1 Samuel 7:6 - Q'eqchi Bible

⁶ Ke'xch'utub' rib'eb' laj Israel aran Mispá, ke'risi xha'eb' sa'atqeb' li kumb' ut ke'xhoy chiru li Qaawa' cho'q xmayejeb'. Ke'ayuunik chiru li kutan a'an ut ke'xye: “Xoomaakob'k chiru li Qaawa'”. Aran Mispá laj Samuel kikanaak cho'q aj k'amol xb'eheb' laj Israel.

Li Santil hu

⁶ Ut queꞌxchꞌutub ribeb aran Mizpa. Queꞌrisi li haꞌ saꞌ li becbil haꞌ ut queꞌxhoy chiru li Ka̱cuaꞌ chokꞌ xmayejeb. Queꞌxba̱nu x-ayu̱n chiru li cutan aꞌan. Queꞌxxo̱to xma̱queb ut queꞌxye: —Xoma̱cob chiru li Ka̱cuaꞌ, chanqueb. Ut aran Mizpa laj Samuel quicana chokꞌ aj rakol a̱tin saꞌ xbe̱neb li ralal xcꞌajol laj Israel.

1 Samuel 7:6 ပူးပေါင်းရင်းမြစ်များ

2 Samuel 14:14

Chiqajunilo tento tookamq. Jo'ko li ha' hoyb'il sa' ch'och': ink'a' chik naru xxokb'al. Li Yos maa'ani narisi li xyu'am, naxsik' b'an xyaalal re naq taasutq'iiq wi' chik li ani najt wank rik'in.

1 Samuel 1:15

Ut lix Ana kixsume: “Ink'a', wa. Ink'a' xin'uk'ak b'iin chi moko k'a' chik chi ha'il li nakaltesink. Q'axal ra sa' inch'ool ut yookin chi xteeb'al li waanm chiru li Qaawa'.

Jueces 10:10

Toja' naq ke'xyaab'a xk'ab'a' li Qaawa' ut ke'xye re: “At Qaawa', at qaYos, xoomaakob'k chawu, xb'aan naq xatqatz'eqtaana re xloq'oninkileb' laj Bahal”, chankeb'.

Joel 2:12

“Ut anaqwan sutq'inqex chaq wik'in chi anchal leech'ool, rik'in ayuunik, yaab'ak ut rik'in tz'uyink”, chan li Qaawa' Yos.

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Salmos 106:6

Xoomaakob'k chawu jo' ke'xb'aanu chaq eb' li qana' qayuwa', xqaq'et laawaatin ut xqab'aanu li maa'usilal.

Salmos 62:8

Rik'in li Yos nintaw linkolb'al ut linloq'al: a'an linsaqoonak ut linmuheelahom.

San Lucas 15:18

Tinwakliiq, tinxik rik'in linyuwa' ut toxinye re: Wa', xinmaakob'k chiru li choxa ut chawu laa'at.

Salmos 119:136

Chanchan roqha' li xya'al wu xb'aan li yaab'ak, xb'aan naq nawil naq ink'a' neke'xpaab' laachaq'rab'.

1 Reyes 8:47

wi sa' li tenamit a'an te'xyot' xch'ool te'xjal xk'a'uxl, wi te'tz'aamanq te'elajinq chawu ut te'xk'e reetal naq xe'maakob'k ut ink'a' us xe'xb'aanu,

Ezequiel 20:4

Ma ink'a' tab'i' laa'at taaraq aatin sa' xb'eeneb', at kaamel winq? Raqon aatin sa' xb'eeneb' sa' ink'ab'a' ut jultika reheb' li maa'usilal ke'xb'aanu li xxe'toonil yuwa'eb'.

Lamentaciones 3:49

Ink'a' ninch'anaak chi yaab'ak, xb'aan naq maak'a' nak'ojob'ank inch'ool,

Lamentaciones 2:11

Ink'a' chik nin'ilok xb'aan li yaab'ak, ink'a' chik ninkuy ut kamk we, xb'aan naq xsache'k lintenamit; eb' li kok'al ut eb' li toj yookeb' chi tu'uk neke'kamk sa' xyi li tenamit xb'aan li tz'okaak.

Jeremías 31:19

Xatintz'eqtaana, at Qaawa', ab'an xinyot' linch'ool xinjal link'a'uxl; ut naq nink'e reetal linmaak, ninten li re linch'ool, ninxutaanak ut nasachk linna'leb' xb'aaneb' li maak xinb'aanu sa' linsaajilal».

Salmos 6:6

Xb'aan naq ink'a' chik nakate'xk'oxla eb' li xe'kamk: ani taaruuq chi xnimankil aaloq'al sa' xna'ajeb' li kamenaq?

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

Li xHu LAJ JOB 40:4

“Xin'aatinak chi maak'a' xyaalal: k'a' ta chik ru tinye? Us tintz'ap li we rik'in li wuq'.

