1 Samuel 3:9 - Q'eqchi Bible

⁹ ut kixye re laj Samuel: “Ayu chi wark, ut wi tatb'oqe'q wi' chik, taaye: «Aatinan, at Qaawa', laj k'anjel chawu yo chawab'inkil», cha'qat re”. Koho wi' chik laj Samuel sa' li xwarib'.

Li Santil hu

⁹ Joꞌcan nak quixye re: —Ayu cuiꞌchic saꞌ la̱ cuarib ut cui tatbokekꞌ cuiꞌchic ta̱ye re, “A̱tinan, at Ka̱cuaꞌ. La̱in aj cꞌanjel cha̱cuu. Tincuabi li cꞌaꞌru ta̱ye,” chaꞌkat re.— Ut laj Samuel co̱ cuiꞌchic saꞌ xcuarib.

1 Samuel 3:9 ပူးပေါင်းရင်းမြစ်များ

Éxodo 20:19

“Aatinan laa'at qik'in ut tatqab'i; ab'an mooraatina li Yos: mare anchal tookamq”, chankeb' re laj Moisés.

Isaías 6:8

Ut kiwab'i li Qaawa' yo chaq chi xyeeb'al: “Ani tintaqla? Ani taaxik sa' qak'ab'a' laa'o?”. Laa'in kinye: “Waaye'in arin, at Qaawa'. Taqlahin laa'in”.

Salmos 85:8

Chak'ut taxaq chiqu laawuxtaan ut choohaatenq'a taxaq, at Qaawa'!

Hechos 9:6

Waklin, okan sa' li tenamit ut taayeemanq aawe k'aru taab'aanu”.

Daniel 10:19

Chirix chik a'an kixye we: «Matxiwak ut matk'oxlak. Saho'qat ut kawaq taxaq laach'ool: li Yos jwal nakatxra». “Ut naq toj yo chi aatinak wik'in, kikawuuk wi' chik linch'ool ut kinye re: «Aatinan, at inqaawa', xb'aan naq xak'e xkawub' linch'ool», chankin re.

1 Samuel 3:8

Sa' rox sut li Qaawa' kixb'oq laj Samuel, ut a'in kiwakliik, koho rik'in laj Elí ut kixye re: “Wankin arin. K'a' aj e naq xinaab'oq?”. Toja' naq laj Elí kixtaw ru naq li Qaawa' yo chi b'oqok re li ch'ina'al,

1 Samuel 3:10

Chirix chik a'an kichalk li Qaawa', kixaqliik ut kib'oqok wi' chik jo'eb' li xb'ensut: “Samuel, Samuel!”, chan. Kichaq'ok laj Samuel ut kixye: “Aatinan, laj k'anjel chawu yo chawab'inkil”.

Josué 5:14

Kichaq'ok a'an ut kixye: “Ink'a', laa'in b'an aj jolominel reheb' li xk'iila ánjel li Qaawa'. Toja' xinchalk”, chan. Toja' naq laj Josué kixhupub' rib', kixloq'oni ut kixye re: “Laa'in aamoos, wa'. K'aru taawaj tinb'aanu?”, chan.

Salmos 85:9

Twab'i k'aru tixye li Qaawa': li Yos tixjultika li tuqtuukil usilal cho'q re li xtenamit ut eb' li neke'rahok re, re naq ink'a' te'sutq'iiq wi' chik chi xb'aanunkil li jo'maajo'il na'leb'.