1 Samuel 9:3 - Q'eqchi Bible

³ Sa' jun kutan ke'sachk li xb'uur laj Kis li xyuwa'. Jo'kan naq laj Kis kixye re laj Saúl li ralal: “Kawresi aawib' ut ayu chi xsik'b'aleb' linb'uur. K'am chawix junaq reheb' laj k'anjel chiwu”.

Li Santil hu

³ Saꞌ jun li cutan queꞌsach lix bu̱r laj Cis. Quixye re laj Saúl: —Cauresi a̱cuib ut tatxic chixsicꞌbaleb lin bu̱r. Ta̱cꞌam jun li mo̱s cha̱cuix nak tatxic, chan.

1 Samuel 9:3 ပူးပေါင်းရင်းမြစ်များ

1 Samuel 10:2

Sa' li kutan a'in naq akaq xat-elk wik'in, taataweb' wiib' chi winq chi xk'atq li muqleb'aal re lix Rakel, aran Selsaj, sa' xteepal Benjamín. Ut eb' a'an te'xye aawe: «Eb' li b'uur li yookat chi xsik'b'al, ak xe'tawe'k. Anaqwan ink'a' chik yo chi k'oxlak laayuwa' chirixeb', ab'anan yo xk'a'uxl cherix: K'aru tinb'aanu cho'q re li walal? chan sa' xch'ool laayuwa'».

Jueces 10:4

Ke'wank lajeeb' xka'k'aal ralal laj Yaír li neke'b'eek chirix lajeeb' xka'k'aal chi kok' b'uur; ut ke'taqlank sa' xb'een lajeeb' xka'k'aal chi tenamit sa' xteepal Galahad, li neke'xk'ab'a'in toj anaqwan “Xk'aleb'aaleb' laj Yaír”.

Jueces 5:10

“Cheyehaq resil laa'ex li nekexxik chirixeb' li saqi b'uur, jo'wi' laa'ex b'ihom li nekexk'ojlaak chiruheb' tz'uumil k'ojleb'aal; b'ichahomaq laa'ex neb'a' li nekexxik cheroq.

1 Samuel 9:2

Wan chaq jun ralal, aj Saúl xk'ab'a', toj saaj ut k'ajo' xchaq'al ru. A'an li q'axal ch'ina'us ut najt roq sa' xyanqeb' chixjunileb' laj Israel.

1 Samuel 9:4

Koho laj Saúl, koxnume'q sa' chixjunileb' li xtzuulul Efraín jo'wi' sa' li na'ajej Salisá xk'ab'a', ab'an maak'a' ke'xtaw. Ke'xsik'i aran Sahalín, ab'anan maak'a' aran. Ke'xsik'i ajwi' sa' xch'och'eb' laj Benjamín, ab'an chi moko aran ke'xtaw.

1 Samuel 9:20

Matk'oxlak chik chirixeb' li b'uur li xe'sachk chawu oxejer, xb'aan naq xe'tawe'k chikan. Jo'kan ajwi' ninye aawe naq chixjunil li jwal loq' ut atawaal sa' xyanqeb' laj Israel, aawehaq jo' ajwi' rehaq laajunkab'al”.

1 Samuel 10:14

Ut li rikan kixpatz' re laj Saúl ut re li xmoos: “B'ar xexwulak chaq?”. Kichaq'ok a'an: “Chi xsik'b'aleb' li b'uur. Ab'anan ink'a' xqataweb', jo'kan naq xkooho rik'in laj Samuel”, chan.