1 Samuel 5:3 - Q'eqchi Bible

³ Sa' li kutan jun chik, naq ke'wakliik eb' laj Asdod, ke'xtaw laj Dagón chi hupu sa' ch'och', chiru li xLoq'laj Kaax li Qaawa'. Toja' naq ke'xwaklesi laj Dagón ut ke'xk'e wi' chik sa' li xna'aj.

Li Santil hu

³ Joꞌ cuulajak chic eb li cuanqueb Asdod queꞌcuulac aran ut queꞌxtau lix dioseb tꞌantꞌo saꞌ chꞌochꞌ chiru li Lokꞌlaj Ca̱x. Queꞌxcuaclesi laj Dagón ut queꞌxxakab cuiꞌchic saꞌ xnaꞌaj.

1 Samuel 5:3 ပူးပေါင်းရင်းမြစ်များ

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Isaías 46:7

Neke'xk'am chi paqpo sa' xb'eeneb' xtel, neke'xxaqab' sa' xna'aj ut aran nakanaak chi junwaakaj; ink'a' na'elk sa' xna'aj. Us ta te'xjap reheb' chi xpatz'b'al xtenq'ankileb' chiru, ink'a' te'sumeeq chi moko te'kole'q chiru li rahilal.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

San Marcos 3:11

Ut eb' li tz'ajn aj musiq'ej, naq neke'ril ru, neke'xkutb'e rib' chi roq ut neke'xjap re: “Laa'at Ralalat li Yos”, chankeb'.

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

Isaías 41:7

Laj peech' naxkawub'resi xch'ool li nak'anjelank re li oor ut li plaat; ut li nat'ojok chi t'ojleb' naxk'e xkawub' xch'ool li yo chi tenok ch'iich', ut naxye re: “Chaab'il x'elk laak'anjel”, chan re. Ut chirix a'an naxt'oji chi klawx li jalam u re naq ink'a' taa'eek'anq sa' xna'aj.

Isaías 40:20

Naq junaq neb'a' namayejak, naxsik' junaq che' li ink'a' naq'aak, ut chirix a'an naxsik' junaq chaab'il aj peech' re naq tixyiib' junaq xjalam u li ink'a' taa'eek'anq sa' xna'aj.

Salmos 97:7

Xutaanal neke'kanaak wi' eb' li neke'loq'onink re li jalanil yos, eb' li neke'xnimob'resi rib' rik'in li maak'a' na'ok wi'. Chixjunileb' li yos neke'xwiq'ib' rib' chiru li Qaawa'!

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

1 Samuel 6:5

Yiib'omaq xjalam u leesaqijojil ut eb' li ch'o li yookeb' chi sachok sa' leetenamit, ut k'ehomaq xloq'al li xYos laj Israel. Mare anchal taakotzq li rahilal sa' eeb'een, sa' xb'eeneb' leeyos ut sa' xb'een leech'och'.

1 Samuel 6:1

Wuqub' po kiwank chaq li xLoq'laj Kaax li Qaawa' sa' xna'ajeb' laj Filistea.

1 Reyes 18:26

Ke'xchap li saaj wakax li kik'eemank reheb', ke'xk'uub' ut ke'xyaab'a xk'ab'a' laj Bahal chalen eq'la toj wa'leb': “At Bahal, choohaawab'i chaq!”, chankeb' naq yookeb' chi piitzank chi xk'atq li artal ke'xyiib'. Ab'an maajun kisumenk chaq reheb'.

Salmos 115:7

Wankeb' ruq', ut ink'a' neke'ch'e'ok, wankeb' roq, ut ink'a' neke'b'eek, tik ink'a' na'eek'ank b'ayaq sa' xkuxeb'.