1 Samuel 7:10 - Q'eqchi Bible

¹⁰ Toj yo laj Samuel chi xyeechi'inkil li xk'atb'il mayej, naq eb' laj Filistea ke'ok chi yalok rik'ineb' laj Israel. Ab'anan kimoqk jun li kaaq taqlanb'il xb'aan li Qaawa' sa' xb'eeneb' laj Filistea; jo'kan naq kichalk xxiweb' ut ke'q'axe'k ru xb'aaneb' laj Israel.

Li Santil hu

¹⁰ Nak laj Samuel yo̱ chixmayejanquil li cꞌatbil mayej, eb laj filisteo queꞌcuulac chi pletic riqꞌuineb laj Israel. Abanan li Ka̱cuaꞌ quixcꞌutbesi lix cuanquil saꞌ choxa nak quixqꞌue chi mok chi kꞌaxal cau li ca̱k saꞌ xbe̱neb ut eb laj filisteo queꞌxsach xnaꞌleb ut queꞌe̱lelic chiruheb laj Israel.

1 Samuel 7:10 ပူးပေါင်းရင်းမြစ်များ

1 Samuel 2:10

Li Qaawa' naxjuk' xwankil eb' li xik' neke'ilok re, li Nimajwal Yos namoqk chaq xyaab' toj sa' choxa. Li Qaawa' naraqok chaq aatin toj sa' xmaril li ruuchich'och', naxk'e xwankil li na'awab'ejink re li xtenamit ut naxnima xwankil li sik'b'il ru xb'aan”.

1 Samuel 12:17

Ma maawa' tab'i' anaqwan xq'ehil li q'olok triiw? Us b'i', tinyaab'a xk'ab'a' li Qaawa' re naq tixk'e chaq li kaaq ut li hab'. Chi jo'kan teenaw ut teek'e reetal naq nimla maak chiru li Qaawa' li xpatz'b'al jun li awab'ej cho'q eere”.

Jueces 5:20

Toj sa' choxa ke'xyal chaq xq'eheb' li chahim; toj sa' li xna'ajeb' ke'yalok rik'in laj Sísara.

Josué 10:10

Li Qaawa' kixk'eheb' chi elelik chiruheb' laj Israel: k'ajo' naq kixsacheb' aran Gabahón! Kixtaaqiheb' sa' li b'e nataqe'k sa' li tenamit Bet-Jorón, ut wankeb' ajwi' ke'kamsiik Aseká ut Makedá.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Jueces 5:8

“Ke'xsik' ruheb' li ak'il yos ut, naq ak yo li yalok chire rokeb'aal li tenamit, maajun kaw rib' kiwakliik sa' xyanqeb' li ka'k'aal mil aj Israel.

Jueces 4:15

ut li Qaawa' kiroksi xxiweb' laj puub' re laj Sísara, sa' xyanqeb' li xb'eleb'aal ch'iich', chiru laj Barak. Laj Sísara kikub'eek sa' li xb'eleb'aal ch'iich' ut ki'elelik chi roq.

1 Samuel 7:11

Tikto eb' laj Israel ke'elk Mispá, ke'raanilasiheb' laj Filistea ut koxsacheb' toj rub'el Bet-Kar.

1 Samuel 14:15

Ke'ok xxiw jo'k'ihaleb' li wankeb' sa' xmuheb'aaleb' ut sa' k'aleb'aal, jo'wi' chixjunileb' li poyanam. Ke'xiwak ajwi' eb' laj puub' li yookeb' chi k'aak'alenk ut eb' laj k'ehol eetal. Kixhich'le rib' li ruuchich'och' ut k'ajo' naq ke'xiwak chixjunileb'!

Salmos 29:3

Li xyaab' xkux li Qaawa' na'ab'imank chaq sa' xb'eeneb' li ha', chanchan kaaq naq na'eek'ank li Yos li nim xloq'al: li Qaawa' wank sa' xb'eeneb' li k'iila ha'!

Salmos 29:4

Li xyaab' xkux li Qaawa' a'an q'axal kaw, li xyaab' xkux li Qaawa' a'an rajawal nim xwankil.

Deuteronomio 28:7

“Naq eb' li xik' neke'ilok aawe te'wakliiq chaq sa' aab'een, li Qaawa' tixsacheb' ru: sa' jun ruq'b'e te'elq chaq chak'ulb'al, ut sa' wuqub' chik ruq'b'e te'eleliq chawu.

Salmos 18:15

Xkutihatq chaq li xsimaj ut xyoolesiheb'; rik'in xk'atom li raq'kaaq xsacheb' xwankil.

Salmos 78:66

Li Yos kixtiq'eb' li xik' neke'ilok reheb', ut xutaanal ke'kanaak chi junajwa.