1 Samuel 27:9 - Q'eqchi Bible

⁹ Laj David nasachok sa' li tenamit nawulak wi', ut maak'a' winq chi moko ixq naxkanab' chi yo'yo. Nareechaniheb' li karneer ut eb' li b'ooyx, eb' li b'uur, li kameey ut eb' li aq'ej, ut chirix a'an nasutq'iik wi' chik rik'in laj Akis.

Li Santil hu

⁹ Naxcamsiheb li cui̱nk ut eb li ixk. Ma̱ jun chic naxcanabeb chi yoꞌyo. Ut naxcꞌameb li queto̱mk, eb li carner, eb li bu̱r, ut eb li camello, joꞌ ajcuiꞌ li akꞌej. Ut nequeꞌsukꞌi cuiꞌchic riqꞌuin laj Aquis.

1 Samuel 27:9 ပူးပေါင်းရင်းမြစ်များ

1 Samuel 15:3

Ayu anaqwan ut rahob'tesiheb' laj Amalek. Chaq'axtesiheb' chi oso'k rochb'eeneb' chixjunil li reechanihomeb'. Maawil xtoq'ob'aal ruheb', chakamsi b'an chixjunileb', jo' winq ut ixq, eb' li kok'al ut eb' li k'uula'al, eb' li b'ooyx ut eb' li karneer, eb' li kameey ut eb' li b'uur»”.

1 Samuel 15:7

Toja' naq laj Saúl kixsacheb' laj Amalek, chalen chaq Abilá toj Sur, li wank sa' xnub'ajlil Ejiipt.

Josué 6:21

Chirix chik a'an ke'xkamsiheb' li winq, li ixq, li saajeb' ut cheekeb'; jo'kan ajwi' eb' li b'ooyx, li karneer ut li b'uur. Chixjunil kisache'k ru chi junajwa.

Éxodo 15:22

Chirix chik a'an laj Moisés kixtaqlaheb' laj Israel chi elk chire li Kaqi Palaw re naq te'xik sa' li chaqich'och', Sur xk'ab'a'. Chiru oxib' kutan ke'b'eek sa' li chaqich'och', ab'an ink'a' ke'xtaw li ha'.

Génesis 25:18

Eb' li ralal xk'ajol ke'wank xch'och' chalen Abilá toj Sur, chi xk'atq Ejiipt, sa' xjayal Asur. Aran ke'kanaak, junpak'al li xna'ajeb' chixjunil li xkomoneb'.

Génesis 16:7

Ab'an koxtawe'q xb'aan li x'ánjel li Qaawa' chire jun yo'leb'aal ha' sa' li chaqich'och', a' li wank sa' xb'ehil Sur:

1 Samuel 15:8

Kixchap chi yo'yo laj Agag, awab'ej re Amalek, ut kixkamsiheb' chi ch'iich' li poyanam, tik ke'oso'k chixjunileb'.

Li xHu LAJ JOB 1:3

Kiwank ajwi' wuqub' mil xkarneer, oxib' mil xkameey ut o'k'aal xkab' o'q'ob' (500) sumal xb'ooyx, ut numtajenaqeb' laj k'anjel chiru. A'an li winq q'axal b'ihom sa' xyanqeb' li wankatqeb' sa' xteepal li releb'l saq'e.