1 Samuel 8:3 - Q'eqchi Bible

³ Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal.

Li Santil hu

³ Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.

1 Samuel 8:3 ပူးပေါင်းရင်းမြစ်များ

Deuteronomio 16:19

Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.

1 Timoteo 6:10

Xb'aan naq li xxe' chixjunil li maa'usilal a'an li xrahinkil ru li tumin. Wankeb' xkoheb' xch'ool chirix a'an; jo'kan naq xe'elk sa' li paab'aal, ut xiikil li rahilal xe'tawasiik wi'.

Salmos 15:5

a' li nak'ehok tumin chi to' ut ink'a' naxpatz' ral, li ink'a' naraj tuminaak re xrahob'tesinkil li maak'a' xmaak. Li nab'aanunk re chixjunil a'in, maajaruj taach'inanq xch'ool chirix li Yos.

Éxodo 23:8

“Matk'uluk maatan, xb'aan naq li maatan naxmutz'o'b'resi li seeb'eb' xch'ool ut naxpo' ru li tiikilal.

Éxodo 18:21

Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

1 Timoteo 3:3

maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

Isaías 33:15

A' li nawank sa' tiikilal ut naxye li yaal, li ink'a' nab'ihomo'k rik'in b'alaq' chi moko natuminaak ru; li ink'a' naraj rab'inkil li k'aru naxye laj kamsinel ras riitz'in, chi moko naraj chi ril li maa'usilal.

2 Samuel 15:4

Ut naxye wi' chik: “Us raj naq laa'in aj raqol aatin sa' xb'een li tenamit a'in! Chi jo'kan jo'k'ihaleb' li wanqeb' sa' raaxiik' malaj sa' junaq ch'a'ajkilal, truuq raj te'chalq wik'in ut laa'in tinraqoq raj aatin chirixeb' sa' tiikilal”, chan.

Eclesiastés 2:19

Ani ta nanawok re, ma wanq xna'leb' malaj ut ink'a'? Ut rehaq a'an chixjunil li xintawasi wi' wib', a' li xinb'aanu rik'in xseeb'al ink'a'uxl. Relik chi yaal naq a'in ajwi' maak'a' rajb'al.

Salmos 26:10

eb' a'an k'ajo' li maa'usilal neke'xb'aanu, nujenaq li ruq'eb' xb'aan li xtuminankil ruheb'.

Éxodo 23:6

“Maasach xwankil li yaal re xtenq'ankil laawechneb'a'il sa' li xpleet.

1 Samuel 2:35

Chirix chik a'an laa'in tinsik' ru jun aj tij tiik ru li xyu'am, li tixb'aanu jo' naraj linch'ool ut li wajom. Tink'e jun xjunkab'al li ink'a' taa'oso'q, ut eb' li ralal xk'ajol te'k'anjelaq junelik chiru li awab'ej yulb'il inb'aan.

1 Samuel 12:2

Chalen anaqwan a' chik li awab'ej taak'amoq eeb'e. Laa'in ak tiixin chik, saq chik linjolom ut eb' li walal wankeb' sa' eeyanq. Laa'in xink'amok eeb'e chalen sa' linsaajilal toj anaqwan,

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.