1 Samuel 8:7 - Q'eqchi Bible

⁷ ut li Qaawa' kixye re laj Samuel: “Paab' chixjunil li te'xye aawe li tenamit. Xb'aan naq moko laa'at xate'xtz'eqtaana, laa'in b'an xine'xtz'eqtaana, re naq ink'a' tintaqlanq sa' xb'eeneb'.

Li Santil hu

⁷ Ut li Ka̱cuaꞌ quixye re laj Samuel: —Ba̱nu li yo̱queb chixtzꞌa̱manquil a̱cue li tenamit. Ma̱cuaꞌ la̱at yo̱queb cha̱tzꞌekta̱nanquil. La̱in ban yo̱queb chintzꞌekta̱nanquil xban nak eb aꞌan incꞌaꞌ nequeꞌraj nak la̱in tintakla̱nk saꞌ xbe̱neb.

1 Samuel 8:7 ပူးပေါင်းရင်းမြစ်များ

1 Samuel 10:19

A'ut anaqwan laa'ex xetz'eqtaana leeYos, li kikolok eere chiru chixjunil leerahilal ut ch'a'ajkilal, ut xeye re: «K'e qe junaq awab'ej», chankex. Jo'kan b'i', k'utomaq eerib' chiru li Qaawa', chi teepal ut chi junqkab'alil”.

San Lucas 19:27

Ut eb' li xik' neke'ilok we, li ink'a' xe'raj naq laa'in tin'awab'ejinq reheb', k'amomaqeb' chaq arin ut kamsihomaqeb' chiwu»”.

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

Éxodo 16:8

Ut laj Moisés kixye ajwi': “Hoon ewu li Qaawa' tixk'e chaq eetib' re teetiw, ut wulaj eq'la numtajenaqaq eewa. Xb'aan naq li Qaawa' xrab'i li xwech'inkil rix eeb'aan. Ab'an aniho laa'o? Moko laa'o ta yookex chi qawech'inkil, a' b'an li Qaawa'”.

San Lucas 19:14

Ab'anan eb' li rech tenamitul xik' neke'ril li winq a'an; jo'kan naq ke'xtaqlaheb' xtaql re xyeeb'al sa' li najtil tenamit: «Ink'a' naqaj naq a'an taa'awab'ejinq qe».

San Mateo 10:40

“Ani nak'uluk eere, laa'in nikinxk'ul; ut li nak'uluk we, naxk'ul li kitaqlank chaq we.

San Juan 13:16

Relik chi yaal ninye eere: laj k'anjel moko nim ta xwankil chiru laj eechal re, chi moko li taql nim xwankil chiru li xtaqlank chaq re.

Isaías 66:4

Laa'in ajwi' taasaho'q linch'ool chi xrahob'tesinkileb' ut tintaqla chaq sa' xb'eeneb' li rahilal q'axal neke'xxiwa ru. Xb'aan naq xinb'oqok ut ink'a' xine'xsume, xin'aatinak ut maajun x'ab'ink we; xe'xb'aanu b'an li ink'a' nawulak chiwu, a' chik li nayoob'ank injosq'il xe'xb'aanu”.

Números 22:20

Chiru li q'oqyink kichalk li Qaawa' rik'in laj Balaham ut kixye re: “Wi eb' li winq a'in xe'chalk chab'oqb'al, xaqlin ut ayu chirixeb'. Ab'an maak'a' taab'aanu; ka'ajwi' li aatin tinye aawe taapaab'”, chan.

Jueces 8:23

A'ut laj Jedehón kixsumeheb': “Moko laa'in ta tintaqlanq sa' eeb'een chi moko li walal. A' b'an li Qaawa' taataqlanq sa' eeb'een”, chan.

1 Samuel 8:8

Chalen naq ke'wisi chaq Ejiipt toj anaqwan neke'xb'aanu we jo' tz'aqal yookeb' chi xb'aanunkil aawe anaqwan, xb'aan naq xine'xtz'eqtaana ut xe'ok chi xloq'oninkil eb' li jalanil yos.

1 Samuel 8:22

Ut li Qaawa' kixye re laj Samuel: “B'aanu li k'aru xe'xpatz' ut xaqab' junaq x'awab'ejeb'”. Toja' naq laj Samuel kixye reheb' laj Israel: “Us, maak'a' naxye. Ab'an anaqwan ayuqex chejunjunqal sa' leetenamit”.

1 Samuel 12:1

Chirix chik a'an laj Samuel kixye reheb' chixjunileb' laj Israel: “Laa'ex xeril naq xinb'aanu chixjunil li xepatz' we, ut xinxaqab' jun li awab'ej cho'q eere.

1 Samuel 12:12

A'ut naq kek'e reetal naq laj Najás, awab'ej re Amón, kichalk sa' eeb'een, keye we: «Ink'a', tqaj junaq awab'ej li taataqlanq sa' qab'een», chankex. Ut keye chi jo'kan, us ta li Qaawa' a'an leeYos.

Jeremías 34:14

Rajlal wuqub' chihab' chejunilex teekanab' chi ach'ab'anb'il leeras eeriitz'in aj Hebreo. Li junjunq aj Hebreo li xk'ayi rib' cheru taak'anjelaq waqib' chihab' cho'q eemun, ut chirix a'an taawanq chi ach'ab'anb'il, chankin. A'ut eb' leena' leeyuwa' ink'a' kine'xpaab' chi moko ke'raj wab'inkil.

Ezequiel 2:3

naq kixye we: “At kaamel winq, laa'in tatintaqla rik'ineb' li ralal xk'ajol laj Israel, a'aneb' jun tenamit ink'a' neke'ab'ink ut xe'xq'etq'eti rib' chiwu. Eb' a'an ut eb' li xxe'toonil yuwa'eb' xe'jipo'k chiwu chalen toj anaqwan.

Ezequiel 3:7

Ab'an eb' laj Israel moko te'raj ta aawab'inkil, xb'aan naq ink'a' neke'raj inpaab'ankil laa'in. Chixjunileb' laj Israel jwal jipeb' ut q'axal kaw li xjolomeb'.