1 Samuel 8:20 - Q'eqchi Bible

²⁰ ut jo'aqo ajwi' eb' li tenamit junch'ol. A'an taaraqoq aatin sa' qab'een, a'anaq laj k'amol qab'e ut laj jolominel sa' li yalok”.

Li Santil hu

²⁰ La̱o takaj junak karey re nak aꞌan chic ta̱takla̱nk saꞌ kabe̱n joꞌ na-uxman saꞌ eb li xni̱nkal ru tenamit. Aꞌan ta̱cꞌamok be chiku nak toxic chi pletic riqꞌuineb li xicꞌ nequeꞌiloc ke, chanqueb.

1 Samuel 8:20 ပူးပေါင်းရင်းမြစ်များ

1 Samuel 8:5

ut ke'xye re: “K'e reetal, laa'at ak tiixat chik ut eb' laawalal ink'a' neke'xtaaqe laab'e. Jo'kan naq xaqab' junaq awab'ej cho'q qe, re naq a'an chik taataqlanq sa' qab'een, jo' na'uxk sa' chixjunileb' li tenamit”.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Filipenses 3:20

A'ut laa'o sa' choxa wank qatenamit, b'arwi' taak'ulunq chaq laj Kolonel li naqoyb'eni, a' li Qaawa' Jesukriist.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Romanos 12:12

Chisaho'q sa' eech'ool sa' xk'ab'a' leeroyb'enihom; chekuyaq li raaxiik' ut junelikaqex chi tijok.

San Juan 15:19

Wi ta rehex li ruuchich'och', texxra raj li ruuchich'och' jo' naq naxra li re. Ab'anan moko rehex ta li ruuchich'och', laa'in b'an xinsik'ok eeru ut xexwisi chisa': jo'kan naq xik' nekexril li ruuchich'och'.

Salmos 106:35

ke'xlaq'ab' b'an chik rib' rik'ineb' li maak'a'eb' xpaab'aal ut ke'xtzol chixjunil li neke'xb'aanu a'an.

Deuteronomio 7:6

Xb'aan naq laa'at jun tenamit q'axtesinb'il cho'q re li Qaawa' laaYos. A'an xsik'ok aawu sa' xyanqeb' chixjunil li tenamit li wankeb' sa' ruuchich'och' re naq laa'ataq tz'aqal li xtenamit.

Números 23:9

Toj sa' xb'een li saqoonak neke'wil, toj sa' xb'eeneb' li b'ool nink'e reetal: a'an jun tenamit li wankeb' xjunes; ink'a' k'eeb'ileb' sa' ajl sa' xyanqeb' li poyanam.

Éxodo 33:16

Xb'aan naq k'aru taanawmanq wi' naq usilal xintaw chawu wochb'een lintenamit? Ma ink'a' tab'i' rik'in naq laa'at nakoohaawochb'eeni? A'an reetalil naq sik'b'il qu aab'aan, chiruheb' chixjunil li tenamit junsut junrub'el choxa”.

1 Samuel 12:2

Chalen anaqwan a' chik li awab'ej taak'amoq eeb'e. Laa'in ak tiixin chik, saq chik linjolom ut eb' li walal wankeb' sa' eeyanq. Laa'in xink'amok eeb'e chalen sa' linsaajilal toj anaqwan,

1 Samuel 12:12

A'ut naq kek'e reetal naq laj Najás, awab'ej re Amón, kichalk sa' eeb'een, keye we: «Ink'a', tqaj junaq awab'ej li taataqlanq sa' qab'een», chankex. Ut keye chi jo'kan, us ta li Qaawa' a'an leeYos.