1 Samuel 9:16 - Q'eqchi Bible

¹⁶ “Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

Li Santil hu

¹⁶ —Saꞌ ajcuiꞌ li o̱r aꞌin cuulaj tintakla a̱cuiqꞌuin jun li cui̱nk. Li cui̱nk aꞌan xcomoneb li ralal xcꞌajol laj Benjamín. La̱at ta̱qꞌue li aceite saꞌ xjolom xban nak aꞌan li xinsicꞌ ru re ta̱takla̱nk saꞌ xbe̱neb laj Israel lin tenamit. Aꞌan ta̱colok reheb chiruheb laj filisteo. La̱in nacuil xtokꞌoba̱l ruheb lin tenamit nak nequeꞌxya̱ba incꞌabaꞌ, chan.

1 Samuel 9:16 ပူးပေါင်းရင်းမြစ်များ

1 Samuel 10:1

Toja' naq laj Samuel kixchap li xukub' xna'aj li aseeyt ut kixhoy sa' xjolom laj Saúl. Kirutz' ru ut kixye re: “A' li Qaawa' xyuluk aawe cho'q xjolomil Israel li xtenamit. Laa'at tatjolominq ut tatkoloq re sa' ruq'eb' li xik' neke'ilok re. Ut a'inaq reetalil naq li Qaawa' xatxyul cho'q xjolomil li xtenamit:

Salmos 106:44

Ab'an li Qaawa' kiril xtoq'ob'aal ruheb' ut kirab'i naq yookeb' chi ayaynak xb'aan li rahilal.

Salmos 25:18

Chawil taxaq xtoq'ob'aal wu ut linch'a'ajkilal, chakuy chasach chixjunil linmaak.

1 Samuel 15:1

Sa' jun kutan kixye laj Samuel re laj Saúl: “Li Qaawa' xinxtaqla chaq re aaxaqab'ankil cho'q awab'ej re Israel li xtenamit. Jo'kan b'i', ab'i li raatin li Qaawa'.

1 Samuel 16:3

Chirix chik a'an taab'oq laj Jesé chi mayejak ut laa'in tink'ut chawu k'aru taab'aanu. Li ani tinye aawe, a'an li taayul chi aseeyt”, chan li Qaawa'.

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

2 Samuel 3:18

Us b'i', xtaw xq'ehil. B'aanuhomaq anaqwan, xb'aan naq xyehom li Qaawa' re laj David laj k'anjel chiru naq, sa' xk'ab'a' a'an, tixkoleb' li xtenamit Israel sa' ruq'eb' laj Filistea jo' ajwi' sa' ruq'eb' chixjunileb' li xik' neke'ilok reheb'”.

2 Reyes 20:5

“Sutq'in ut ye re laj Esekías, li xjolomil lintenamit: «Jo'ka'in xye li Qaawa', xYos laj David laayuwa': Xwab'i laatij ut xwil li xya'al laawu. Tatink'irtasi, ut sa' rox li kutan tatxik sa' rochoch li Qaawa'.

Salmos 102:1

Xtij jun li winq wank sa' rahilal, li k'ajo' nayaab'ak chiru li Qaawa' xb'aan xrahil xch'ool.

Jeremías 32:8

Ut relik chi yaal naq laj Janamel, li ralal li wikan, xk'ulunk wik'in, jo' ak xyehom we li Qaawa'; xolinraatina chiru xneb'aalil li rochocheb' laj k'aak'alenel re li awab'ej ut xyeechi'i we li xna'aj li wank Anatot, sa' xteepal Benjamín, xb'aan naq ink'ulub' xloq'b'al ut reechaninkil. Toja' naq xintaw ru naq a'an xtaqlahom li Qaawa',

1 Samuel 14:20

Tikto laj Saúl ut chixjunileb' laj puub' li wankeb' rochb'een ke'xch'utub' rib'eb' ut koheb' chi yalok. K'ajo' li poqoqij ib' sa' xyanqeb' laj Filistea: yookeb' chi xkamsinkil rib' chirib'ileb' rib' xb'aan naq sachsookeb' xna'leb'!

1 Samuel 14:23

Jo'ka'in naq li Qaawa' kixk'eheb' laj Israel chi q'axok u sa' li kutan a'an. Li yalok kiwulak toj junpak'al Bet-Jorón.

Proverbios 16:9

Laa'o naqak'uub' li tqab'aanu wulaj kab'ej, ab'an li Yos yaal re b'ar tooxik.