1 Samuel 6:20 - Q'eqchi Bible

²⁰ Toja' naq ke'xye eb' laj Bet-Semes: “Ani tkuyuq wank chiru li Qaawa', li Santil Yos? Ani aj ik'in tqataqla li Loq'laj Kaax naq taa'elq sa' qayanq?”.

Li Santil hu

²⁰ Ut eb li cuanqueb Bet-semes queꞌxye: —¿Ani ta̱ru̱k tixcol rib chiru li Ka̱cuaꞌ, li Dios santo? Ut, ¿ani aj iqꞌuin takatakla lix Lokꞌlaj Ca̱x li Ka̱cuaꞌ? chanqueb.

1 Samuel 6:20 ပူးပေါင်းရင်းမြစ်များ

Malaquías 3:2

Ab'an ani tawi' kawal wank royb'eninkil li xkutankil li xchalik? Ani tixkuy wank chi xaqam naq tol'elq? Xb'aan naq A'an chanchanaq li raq'xam napuuxiik wi' li oor malaj jo' li poq xab'on re saqob'resink t'ikr.

2 Samuel 6:9

Sa' li kutan a'an ki'ok xxiw laj David chiru li Qaawa' ut kixye: “Maamin truuq tink'am sa' li wochoch li xLoq'laj Kaax li Qaawa'”.

Apocalipsis 6:17

Xb'aan naq xtaw xq'ehil li xnimal xkutankil li tojb'amaak, ut ani taaruhanq chi xkuyb'al a'an?”.

San Lucas 8:37

Toja' naq chixjunil li k'iila poyanam li wankeb' sa' xsutam Gerasa ke'relaji ru li Jesus naq chi'elq sa' xyanqeb', xb'aan naq k'ajo'eb' xxiw. Kitaqe'k li Jesus sa' jun li jukub' ut kiq'ajk.

San Lucas 5:8

Naq kiril a'an laj Simón Pedro, koxkut rib' chi roq li Jesus ut kixye: —Elen chink'atq, at Qaawa', xb'aan naq laa'in jun winq aj maak!

Salmos 76:7

At xYos laj Jakob, eb' li b'eleb'aal ch'iich' ut eb' li kawaay ink'a' chik xe'eek'ank sa' xna'ajeb' naq xaxib'esiheb'.

2 Samuel 6:7

Ab'an kichalk xjosq'il li Qaawa' sa' xb'een laj Usá, ut aran ajwi' kitiq'e'k xb'aan li Yos ut kikamk chi xk'atq li Loq'laj Kaax.

Levítico 11:45

Laa'in li Qaawa', a' li ki'isink chaq eere Ejiipt re naq laa'inaq leeYos. Jo'kan naq santaqex xb'aan naq santin laa'in”.

Levítico 11:44

xb'aan naq laa'in li Qaawa' leeYos. Ch'ajob'resihomaq eerib' ut santaqex, xb'aan naq santin laa'in. Meetz'ajni eerib' rik'in junaq xul li naxjuku rib' chiru ch'och'.

1 Samuel 5:7

Naq eb' laj Asdod ke'ril k'aru yookeb' chi xk'ulb'al, ke'xye: “Ink'a' chikanaaq sa' qayanq li xLoq'laj Kaax li xYos laj Israel xb'aan naq yo chi qarahob'tesinkil chi kaw li Yos a'an. Jwal kaw li rahilal xtaqla chaq sa' xb'een laj Dagón li qayos”.