1 Samuel 29:6 - Q'eqchi Bible

⁶ Toja' naq laj Akis kixb'oq laj David ut kixye re: “Sa' xk'ab'a' li yo'yookil Yos ninye aawe naq tiik aach'ool ut xwaj naq xkohat raj chiwix chi yalok, xb'aan naq maak'a' k'aru ink'a' us xintaw aawik'in chalen aawokik wik'in toj anaqwan. Ab'anan moko sa ta ilb'ilat xb'aaneb' li xjolomileb' laj Filistea.

Li Santil hu

⁶ Ut laj Aquis quixbok laj David riqꞌuin ut quixye re: —Saꞌ xcꞌabaꞌ li yoꞌyo̱quil Dios, la̱in ninye a̱cue nak la̱at ti̱c a̱chꞌo̱l. Ma̱cꞌaꞌ a̱paltil chicuu chalen nak xatcꞌulun cuiqꞌuin. Nacuaj raj nak tatxic chicuix saꞌ li ple̱t aꞌin. Abanan eb li nequeꞌtaklan saꞌ xbe̱neb li soldados incꞌaꞌ nequeꞌraj nak tatxic kochben.

1 Samuel 29:6 ပူးပေါင်းရင်းမြစ်များ

2 Reyes 19:27

Ninnaw chixjunil li nakab'aanu, naq nakat-elk ut nakat-ok sa' laawochoch, ut k'ajo' laajosq'il wik'in.

2 Samuel 3:25

Ma ink'a' nakanaw naq re aab'alaq'inkil naq xk'ulunk laj Abner, ralal laj Ner? A'an yal re xk'eeb'al reetal laayehom laab'aanuhom naq xk'ulunk”, chan.

Salmos 121:8

Li Qaawa' na'ilok aawe jo'q'e tat-elq ut jo'q'e tatsutq'iiq chaq, chalen anaqwan ut junelik q'e kutan.

1 Samuel 20:3

Ab'an laj David kixye wi' chik: “Laayuwa' naxnaw chi us naq q'axal nikinaara. Jo'kan naq xye sa' xch'ool: «Ink'a' nawaj naq laj Jonatán tixnaw a'an, re naq ink'a' taaraho'q xch'ool», chan. Ab'anan, sa' xk'ab'a' li yo'yookil Yos ut sa' xk'ab'a' laayu'am ninye aawe naq kach'in chik maa ninkamk”.

1 Pedro 3:16

Ab'anan chex'aatinaq sa' tuulanil ut sa' xyaalal; chaab'ilaq leek'a'uxl re naq li k'aru nekexhob'e'k wi', chik'utuq xxutaaneb' li neke'wech'ok re li xchaab'ilal leeyu'am li wank sa' xk'ab'a' li Kriist.

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.

Isaías 65:16

Jo'k'ihaleb' li te'raj osob'tesiik sa' li tenamit, te'xpatz' rosob'tesinkileb' sa' xk'ab'a' li Qaawa', li Yos q'axal paab'ajel; ut li ani tixye xjurament sa' li tenamit, tixb'aanu sa' ink'ab'a' laa'in, li ninb'aanu li k'aru xinyeechi'i. Relik chi yaal naq li rahilal li kik'ulmank junxil taasachq sa' inch'ool ut ink'a' chik tink'e sa' li waanm.

Isaías 37:28

Ninnaw chixjunil li nakab'aanu, naq nakat-elk ut nakat-ok sa' laawochoch, ut k'ajo' laajosq'il wik'in.

1 Samuel 29:3

Toja' naq eb' li xjolomileb' laj Filistea ke'xye: “K'aru yookeb' arin eb' laj Hebreo a'in?”. Laj Akis kixsumeheb': “A'an laj David, laj k'anjel chiru laj Saúl, awab'ej re Israel. Jun malaj wiib' chihab' rokik wik'in, ut maak'a' k'aru ink'a' us xintaw rik'in chalen sa' rokik wik'in toj anaqwan”, chan.

1 Samuel 28:10

Ab'an laj Saúl kixye li raatin sa' xk'ab'a' li Qaawa': “Sa' xk'ab'a' li yo'yookil Yos -chan- ninye aawe naq maak'a' rahilal taachalq sa' aab'een wi taab'aanu a'an”.

Josué 22:30

Naq laj Pinjás laj tij rochb'eeneb' li neke'k'amok b'e sa' li komonil ut eb' li xjolomileb' li xkok' ch'uutil laj Israel ke'rab'i li xyehomeb' laj Gad, laj Rubén ut eb' laj Manasés, ke'xk'ul ruheb'.

Deuteronomio 10:20

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

Números 27:17

ut tixb'eresiheb' yalaq b'ar, re naq ink'a' taakanaaq li xkomonil li Qaawa' jo'keb' li karneer maak'a' aj ilol reheb'”, chan laj Moisés.

Génesis 16:6

Kichaq'ok laj Abrán ut kixye: “Li ixq aj k'anjel chawu wank rub'el aawoq rub'el aawuq'. B'aanu re li k'aru taawaj”. K'ajo' naq lix Saray kijosq'o'k sa' xb'een lix Agar, ut a'in ki'elelik chiru.

1 Samuel 5:8

Jo'kan naq ke'xb'oqeb' chixjunil li xjolomileb' laj Filistea, ke'xch'utub'eb' ut ke'xye: “K'aru tento tqab'aanu rik'in li xLoq'laj Kaax li xYos laj Israel?”. Ke'xsume: “Li xLoq'laj Kaax li xYos laj Israel tento taak'ame'q aran Gat”, chankeb'. Ut ke'xk'am aran li xLoq'laj Kaax li xYos laj Israel.

1 Samuel 29:7

Jo'kan naq nintz'aama chawu naq tatsutq'iiq wi' chik sa' laana'aj. Ayu sa' tuqtuukilal re naq maak'a' taab'aanu li taapo'q wi' xch'ool eb' li xjolomileb' laj Filistea”.