1 Samuel 9:2 - Q'eqchi Bible

² Wan chaq jun ralal, aj Saúl xk'ab'a', toj saaj ut k'ajo' xchaq'al ru. A'an li q'axal ch'ina'us ut najt roq sa' xyanqeb' chixjunileb' laj Israel.

Li Santil hu

² Laj Cis cuan jun li ralal aj Saúl xcꞌabaꞌ. Toj sa̱j ut cꞌajoꞌ xchakꞌal ru. Aꞌan li kꞌaxal chꞌinaꞌus ut li kꞌaxal najt rok saꞌ xya̱nkeb laj Israel.

1 Samuel 9:2 ပူးပေါင်းရင်းမြစ်များ

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Números 13:33

Xqileb' ajwi' chaq xninqal poyanam, ralaleb' laj Anak, riyajileb' li najt xterameb'. Laa'o chanchano wi' chili' chiruheb' a'an, ut jo'kan ajwi' naq nokoohe'ril laa'o”, chankeb'.

Génesis 6:2

Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'.

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

1 Samuel 17:4

Ki'elk chaq sa' xyanqeb' laj Filistea jun li winq yo'oon chi yalok, aj Goliat xk'ab'a', Gat xtenamit, wiib' moqoj li xteram.

1 Samuel 9:3

Sa' jun kutan ke'sachk li xb'uur laj Kis li xyuwa'. Jo'kan naq laj Kis kixye re laj Saúl li ralal: “Kawresi aawib' ut ayu chi xsik'b'aleb' linb'uur. K'am chawix junaq reheb' laj k'anjel chiwu”.

1 Samuel 10:21

Chirix chik a'an kixb'oqeb' chi nach'ok li xteepal laj Benjamín chi junqkab'alil, ut kisik'mank ru li xjunkab'al laj Matrí; ut sa' xyanqeb' a'an kisik'e'k ru laj Saúl, ralal laj Kis. Ab'anan naq ke'xsik', ink'a' ke'xtaw.

1 Crónicas 8:33

Laj Ner a'an chaq xyuwa' laj Kis, laj Kis a'an chaq xyuwa' laj Saúl, ut laj Saúl a'an chaq xyuwa' laj Jonatán, laj Malkisúa, laj Abinadab ut laj Esbahal.