1 Samuel 6:5 - Q'eqchi Bible

⁵ Yiib'omaq xjalam u leesaqijojil ut eb' li ch'o li yookeb' chi sachok sa' leetenamit, ut k'ehomaq xloq'al li xYos laj Israel. Mare anchal taakotzq li rahilal sa' eeb'een, sa' xb'eeneb' leeyos ut sa' xb'een leech'och'.

Li Santil hu

⁵ Te̱yi̱b li retalil li tumor li cuan che̱rix ut li retalil li chꞌo li yo̱queb chi sachoc re le̱ racui̱mk. Qꞌuehomak xlokꞌal lix Dioseb laj Israel. Chi joꞌcan ma̱re tixcanab xqꞌuebal li raylal saꞌ e̱be̱n ut saꞌ xbe̱neb le̱ dios ut le̱ racui̱mk.

1 Samuel 6:5 ပူးပေါင်းရင်းမြစ်များ

Josué 7:19

Toja' naq laj Josué kixye re laj Akán: “At walal, chanima xloq'al li Qaawa', xYos laj Israel; chaterq'usi li xk'ab'a'. Ye we k'aru xab'aanu ut maamuq chiwu”, chan.

1 Samuel 5:11

Ke'xtaqla xch'utub'ankil chixjunileb' laj k'amol xb'eheb' laj Filistea ut ke'xye reheb': “Q'ajsihomaq li xLoq'laj Kaax li xYos laj Israel. Xikaq sa' xna'aj ut ink'a' chooxk'e chi kamk laa'o ut eb' li qatenamit”, chankeb'. K'ajo' xxiweb' chixjunil li tenamit xb'aan naq q'axal rahob'tesinb'ileb' xb'aan li Qaawa'.

San Juan 9:24

Eb' laj Judiiy ke'xb'oq wi' chik li winq, a' li mutz' naq xwank, ut ke'xye re: —Chaye qe li yaal sa' xk'ab'a' li Yos. Laa'o naqanaw naq li winq a'in a'an aj maak.

Isaías 42:12

Che'xnimaaq xloq'al li Qaawa', che'xpuktesiiq resil li xwankil toj sa'atqeb' li tenamit li wankatqeb' chire li palaw.

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Salmos 32:4

Xb'aan naq x'aalo' laawuq' sa' inb'een chi q'eq ut chi kutan; xin'ok chi chaqik jo' naxk'ul li ch'och' sa' li saq'ehil.

1 Samuel 5:9

Ab'an naq wank chik aran, li Qaawa' kixrahob'tesiheb' li tenamit a'an li q'axal ke'ok xxiw. K'ajo' naq ke'rahob'tesiik, jo' saajeb' ut cheekeb', ut ke'nujak chi saqijoj.

Apocalipsis 16:9

Ut eb' li winq ke'k'ate'k xb'aan xnimal tiqwal, ut ke'xmajewa li Yos li wank xwankil sa' xb'eeneb' li rahilal a'an: ink'a' ke'xjal xk'a'uxl, ink'a' ke'xk'e xloq'al li Yos.

Apocalipsis 14:7

Ut a'an kixye chi kaw xyaab' xkux: “Chexiwa ru li Yos ut chek'e xloq'al xb'aan naq xtaw xq'ehil naq taaraqoq aatin; cheloq'oni li kib'aanunk re li choxach'och', li palaw ut eb' li yo'leb'aal ha'”.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.

Joel 2:25

“Laa'in tink'e reeqaj leerawimq li xmaak'a'ok eere chiruheb' li chihab' naq xsache'k xb'aaneb' li k'iila motzo', laj saak', li chili' ut li raxq'een, naq xintaqlaheb' cherahob'tesinkil -chan li Yos-.

Jeremías 3:13

Ka'ajwi' nawaj naq taaxooto laamaak, xb'aan naq xaq'etq'eti aawib' chiru li Qaawa' laaYos, junelikat chaq rik'ineb' li jalanil yos rub'elatq li ninqi che', ut ink'a' xawaj xpaab'ankil li waatin», chan li Qaawa'”.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

Salmos 39:10

“Ch'anch'o xinkanaak, maak'a' chik ninye, xb'aan naq laa'at xatb'aanunk re.

Salmos 18:44

Laa'at xinaakol sa' ruq'eb' li lintenamit, xinaaxaqab' chi xjolominkileb' li poyanam; ut a' chik li tenamit li ink'a' innawom ru yo chi k'anjelak chiwu.

Números 33:4

Eb' laj Ejiipt yookeb' chi xmuqb'aleb' li xb'een alalb'ej li ke'kamsiik xb'aan li Qaawa'. Chi jo'kan kiraqmank aatin sa' xb'eeneb' li xyoseb'.

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Éxodo 8:24

Ut jo'kan kixb'aanu li Qaawa': neke'woyoynak li k'iila kas sa' rochoch laj Parahón ut sa' rochocheb' laj k'anjel chiru, sa' xsutam Ejiipt. Ra kixk'ul chixjunil li na'ajej xb'aaneb' li kas.

Éxodo 8:17

Ut jo'kan ke'xb'aanu: laj Aharón kixye' li ruq' rik'in li xxuq', kixsak' li pojtz' sa' xb'een li ch'och', ut kilaje'wank suq chirixeb' li winq ut eb' li xul. Chixjunil li pojtz' sa' xb'een li ch'och' kisutq'iik chi suqil sa' xsutam Ejiipt.

Éxodo 8:5

Ut li Qaawa' kixye ajwi' re laj Moisés: “Taaye re laj Aharón: «Ye' laawuq' rik'in laaxuq' sa' xb'eeneb' li nima', li b'ekb'il roqha' ut eb' li kaq'nab', re naq che'taqe'q chaq li amoch sa' xb'een li tenamit Ejiipt»”.

1 Samuel 6:8

Teechap li xLoq'laj Kaax li Qaawa' ut teek'e sa' li kareet. Ab'an li k'a' re ru yiib'anb'il rik'in oor li teeyeechi'i re xtojb'al rix leemaak, teek'e sa' junaq kaax chi xk'atq. Chirix chik a'an teekanab' li kareet chi xik xjunes.

1 Crónicas 16:28

K'ehomaq xloq'al li Qaawa', ex k'iila tenamit; k'ehomaq xloq'al ut xwankil li qaYos.

1 Crónicas 16:29

Chenimaaq li xk'ab'a' li Qaawa'; k'amomaq chaq leemayej ut okanqex sa'eb' li xmuheb'aal. Wiq'lanqex chiru li Qaawa' sa' li xloq'laj na'aj,

Jonás 3:9

Mare wachik li Yos tixjal li xk'a'uxl, taach'anaaq li xjosq'il, ut ink'a' tookamq”.