Li xHu LAJ JOB 33:27

Toja' naq tatb'ichanq chiruheb' chixjunil li tenamit chi jo'ka'in: “Xinmaakob'k ut xinb'aanu li ink'a' us; ab'an li Yos ink'a' xinxk'e chi xtojb'al rix linmaak.

Li xHu LAJ JOB 16:20

ut naxch'olob' link'a'uxl chiru li Yos re naq tixk'e reetal li xya'al wu.

Nehemías 9:27

Jo'kan naq kaq'axtesiheb' sa' ruq'eb' li xik' neke'ilok reheb' ut naab'al li rahilal ke'xk'ul. Moqon chik, naq yo xrahob'tesinkileb', ke'xjap reheb' re xtz'aamankil xtenq'ankileb' aawe, ut laa'at toj sa' choxa kawab'iheb' chaq: sa' xk'ab'a' xnimal laawusilal kataqlaheb' winq li ke'kolok reheb' sa' ruq'eb' laj rahob'tesinel.

2 Crónicas 20:3

K'ajo' naq kichalk xxiw laj Josafat: kiraj xik chi patz'ok rik'in li Qaawa' ut kixtaqla resil li ayuunik sa' xsutam Judá.

Jueces 3:10

Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

Levítico 26:40

“Toja' naq te'xch'olob' li xmaakeb' ut li xmaa'usilaleb' li xna' xyuwa', chanru naq xe'xq'etq'eti rib' ut xe'jipunk chiwu.

Génesis 31:49

Mispá ajwi' xk'ab'a' li jun tuub' chi pek a'an, xb'aan naq kixye laj Labán: “Li Qaawa' taxaq chik'aak'alenq qe naq tqajek' qib'.

Levítico 16:29

“A'an a'in jun chaq'rab' xaqxooq xwankil chi junelik cho'q eere: sa' xlaje xb'e li xwuq li po, tento naq teeb'aanu ee'ayuun; maajun li k'anjel teeb'aanu, jo'keb' laj Israel, jo'keb' ajwi' laj ab'l tenamit li wankeb' sa' eeyanq,

1 Samuel 7:15

Laj Samuel kiwank cho'q aj k'amol xb'eheb' laj Israel chiru chixjunil li xyu'am.

Jeremías 36:9

Sa' xb'ele li po re li ro' chihab' chi awab'ejink laj Johakín, ralal laj Josías, awab'ej re Judá, kik'uub'aak xb'oqb'aleb' chi ayuunik chiru li Qaawa' chixjunileb' laj Jerusalén jo'wi' eb' laj Judá li ch'utch'uukeb' Jerusalén.

Josué 18:26

Mispá, Kefirá, Mosá,

Jueces 2:4

Naq li x'ánjel li Qaawa' kiraqe'k chi xyeeb'al eb' li aatin a'in reheb' chixjunil laj Israel, eb' li tenamit ke'ok chi yaab'ak chi japjookeb' re.

Jueces 10:15

Toja' naq eb' laj Israel ke'xsume li Qaawa': “At Qaawa', xoomaakob'k, b'aanu qe li k'aru taawaj. Ab'anan chakuy qamaak, choohaakol anaqwan!”, chankeb'.

Jueces 20:26

Toja' naq chixjunileb' laj Israel ut chixjunileb' laj puub' ke'taqe'k wi' chik Betel, ke'yaab'ak chaq ut aran ke'kanaak chiru li Qaawa'. Jun kutan ke'xkuy xsa'eb' toj reetal ki'ewuuk; ke'mayejak re xk'amb'al wi' chik rib' sa' usilal rik'in li Qaawa' ut ke'xyeechi'i ajwi' k'atb'il mayej.

1 Samuel 10:17

Chirix chik a'an laj Samuel kixch'utub'eb' li tenamit chiru li Qaawa' aran Mispá

1 Samuel 12:10

Toja' naq ke'tijok chiru li Qaawa' ut ke'xye: «Xoomaakob'k xb'aan naq xqatz'eqtaana li Qaawa' ut xqaloq'oniheb' laj Bahal ut eb' lix Astarté. Choohaakol taxaq, at Qaawa', chiruheb' li xik' neke'ilok qe, ut took'anjelaq chawu», chankeb'.

1 Crónicas 11:18

Toja' naq li oxib'eb' li kaweb' rib' ke'ok sa' xmuheb'aaleb' laj Filistea ut ke'risi chaq ha' sa' li kumb' wank chi xk'atq li okeb'aal re Belén; ke'xk'am ut koxe'xyeechi'i re laj David, ab'an a'an ink'a' kiruk', kixhoy b'an jo' mayej chiru li Qaawa':

Li xHu LAJ JOB 3:24

Cho'q intzekemq wank li yaab'ak, ut li wuk'a' a'an li xrahil linch'ool.

Lamentaciones 5:16

X'oso'k li qaloq'al; toq'ob' qu li xoomaakob'k!

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.