1 Samuel 28:15 - Q'eqchi Bible

¹⁵ Toja' naq laj Samuel kixye re laj Saúl: “K'a' naq nikinaach'i'ch'i'i ut nikinaapatz'?”. Kichaq'ok laj Saúl: “Wankin sa' jun nimla ch'a'ajkilal: eb' laj Filistea yookeb' chi yalok wik'in ut li Yos xinxkanab'. Ink'a' chik nikinxsume chi moko rik'ineb' propeet, chi moko sa' inmatk'. Jo'kan naq xatinb'oq chaq re naq taaye we k'aru tinb'aanu”.

Li Santil hu

¹⁵ Laj Samuel quixye re laj Saúl: —¿Cꞌaꞌut nak yo̱cat chinchꞌiꞌchꞌiꞌinquil? ¿Cꞌaꞌut nak xina̱bok arin? chan. Laj Saúl quixye: —Cꞌajoꞌ li raylal yo̱quin chixcꞌulbal. Eb laj filisteo yo̱queb chi pletic cuiqꞌuin. Ut li Dios xinixtzꞌekta̱na. Incꞌaꞌ chic naxsume lin tij, chi moco saꞌ inmatcꞌ, chi moco xbaneb li profetas. Joꞌcan nak xatinbok re nak ta̱ye cue cꞌaꞌru tinba̱nu, chan laj Saúl.

1 Samuel 28:15 ပူးပေါင်းရင်းမြစ်များ

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

1 Samuel 18:12

Laj Saúl naxxiwa ru laj David xb'aan naq li Qaawa' wank rik'in laj David ut ink'a' chik nawank rik'in laj Saúl.

Oseas 9:12

Us ta toxe'xk'iiresi junaq ralal xk'ajol, laa'in tinmaq'oq re chiruheb'. Ra chaalel sa' xb'eeneb' li poyanam a'an naq teb'inkanab' laa'in!

Proverbios 14:14

Li maak'a' xna'leb' sa sa' xch'ool rik'in li maa'usilal naxb'aanu; li chaab'il xch'ool nasaho'k rik'in li xchaab'il k'anjel.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Salmos 51:11

Maak'e sa' aach'ool li xinmaakob'k wi', ut chawisi chixjunileb' linmaak chi junajwa.

1 Samuel 28:11

Kixye li ixq: “Ani tinpatz'oq wi' chawix?”. Kichaq'ok laj Saúl: “Patz'on re laj Samuel”, chan.

1 Samuel 28:8

Laj Saúl jalan li raq' kixk'e chirix, re naq ink'a' taanawe'q ru, ut koho rochb'een wiib' aj k'anjel chiru. Chi q'eq kiwulak rik'in li ixq ut kixye re: “Patz'on re junaq kamenaq ut b'oq chaq li xmusiq' li winq tinye aawe”, chan.

1 Samuel 23:2

Toja' naq laj David kipatz'ok re li Qaawa': “Ma tinxik chi yalok rik'ineb' laj Filistea a'an?”, chan. Kisumeek xb'aan li Qaawa': “Ayu chi yalok rik'ineb' laj Filistea ut taakol li tenamit Kehilá”.

Jueces 16:20

“We'keb' laj Filistea sa' aab'een, a Sansón!”, chan li ixq. Naq laj Sansón ki'ajk ru sa' xwara, kixye sa' xch'ool: “Tinkol wib' wi' chik kama' ninb'aanu rajlal, ut teb'insach”, chan. Ab'anan ink'a' naxnaw naq maak'a' chik li Qaawa' rik'in.

1 Samuel 23:4

Jo'kan naq laj David koho wi' chik chi patz'ok rik'in li Qaawa', ut A'an kichaq'ok: “Xaqlin, ayu chi yalok chirixeb' laj Kehilá, xb'aan naq xinq'axtesiheb' laj Filistea sa' laawuq'”.

1 Samuel 28:16

Kixye laj Samuel: “K'a' naq nakatpatz'ok we wi xatxkanab' li Qaawa' ut xik' chik nakatril?

1 Samuel 30:6

K'ajo' li xk'a'uxl laj David xb'aan naq eb' li wankeb' rochb'een yookeb' chi xk'oxlankil xteninkil chi pek: jwal raheb' sa' xch'ool li tenamit, li junjunq chirixeb' li xkok'al. Ab'an laj David kixtaw xkawub' li xch'ool rik'in li Qaawa' li xYos