1 Samuel 30:21 - Q'eqchi Bible

²¹ Naq ke'sutq'iik wankeb' wi' li lajeek'aal (200) li ink'a' ke'xkuy xtaaqenkil laj David xb'aan xlub'ikeb' ut ke'kanaak chire li nima' Besor, eb' a'in ke'elk chi xk'ulb'al laj David ut eb' li wankeb' rochb'een. Laj David kijilok chi xk'atqeb' ut kixk'e xsahilaleb' xch'ool.

Li Santil hu

²¹ Queꞌsukꞌi cuiꞌchic saꞌ li nimaꞌ Besor li queꞌcana cuiꞌ li cuib ciento chi cui̱nk li incꞌaꞌ queꞌru chi xic chirix laj David xban xlubiqueb. Chi saheb saꞌ xchꞌo̱l queꞌco̱eb chixcꞌulbal laj David ut li cuanqueb rochben. Ut laj David quixqꞌue xsahileb xchꞌo̱l.

1 Samuel 30:21 ပူးပေါင်းရင်းမြစ်များ

Hebreos 13:1

Chiwanq junelik li rahok ib' sa' eeyanq jo' eeras eeriitz'in eerib'.

1 Samuel 30:10

Aran ke'kanaak lajeek'aal (200) li jwal tawajenaqeb': ink'a' ke'xkuy nume'k junpak'al li nima' Besor.

Jueces 8:15

Toja' naq laj Jedehón koho rik'ineb' laj Sukot ut kixye reheb': “We' laj Sébaj ut laj Salmuná li xineehob' wi' naq xeye: «Ma ak xachap tab'i' laj Sébaj ut laj Salmuná re naq tqak'e xwaheb' laawochb'een li xe'tawak?»”.

1 Pedro 3:8

Sa' roso'jik ninye eere: chexwanq chejunilex chi junaq ru leena'leb', chetoq'ob'a eeru cherib'il eerib', cherahaq leeras eeriitz'in, chex'uxtaananq u ut q'unaqex.

1 Samuel 30:22

Ab'anan wankeb' ink'a' useb' xna'leb' sa' xyanqeb' li koheb' chirix laj David; ke'ok chi choqink ut ke'xye: “Eb' a'an ink'a' xkoheb' chiqix. Jo'kan naq ink'a' taak'eemanq reheb' li k'aru xqeechani chaq. Ka'ajwi' li rixaqileb' ut li xkok'aleb' te'xk'ul kach'inaq reheb'. Xk'amaqeb' ut xikaqeb'”, chankeb'.

1 Samuel 17:18

Ut li lajeeb' chi rekesón a'in k'am cho'q re li xjolomileb' laj puub'. Ab'i chaq chanru wankeb' laawas ut k'am chaq junaq reetalil naq saheb' sa' xch'ool.

1 Samuel 17:22

Tikto laj David kixkanab' li riiq rik'in laj ilol re li k'a'aq re ru, koho sa' aanil b'ar ch'utch'uukeb' wi' laj puub' ut koxpatz' reheb' li ras chan rilb'aleb'.