1 Samuel 28:6 - Q'eqchi Bible

⁶ Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

Li Santil hu

⁶ Laj Saúl quixpatzꞌ re li Dios cꞌaꞌru tixba̱nu. Abanan li Dios incꞌaꞌ chic quixsume chi moco saꞌ xmatcꞌ, chi moco riqꞌuin li Urim, chi moco xbaneb li profetas.

1 Samuel 28:6 ပူးပေါင်းရင်းမြစ်များ

1 Samuel 14:37

Ut laj Saúl kixpatz' re li Yos: “Ma tinkub'eeq chi raanilasinkileb' laj Filistea? Ma taaq'axtesiheb' sa' ruq'eb' laj Israel?”, chan. Ab'an li Yos ink'a' kixsume laj Saúl sa' li kutan a'an.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Lamentaciones 2:9

T'anjenaqeb' chik sa' ch'och' eb' li xtz'apb'al ut xnat'b'aleb' rix li okeb'aal: li Qaawa' xjuk'uk ut xjorok reheb'. Li awab'ej ut li xninqaleb' ru winq wankatqeb' chik sa' xyanqeb' li maak'a'eb' xpaab'aal. Maak'a' chik Chaq'rab', ut eb' li propeet maak'a' chik neke'rab'i rik'in li Yos.

Números 27:21

Ab'an laj Josué tento toxk'ut rib' chiru laj Elehasar laj tij, ut a'in taapatz'oq wik'in, jo' chanru na'uxk rik'in li b'uulink, chiru li Qaawa'. Laj Josué a'an li taataqlanq sa' xb'een chixjunileb' laj Israel, sa' xb'een chixjunil li komonil, rik'in li k'aru te'xb'aanu”.

Santiago 4:3

Nekextz'aamank ut ink'a' nekexk'uluk xb'aan naq ink'a' nekextz'aamank chi chaab'il: yal nekeraj xsachb'al chixjunil rik'in li k'aru naxrahi xb'aanunkil li tz'ejwalej.

San Juan 9:31

Laa'o naqanaw naq li Yos ink'a' narab'iheb' laj maak; ab'an wi junaq naxxiwa ru li Yos ut naxb'aanu li rajom, a'an na'ab'iik.

San Mateo 1:20

Ut naq ak k'uub'k'u sa' xch'ool xb'aanunkil a'in, li x'ánjel li Qaawa' kixk'ut rib' chiru sa' xmatk' ut kixye: “José, ralalat laj David, matk'oxlak chi xk'amb'al lix María cho'q aawixaqil, xb'aan naq li siyajenaq rik'in a'an re li Santil Musiq'ej.

Jeremías 23:28

Wi junaq propeet xmatk'ek, xyehaq naq a'an jun matk'; ab'an li ani xk'ulum li waatin, xyehaq chi tz'aqal re ru. Ink'a' naru xjuntaq'eetankil li roq li triiw rik'in li ru. Li waatin a'an chanchan li xam, kama' li tenleb' li naxk'aji li pek -chan li Qaawa'-.

Deuteronomio 33:8

Cho'q re laj Leví kixye a'in: “Chak'e reheb' laj Leví laa'Urim ut laaTumim; chak'e reheb' li winq li nasaho'k wi' aach'ool, a' li kayal rixeb' aran Masá ut kaq'useb' chaq chire li ha' re Meribá.

Éxodo 28:30

Ut sa' li pektoral re li q'ehink taak'e li Urim ut li Tumin, re naq wanqeb' chire xch'ool laj Aharón naq tox'okaq chiru li Qaawa'. Chi jo'kan laj Aharón junelik tixk'am chire xch'ool, chiru li Qaawa', li k'anjelob'aal re li q'ehink chirixeb' li ralal xk'ajol laj Israel.

Proverbios 27:1

Maaxuli aawib' chirix li taab'aanu wulaj, xb'aan naq ink'a' nakanaw li taak'ulmanq wulaj.

Salmos 74:9

Ink'a' chik naqil li qeetalil ut maak'a'eb' chik li propeet, chi moko wank junaq ta qe li naxnaw toj jo'q'e qu.

Éxodo 28:20

ut sa' li xka taawanq jun krisólito, jun ónice ut jun jaspe: chixjunileb' li pek a'in letzb'ilaqeb' rik'in oor.

Levítico 8:8

Chirix a'an kixk'e li pektoral sa' xb'een, ut sa' li pektoral kixk'e li Urim ut li Tumim.

1 Samuel 28:5

Naq laj Saúl kiril li xmuheb'aaleb' laj Filistea, k'ajo' naq kixiwak ut ki'ok xk'a'uxl.

1 Samuel 28:15

Toja' naq laj Samuel kixye re laj Saúl: “K'a' naq nikinaach'i'ch'i'i ut nikinaapatz'?”. Kichaq'ok laj Saúl: “Wankin sa' jun nimla ch'a'ajkilal: eb' laj Filistea yookeb' chi yalok wik'in ut li Yos xinxkanab'. Ink'a' chik nikinxsume chi moko rik'ineb' propeet, chi moko sa' inmatk'. Jo'kan naq xatinb'oq chaq re naq taaye we k'aru tinb'aanu”.

2 Samuel 22:42

Chajchookeb' re chi xpatz'b'aleb' xtenq'aal, ab'anan maajun xkolok reheb'; xe'xyaab'a xk'ab'a' li Qaawa', ab'an ink'a' xsumeheb' li xtij.

Joel 2:28

“Chirix chik a'in tinhoy linmusiq' sa' xb'eeneb' chixjunil: eb' leeralal ut leerab'in te'aatinaq jo' propeet, eb' leecheekelal te'matk'eq ut eb' leesaaj al te'iloq moy u.

Miqueas 3:7

Eb' laj ilol sa' moy u ut eb' laj q'e te'kanaaq sa' xutaan ut te'se'eeq. Mem te'kanaaq chixjunileb' naq ink'a' te'sumeeq chaq xb'aan li Yos.