1 Samuel 30:26 - Q'eqchi Bible

²⁶ Naq laj David kiwulak Siklak, wank k'aru kixmaq' reheb' laj Amalek ut kixtaqla reheb' li xcheekal winqul laj Judá ramiiweb': “Waye' leemaatan, xkomon li xqamaq' chiruheb' li xik' neke'ilok re li Qaawa'”, chan.

Li Santil hu

²⁶ Nak laj David quicuulac aran Siclag, quixtakla xma̱taneb li rami̱g li nequeꞌcꞌamoc be aran Judá. Quixye reheb: —Li ma̱tan aꞌin xcomon li xkamakꞌ chiruheb li xicꞌ nequeꞌiloc re li Ka̱cuaꞌ Dios, chan.

1 Samuel 30:26 ပူးပေါင်းရင်းမြစ်များ

1 Samuel 25:27

Chak'ul laamaatan li xink'am chaq ut chajek'i reheb' li saaj winq li neke'ochb'eenink aawe.

2 Corintios 9:5

Jo'kan utan, xink'oxla naq tento xtz'aamankil chiruheb' li qiitz'in a'an naq che'xikaq eerik'in xb'enwa, toj moqon tinxik laa'in, re xkawresinkil leekub'siil ak yeechi'inb'il eeb'aan. Chi jo'kan yo'oon wanq jo' tz'aqal mayej ut ink'a' jo' yal k'eeb'il xb'aan xpixil eech'ool.

Isaías 32:8

A'ut li chaab'il xch'ool junes li chaab'ilal naxk'oxla, ut kaw xch'ool chi xb'aanunkil li us.

Salmos 68:18

Eb' li xb'eleb'aal ch'iich' li Yos numtajenaq xk'ihaleb', ink'a' naru rajlankileb'. Li Qaawa' toj Sinaí x'elk chaq naq xulokaq sa' li xloq'laj ochoch.

Salmos 35:27

Che'b'ichanq ut chisaho'q sa' xch'ooleb' jo'k'ihal li neke'raj naq us tin'elq; junelik che'xyehaq: “Rajawal nim li Qaawa', li nasaho'k xch'ool rik'in naq us na'elk laj k'anjel chiru!”.

2 Reyes 5:15

Toja' naq laj Nahamán ut chixjunileb' li rochb'een ke'sutq'iik wi' chik rik'in li xtaql li Yos. Ut naq kiwulak rik'in, laj Nahamán koxxaqliiq chiru laj Eliseo ut kixye re: “Anaqwan xink'e reetal naq maak'a' chik junaq Yos sa' chixjunil li ruuchich'och'. Ka'ajwi' arin Israel. K'ul b'i' li simaatan a'in naxk'e aawe laj k'anjel chawu”.

Génesis 33:11

K'ul b'i' li maatan xink'am chaq cho'q aawe: li Yos xinrosob'tesi ut numtajenaq li k'aru we”, chan. Ut kirelaji ru toj reetal laj Esaú kixk'ul li xmaatan.

1 Samuel 18:17

Sa' jun kutan kixye laj Saúl re laj David: “Tink'e lix Merab, li xb'een inrab'in, cho'q aawixaqil. Ka'ajwi' nintz'aama chawu naq kawaq aach'ool chi yalok sa' xk'ab'a' li Qaawa'”, chan. Xb'aan naq laj Saúl naxye sa' xch'ool: “Moko laa'in ta tinkamsinq re laj David, a'eb' b'an laj Filistea”.

1 Samuel 25:28

Chakuy taxaq inmaak. Relik chi yaal naq li Qaawa' tixxaqab' chi junajwa xwankil laajunkab'al, xb'aan naq laa'at nakatyalok sa' xk'ab'a' li Qaawa', ut maajun wa taachalq li ink'a' us sa' aab'een chiru chixjunil laayu'am.

1 Samuel 30:20

Kixmaq'eb' ajwi' chixjunil li xkarneereb' ut xwakaxeb'. Ut eb' li neke'b'eresink li ketomq a'an, neke'xye: “A'in li reechanihom laj David”, chankeb'.

1 Samuel 30:25

Chalen sa' li kutan a'an toj anaqwan, jo'kan neke'xb'aanu eb' laj Israel; a'an li xchaq'rab'eb'.

2 Samuel 1:1

Chirix li xkamik laj Saúl, laj David kisutq'iik Siklak naq ak xq'ax ruheb' laj Amalek, ut aran kikanaak chiru wiib' kutan.