1 Samuel 7:9 - Q'eqchi Bible

⁹ Laj Samuel kixchap jun karneer toj natu'uk ut kixyeechi'i chi xjunxaqalil cho'q k'atb'il mayej chiru li Yos, kixyaab'a xk'ab'a' li Qaawa' sa' xb'eeneb' laj Israel, ut li Qaawa' kirab'i li xtij.

Li Santil hu

⁹ Laj Samuel quixcamsi jun li chꞌina carner ut quixcꞌat chi jun chokꞌ xmayej chiru li Ka̱cuaꞌ. Quixtzꞌa̱ma xtenkꞌanquileb laj Israel. Ut li Ka̱cuaꞌ quirabi lix tij.

1 Samuel 7:9 ပူးပေါင်းရင်းမြစ်များ

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Salmos 99:6

Laj Moisés ut laj Aharón rochb'eeneb' li rech tijul, laj Samuel rochb'eeneb' li neke'patz'ok li xloq'laj k'ab'a' ke'xyaab'a li Qaawa', ut a'an kixsumeheb' chaq.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

1 Samuel 7:17

Chirix chik a'an nasutq'iik chaq Ramá, b'arwi' wank li rochoch ut naxb'eresiheb' laj Israel. Laj Samuel kixxaqab' ajwi' jun li artal cho'q re li Qaawa' aran Ramá.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

1 Samuel 16:2

Kixye laj Samuel: “Chanru naq tinxik? Wi laj Saúl trab'i resil, tinxkamsi”. Kichaq'ok li Qaawa': “K'am jun li saaj wakax ut ye re laj Saúl naq xik aawe chi mayejak chiwu.

1 Samuel 10:8

Laa'at xb'enwa tatxik chiwu aran Kilkal, ut laa'in toxatintaw aran toj moqon, re xyeechi'inkil k'atb'il li mayej ut li k'a'aq re ru re k'amok ib' sa' usilal rik'in li Yos. Aran tinaawoyb'eni wuqub' kutan toj reetal tinwulaq wanqat wi' ut tinye aawe k'aru taab'aanu”.

1 Samuel 9:12

Ke'sumeek: “Wank, aran cheru wank laj q'e u. Seeb'ahomaq eerib' chi xik re naq teetaw. Toje' xk'ulunk sa' li tenamit, xb'aan naq hoon taamayejaq sa' xk'ab'a'eb' li tenamit, sa' xb'een tzuul.

Jueces 6:28

Eq'la re li kutan jun chik, naq ke'wakliik eb' li wankeb' sa' li tenamit, juk'b'il chik li x'artal laj Bahal, yok'b'il chik li loq'laj che' li wank chi xk'atq, ut li teelom wakax ak yeechi'inb'il chik cho'q k'atb'il mayej sa' xb'een li artal li toje' kiyiib'aak aran.

Jueces 6:26

Chirix chik a'an, sa' xb'een li xaqxookil tzuul a'an, taayiib' chi chaab'il jun li artal cho'q re li Qaawa' laaYos. Taachap li teelom wakax ut taak'at jo' loq'laj mayej, chiru li xsi'ul li loq'laj che' xayok'”, chan.

Levítico 22:27

“Naq taayo'laaq junaq ral li wakax, ral li karneer malaj ut ral chib'aat, tento taakanaaq wuqub'aq kutan chi xk'atq li xna', ab'an chalen sa' xwaqxaq li kutan naru taak'ule'q re naq taak'atmanq cho'q mayej chiru li Qaawa'.

Deuteronomio 9:26

Kin'elajink chiru li Qaawa' ut kinye: «At Qaawa', at qaYos, maasacheb' ru laatenamit, laaweechanihom li kakoleb' chaq rik'in xnimal aawankil ut kawisiheb' chaq Ejiipt rik'in xkawilal laawuq'.

1 Samuel 2:35

Chirix chik a'an laa'in tinsik' ru jun aj tij tiik ru li xyu'am, li tixb'aanu jo' naraj linch'ool ut li wajom. Tink'e jun xjunkab'al li ink'a' taa'oso'q, ut eb' li ralal xk'ajol te'k'anjelaq junelik chiru li awab'ej yulb'il inb'aan.

1 Samuel 12:17

Ma maawa' tab'i' anaqwan xq'ehil li q'olok triiw? Us b'i', tinyaab'a xk'ab'a' li Qaawa' re naq tixk'e chaq li kaaq ut li hab'. Chi jo'kan teenaw ut teek'e reetal naq nimla maak chiru li Qaawa' li xpatz'b'al jun li awab'ej cho'q eere”.