1 Samuel 5:9 - Q'eqchi Bible

⁹ Ab'an naq wank chik aran, li Qaawa' kixrahob'tesiheb' li tenamit a'an li q'axal ke'ok xxiw. K'ajo' naq ke'rahob'tesiik, jo' saajeb' ut cheekeb', ut ke'nujak chi saqijoj.

Li Santil hu

⁹ Nak ac cuan chic aran li Lokꞌlaj Ca̱x, li Dios quixqꞌue jun nimla raylal saꞌ xbe̱neb li cuanqueb saꞌ li tenamit Gat. Ut nabal li tumor queꞌel saꞌ lix tibeleb li cristian, joꞌ ni̱nk, joꞌ cocꞌ.

1 Samuel 5:9 ပူးပေါင်းရင်းမြစ်များ

1 Samuel 5:6

Chirix chik a'an li Qaawa' kixrahob'tesi chi yo'oon eb' laj Asdod ut kixnujob'resiheb' chi saqijoj, jo' sa' li xtenamiteb' jo' ajwi' sa' chixjunil li xteepaleb'.

1 Samuel 7:13

Jo'ka'in naq eb' Filistea ke'sache'k xwankil ut ink'a' chik ke'ok sa' xch'och'eb' laj Israel. Ut jo' najtil kiyo'yook laj Samuel, li Qaawa' kixk'ut li xwankil sa' xb'eeneb' laj Filistea.

Deuteronomio 2:15

A' ajwi' li xwankilal li ruq' li Qaawa' ki'isink reheb' sa' li xmuheb'aaleb' toj reetal ke'oso'k chixjunileb'.

1 Samuel 12:15

Ab'anan wi ink'a' teerab'i xyaab' xkux li Qaawa', wi teeq'etq'eti eerib' chiru li xtaqlahom, li ruq' li Qaawa' taa'aalo'q sa' eeb'een ut sa' xb'een li awab'ej.

Salmos 78:66

Li Yos kixtiq'eb' li xik' neke'ilok reheb', ut xutaanal ke'kanaak chi junajwa.

Amós 5:19

Chiru li kutan a'an chanchanaqex li winq na'elelik chiru li kaqkoj ut nokoxch'ik rib' sa' re jalan chik josq' aj xul; malaj naq junaq yo chi ok sa' rochoch, naxk'e li ruq' chiru li tz'ak, ut natiwe'k chik xb'aan li k'anti'.

1 Samuel 6:11

Chirix chik a'an sa' li kareet ke'xk'e li xLoq'laj Kaax li Qaawa' jo'wi' li kaax wankeb' wi' li ch'o ut eb' li saqijoj yiib'anb'ileb' rik'in oor.

1 Samuel 5:11

Ke'xtaqla xch'utub'ankil chixjunileb' laj k'amol xb'eheb' laj Filistea ut ke'xye reheb': “Q'ajsihomaq li xLoq'laj Kaax li xYos laj Israel. Xikaq sa' xna'aj ut ink'a' chooxk'e chi kamk laa'o ut eb' li qatenamit”, chankeb'. K'ajo' xxiweb' chixjunil li tenamit xb'aan naq q'axal rahob'tesinb'ileb' xb'aan li Qaawa'.

1 Samuel 5:10

Toja' naq ke'xtaqla li xLoq'laj Kaax li Yos Ekrón. Ab'an naq kiwulak aran, eb' laj Ekrón ke'xjap re chi xyeeb'al: “Xe'xk'am chaq li xLoq'laj Kaax li xYos laj Israel yal re qasachb'al laa'o ut eb' li qatenamit!”, chankeb'.