1 Samuel 30:15 - Q'eqchi Bible

¹⁵ Laj David kixye re: “Ma truuq tinaak'am rik'ineb' laj elq' a'an?”. Kixsume: “Ye laawaatin sa' xk'ab'a' li Qaawa' naq ink'a' tinaakamsi chi moko tinaaq'axtesi sa' ruq' laj eechal we, ut laa'in tatink'am wankeb' wi' li poyanam a'an”, chan.

Li Santil hu

¹⁵ Laj David quixye re: —¿Ma ta̱ru̱k tina̱cꞌam cuanqueb cuiꞌ li jun chꞌu̱tal chi aj e̱lkꞌ aꞌan? chan. Ut li cui̱nk quixye re: —Cui la̱at ta̱ye cue saꞌ xcꞌabaꞌ li Dios nak incꞌaꞌ tina̱camsi, chi moco tina̱kꞌaxtesi saꞌ rukꞌ lin patrón, la̱in tatincꞌam bar cuanqueb cuiꞌ, chan.

1 Samuel 30:15 ပူးပေါင်းရင်းမြစ်များ

Ezequiel 17:19

«Laa'in, li Qaawa', ninye li waatin sa' jurament naq tink'e chi xtojb'al li xmaak li winq a'an, xb'aan naq kixq'et linsumwank ut ink'a' kixpaab' li waatin.

Ezequiel 17:16

Laa'in, li Qaawa', ninye li waatin naq taakamq aran Babilonia li xq'etok re li aatin ut ink'a' xpaab' li xsumwank li awab'ej li kixaqab'ank re chi awab'ejink.

Ezequiel 17:13

Chirix chik a'an kixsik' ru jun xkomoneb' li ralal li awab'ej, kixk'e chi xyeeb'al xjurament ut kixk'ojob' jun sumwank rik'in a'an re naq wanqeb' sa' xyaalal. Kixk'am ajwi' li xninqaleb' ru winq wankeb' sa' li tenamit,

1 Samuel 29:6

Toja' naq laj Akis kixb'oq laj David ut kixye re: “Sa' xk'ab'a' li yo'yookil Yos ninye aawe naq tiik aach'ool ut xwaj naq xkohat raj chiwix chi yalok, xb'aan naq maak'a' k'aru ink'a' us xintaw aawik'in chalen aawokik wik'in toj anaqwan. Ab'anan moko sa ta ilb'ilat xb'aaneb' li xjolomileb' laj Filistea.

Josué 9:15

Ut laj Josué kixk'uub' jun sumwank rik'ineb', ut kixye li raatin naq ink'a' tixkamsiheb'. Jo'kan ajwi' ke'xye sa' jurament li ninqeb' xwankil sa' li komonil.

Josué 2:12

Jo'kan utan, yehomaq we anaqwan sa' jurament sa' xk'ab'a' li Qaawa' naq teeb'aanu usilal re linjunkab'al, jo' naq laa'in xinb'aanu usilal eere. K'ehomaq we junaq eetalil li tinnaw wi'

1 Samuel 30:14

Xoowulak aran Nejeb, sa' xteepaleb' laj Keret ut eb' laj Judá, jo'wi' Nejeb, sa' xteepaleb' laj Kaleb, ut xqak'at ajwi' li tenamit Siklak”, chan.

1 Samuel 30:16

Ut kixk'am rik'ineb' laj Amalek li wankeb' yalaq b'ar sa' li na'ajej a'an, yookeb' chi wa'ak uk'ak ut chi xajok xb'aan chixjunil li k'a'aq re ru ke'relq'a sa' xna'ajeb' laj Filistea ut eb' laj Judá.

Génesis 24:3

Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

Jueces 1:24

Eb' laj k'ehol eetal ke'ril jun li winq naq yo chi elk sa' li tenamit, ut ke'xye re: “Wi taak'ut chiqu chanru naq too'ok sa' li tenamit, laa'o taaqab'anyoxi chawu”, chankeb'.