, iiqanb'il xb'aan ka'k'aal chi kameey. Ut naq kiwulak wan wi' li xtaql li Yos, koxxaqab' rib' chiru ut kixye re: “Laj Ben-Adad laawalal, awab'ej re Aram, xinxtaqla chaq aawik'in chi xpatz'b'al aawe: «Ma tinkole'q chiru li yajel a'in malaj ut ink'a'?»”.

Ezequiel 13:19

Laa'ex yal rik'in jun mooch' chi seb'aad ut jun hab'ok chi wa, nikineek'e sa' xutaan chiru lintenamit; nekek'eheb' chi kamk li ink'a' xk'ulub'eb' kamk, ut nekekol xyu'ameb' li ink'a' xk'ulub'eb' kole'k. Chi jo'kan nekeb'alaq'iheb' lintenamit li neke'paab'ank tik'ti'.