1 Samuel 6:17 - Q'eqchi Bible

¹⁷ A'aneb' a'in li oob' chi saqijoj yiib'anb'ileb' rik'in oor li ke'yeechi'iik chiru li Qaawa' xb'aaneb' laj Filistea re xtojb'al rix li xmaakeb': jun sa' xk'ab'a'eb' laj Asdod, jun sa' xk'ab'a'eb' laj Gasa, jun sa' xk'ab'a'eb' laj Askalón, jun sa' xk'ab'a'eb' laj Gat ut li jun chik sa' xk'ab'a'eb' laj Ekrón.

Li Santil hu

¹⁷ Li o̱b chi retalil li tumor yi̱banbil riqꞌuin oro quitakla̱c xbaneb laj filisteo saꞌ xcꞌabaꞌ li o̱b chi tenamit Asdod, Gaza, Ascalón, Gat ut Ecrón. Quitakla̱c re xtojbal rix lix ma̱queb chiru li Ka̱cuaꞌ lix Dioseb laj Israel.

1 Samuel 6:17 ပူးပေါင်းရင်းမြစ်များ

2 Samuel 1:20

Meeye resil aran Gat, meepuktesi resil sa'atqeb' li b'e aran Askalón. Misaho'k sa' xch'ooleb' li xrab'ineb' laj Filistea, me'ok chi ninq'ehik eb' li ixq a'an maak'a'eb' xpaab'aal!

Amós 6:2

Ayuqex ut ilomaq chaq Kalné; chirix chik a'an texxik Jamat, li nimla tenamit, ut texkub'eeq toj Gat sa' xteepal Filistea, ut ilomaq chaq. Ma q'axal chaab'ilex tab'i' laa'ex chiruheb' a'an? Ma q'axal nim tab'i' leetenamit chiru li xtenamiteb' a'an?

Jeremías 25:20

Kink'e ajwi' reheb' chixjunil li k'iila paay chi poyanam wankeb' aran; kink'e reheb' chixjunil li awab'ej sa' xteepal Us, ut chixjunileb' li wankeb' sa' xsutam Filistea: sa' li tenamit Askalón, Gasa, Ekrón ut Asdod;

2 Crónicas 26:6

Koho chi yalok rik'ineb' laj Filistea ut kixjuk'atq li xsuttz'akeb' li tenamit Gat, Jamnia ut Asdod. Kixyiib' wi' chik eb' li tenamit wankeb' sa' xteepal Asdod jo'wi' sa' xteepal Filistea.

2 Reyes 1:2

Sa' jun kutan laj Okosías kit'ane'k chaq sa' xb'entaanil sa' xkab' k'ojaril li rochoch li wank aran Samaria, ut kixtiq' rib'. Toja' naq kixtaqlaheb' xtaql ut kixye reheb': “Ayuqex chi patz'ok rik'in laj Bahal-Sebub, xyoseb' laj Ekrón, re xnawb'al ma tink'iraaq chiru lintiq'ilal a'in”, chan.

2 Samuel 21:22

Eb' li kaahib' a'in xkomoneb' laj Rafá aj Gat ut ke'kamsiik xb'aan laj David ut xb'aaneb' laj k'anjel chiru.

1 Samuel 6:4

“K'aru tqataqla re xtojb'al rix li qamaak?”, chankeb' laj Filistea. Ke'chaq'ok eb' laj tij ut eb' laj q'e: “A' yaal jo'k'ihaleb' li xjolomileb' laj Filistea, teetaqla oob' chi saqijoj ut oob' chi ch'o yiib'anb'ileb' rik'in oor, xb'aan naq a' ajwi' li rahilal xek'ul laa'ex, xe'xk'ul li neke'taqlank sa' eeb'een.

1 Samuel 5:10

Toja' naq ke'xtaqla li xLoq'laj Kaax li Yos Ekrón. Ab'an naq kiwulak aran, eb' laj Ekrón ke'xjap re chi xyeeb'al: “Xe'xk'am chaq li xLoq'laj Kaax li xYos laj Israel yal re qasachb'al laa'o ut eb' li qatenamit!”, chankeb'.

1 Samuel 5:8

Jo'kan naq ke'xb'oqeb' chixjunil li xjolomileb' laj Filistea, ke'xch'utub'eb' ut ke'xye: “K'aru tento tqab'aanu rik'in li xLoq'laj Kaax li xYos laj Israel?”. Ke'xsume: “Li xLoq'laj Kaax li xYos laj Israel tento taak'ame'q aran Gat”, chankeb'. Ut ke'xk'am aran li xLoq'laj Kaax li xYos laj Israel.

1 Samuel 5:1

Naq eb' laj Filistea ke'xchap li xLoq'laj Kaax li Yos aran Ebén-Eser, ke'xk'am toj Asdod.

Jueces 16:21

Toja' naq eb' laj Filistea ke'xchap, ke'risi xsa'eb' li ru ut ke'xk'am Gasa. Aran ke'xb'ak' rik'in kawil kareen ut ke'xtaqla xsurinkil li ke'leb' sa' tz'alam.

Jueces 16:1

Sa' jun kutan laj Sansón koho Gasa. Aran kiril jun aj yumb'eet ut ki'ok rik'in.

Jueces 1:18

Eb' laj Judá ke'reechani Gasa ut li xsutam, Askalón ut li xsutam, Ekrón ut li xsutam.

Levítico 5:7

“Wi ink'a' tz'aqal xtumin re xloq'b'al junaq ch'ina karneer, tento tixk'am chiru li Qaawa' wiib'aq mukuy malaj ut wiib'aq k'ook'ob' re xtz'aamankil xkuyb'al li xmaak. Jun tixk'e re xtojb'al rix li xmaak ut li jun chik cho'q xk'atb'il mayej.

Deuteronomio 28:27

“Li Qaawa' tatxrahob'tesi rik'in xxoxel Ejiipt, rik'in saqijoj, rik'in tuuxn ut saqlep; ut chiruheb' li yajel a'in ink'a' tatk'iraaq.

Amós 1:6

Jo'ka'in kixye li Qaawa': “Ak k'iila sut xinkuy xmaakeb' laj Gasa ut anaqwan maak'a' chik xkuyb'al, xb'aan naq xe'xchap junq teep chi tenamit re xk'ayinkil reheb' laj Edom.

Jueces 14:19

Tikto ki'eechaniik xb'aan xMusiq' li Qaawa', koho Askalón ut aran kixkamsi lajeeb' xka'k'aal chi winq: kirisi li raq'eb' ut kixq'axtesiheb' reheb' li ke'q'ehink. Chirix a'an koho wi' chik sa' rochoch li xyuwa' chi k'ajo' xjosq'il,