1 Samuel 27:5 - Q'eqchi Bible

⁵ Sa' jun kutan laj David kixye re laj Akis: “Wi usilal xintaw chawu, nintz'aama naq taak'e inna'aj sa' jun reheb' laatenamit re naq aran chik tinwanq, xb'aan naq moko us ta naq laj k'anjel chawu taawanq chak'atq sa' li xnimal ru aatenamit”, chan.

Li Santil hu

⁵ Laj David quixye re laj Aquis: —At rey, cui la̱at sa a̱chꞌo̱l cuiqꞌuin, nintzꞌa̱ma cha̱cuu nak ta̱qꞌue innaꞌaj saꞌ jun li chꞌina tenamit re nak aran tocana̱k. Moco incꞌulub ta nak tincua̱nk saꞌ la̱ tenamit, at rey, chan.

1 Samuel 27:5 ပူးပေါင်းရင်းမြစ်များ

Génesis 46:34

teeye re: «Chalen chaq sa' qakach'inal laa'o aj k'aak'alenel ketomq; jo'kaneb' ajwi' chaq eb' li qaxe'toonil yuwa'», cha'qex. Chi jo'kan truuq texkanaaq sa' li na'ajej Gosen”, chan laj José. Xb'aan naq eb' laj Ejiipt xik' neke'ril chixjunileb' laj k'aak'alenel ketomq.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

1 Samuel 27:4

Naq laj Saúl kirab'i resil naq laj David xikenaq eelel aran Gat, kixkanab' xsik'b'al.

1 Samuel 27:6

Sa' ajwi' li kutan a'an laj Akis kixk'e Siklak cho'q xna'aj ut chalen toj anaqwan Siklak kikanaak cho'q reheb' li awab'ej re Judá.