1 Samuel 29:4 - Q'eqchi Bible

⁴ Ab'anan eb' li xjolomileb' laj Filistea ke'josq'o'k rik'in laj Akis ut ke'xye re: “Taqla chi sutq'iik li winq a'an sa' li na'ajej li xak'e re. Mixik chiqix chi yalok. Mare anchal xik' tooril naq yooqo chi yalok. Xb'aan naq li jwal us re naq taa'ok wi' chik sa' rusilal laj Saúl, a'an li xk'utb'al li xjolomeb' laj puub' a'in.

Li Santil hu

⁴ Eb laj filisteo queꞌjoskꞌoꞌ riqꞌuin laj Aquis ut queꞌxye re: —Taklaheb cuiꞌchic saꞌ li naꞌajej li xaqꞌue reheb. Incꞌaꞌ teꞌxic chi pletic kochben. Ma̱re anchal aꞌan chic teꞌsukꞌi̱k chak saꞌ kabe̱n nak yo̱ko chi pletic. ¿Ma incꞌaꞌ ta biꞌ ta̱sahokꞌ cuiꞌchic xchꞌo̱l laj Saúl riqꞌuin cui toxcamsi la̱o? chanqueb.

1 Samuel 29:4 ပူးပေါင်းရင်းမြစ်များ

1 Samuel 14:21

Ut eb' laj Hebreo li junxil okenaqeb' sa' xyanqeb' laj Filistea chi k'anjelak chiruheb' ut anaqwan rochb'eeneb' chi yalok, ke'xjal xk'a'uxeb' ut ke'okenk chirixeb' laj Israel li wankeb' rochb'een laj Saúl ut laj Jonatán.

1 Crónicas 12:19

Wankeb' ajwi' aj Manasés ke'okenk chirix laj David, naq a'in koho chi yalok rik'in laj Saúl rochb'eeneb' laj Filistea. Ab'anan laj David ink'a' kiruuk xtenq'ankileb' laj Filistea, xb'aan naq eb' li neke'jolomink reheb' ke'xch'utub' rib' ut ke'xchaq'rab'i laj David; ke'xye: “Laj David tooxkamsi ut chi jo'kan taa'okenq chirix laj Saúl li xqaawa'”.

San Lucas 16:8

“Laj eechal junkab'lal kixnima ru li mertoom ink'a' tiik xch'ool, xb'aan naq kiwank xna'leb' rik'in li kixb'aanu. Xb'aan naq eb' li ralal xk'ajol li ruuchich'och' a'in q'axal wankeb' xna'leb' chirib'ileb' rib' chiruheb' li ralal xk'ajol li saqenk.

1 Samuel 27:6

Sa' ajwi' li kutan a'an laj Akis kixk'e Siklak cho'q xna'aj ut chalen toj anaqwan Siklak kikanaak cho'q reheb' li awab'ej re Judá.

1 Samuel 29:9

Ut laj Akis kixye re: “Ninnaw chi us naq chaab'ilat jo' jun x'ánjel li Yos. Ab'anan eb' li xjolomileb' laj Filistea xe'xye naq ink'a' truuq tatxik chirixeb' chi yalok.

1 Samuel 30:1

Sa' rox li kutan laj David ut eb' li wankeb' rochb'een ke'wulak Siklak ut ke'xk'e reetal naq eb' laj Amalek koxe'sachoq chaq Nejeb jo'wi' Siklak, ke'elq'ak aran ut k'atb'il chik li tenamit Siklak.

Éxodo 1:10

Chiwanq taxaq qana'leb' re naq ink'a' chik te'k'ihanq. Mare anchal taawanq xnimal yalok ut eb' a'an te'xjunaji rib' rik'ineb' li xik' neke'ilok qe, te'yaloq qik'in ut te'elq sa' li qatenamit”.

1 Crónicas 12:20

Naq laj David koho Siklak, wankeb' aj Manasés ke'okenk chirix laj David. A'aneb' a'in: laj Adná, laj Josabad, laj Yediahel, laj Mikael, laj Josabad, laj Elihú ut laj Siletay, xjolomileb' laj puub' re Manasés.