1 Samuel 7:5 - Q'eqchi Bible

⁵ Chirix chik a'an kixye laj Samuel: “Ch'utub'omaq chixjunileb' laj Israel aran Mispá, ut laa'in tintijoq chiru li Qaawa' cherix laa'ex”, chan.

Li Santil hu

⁵ Laj Samuel quixye reheb: —Che̱junilex la̱ex aj Israel, chꞌutubomak e̱rib aran Mizpa ut la̱in tintijok che̱rix chiru li Ka̱cuaꞌ, chan.

1 Samuel 7:5 ပူးပေါင်းရင်းမြစ်များ

Jueces 20:1

Toja' naq chixjunileb' laj Israel, chalen chaq Dan toj Berseba ut Galahad, koxe'xch'utub' rib' jo' jun chi winq, aran Mispá, wan wi' rochoch li Yos.

Joel 2:16

Ch'utub'omaq li xtenamit li Yos ut santob'resihomaq; ch'utub'omaqeb' li cheekel winq ut eb' li kok'al, jo'kaneb' ajwi' li toj neke'tu'uk. Eb' li winq ut ixq li toje' xe'sumlaak xkanab'aqeb' li xwarib'aaleb'.

Nehemías 9:1

Sa' li kaahib' xka'k'aal xb'e li po a'an ke'xch'utub' rib'eb' laj Israel re ayuunik chi tiqtookeb' rik'in q'es ruhil t'ikr ut wank pojtz' sa' xjolomeb'.

2 Reyes 25:23

Naq eb' li xjolomileb' laj puub' ut eb' laj puub' aj Judá ke'rab'i a'in, ke'wulak toj Mispá rik'in laj Kedalías. A'aneb' laj Ismael, ralal laj Netanías, laj Jwan, ralal laj Karéhaj, laj Seraías, ralal laj Tanjumet, Netofá xtenamit, laj Jasanías, ralal jun li winq aj Mahaká, ut chixjunileb' li wankeb' rochb'een.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

1 Samuel 10:17

Chirix chik a'an laj Samuel kixch'utub'eb' li tenamit chiru li Qaawa' aran Mispá

1 Samuel 7:16

Rajlal chihab' naxb'eeni chaq Betel, Kilkal ut Mispá, yo chi raqok aatin sa' xb'eeneb' laj Israel sa' chixjunileb' li na'ajej a'an.

1 Samuel 7:12

Toja' naq laj Samuel kixchap jun li pek, kixxaqab' sa' xyanq Mispá ut Yesaná, ut Ebén-Eser kixk'e cho'q xk'ab'a', xb'aan naq kixye: “Toj arin xooxtenq'a li Qaawa'”, chan.

Josué 15:38

Dilán, Mispá, Yoktehel,

Génesis 20:7

Anaqwan q'ajsi li ixq re li xb'eelom, xb'aan naq a'an propeet ut taatijoq chawix re naq toj tatyo'yooq. Ab'an, wi ink'a' taaq'ajsi, chanaw naq relik chi yaal tatkamq laa'at jo' ajwi' li wankeb' sa' laawochoch”, chan li Yos.

Génesis 31:49

Mispá ajwi' xk'ab'a' li jun tuub' chi pek a'an, xb'aan naq kixye laj Labán: “Li Qaawa' taxaq chik'aak'alenq qe naq tqajek' qib'.

Jueces 10:17

Eb' laj Amón ke'xch'utub' rib' ut ke'xyiib' li xmuheb'aaleb' aran Galahad. Ut eb' laj Israel ke'xch'utub' rib' ut ke'xk'ojob' li xmuheb'aaleb' Mispá.

1 Samuel 7:4

Eb' laj Israel ke'xtz'eqtaanaheb' laj Bahal ut eb' lix Astarté, ut ka'ajwi' li Qaawa' ke'xloq'oni.

1 Samuel 8:6

Ab'an ink'a' kiwulak chiru laj Samuel naq ke'xtz'aama x'awab'ejeb'. Jo'kan naq kitijok chiru li Qaawa',

1 Samuel 12:17

Ma maawa' tab'i' anaqwan xq'ehil li q'olok triiw? Us b'i', tinyaab'a xk'ab'a' li Qaawa' re naq tixk'e chaq li kaaq ut li hab'. Chi jo'kan teenaw ut teek'e reetal naq nimla maak chiru li Qaawa' li xpatz'b'al jun li awab'ej cho'q eere”.

Jeremías 40:6

Ut laj Jeremías koho sa' rochoch laj Kedalías, ralal laj Ajikán, aran Mispá, ut aran kina'ajunk sa' xyanqeb' li poyanam li ke'kanaak sa' xteepal Judá.

Josué 18:26

Mispá, Kefirá, Mosá,

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.