1 Samuel 27:2 - Q'eqchi Bible

² Jo'kan naq laj David kixchap xb'e ut, rochb'een li lajeek'aal xkab' o'q'ob' (600) chi winq, koho wan wi' laj Akis, ralal laj Mahok, awab'ej re Gat.

Li Santil hu

² Joꞌcan nak laj David rochbeneb li cuakib ciento lix soldados queꞌco̱eb riqꞌuin laj Aquis, lix reyeb laj Gat. Laj Aquis, aꞌan li ralal laj Maoc.

1 Samuel 27:2 ပူးပေါင်းရင်းမြစ်များ

1 Samuel 25:13

Toja' naq laj David kixye reheb' li wankeb' rochb'een: “Chapomaq leech'iich' chejunjunqal”, chan. Chixjunileb' ke'xb'ak' li xch'iich'eb' chi xsa'eb'. Laj David ajwi' kixb'ak' li xch'iich' chi xsa'. Jun o'q'ob' (400) tana chi winq koheb' chirix laj David ut lajeek'aal (200) ke'kanaak aran chi ilok li k'aruheb' re.

1 Samuel 21:10

Sa' li kutan a'an ki'elelik laj David chiru laj Saúl ut koxk'ut rib' chiru laj Akis, awab'ej re Gat.

1 Samuel 30:8

a'in kipatz'ok re li Qaawa': “Ma us wi tinxik chi xchapb'aleb' laj elq' a'an? Ma toxintaweb'?”, chan. “Ayu chirixeb' -chan li Qaawa'- xb'aan naq relik chi yaal naq toxaataweb' ut taawach'ab' li chapb'ileb'”.

1 Samuel 30:9

Tikto koho laj David rochb'eeneb' li lajeek'aal xkab' o'q'ob' (600) li wankeb' rochb'een ut ke'wulak wan wi' li nima' Besor.

1 Crónicas 12:1

Naq laj David toj yo chi xmuqb'al rib' chiru laj Saúl, ralal laj Kis, jun ch'uuteb' aj puub' koxe'xjunaji rib'eb' rik'in, aran Siklak, re xtenq'ankil chi yalok.

1 Samuel 21:11

Ut eb' laj k'anjel chiru laj Akis ke'xye: “Ma maawa' tab'i' a'in laj David, li awab'ej re li na'ajej a'in? Ma maawa' a'in li ke'xb'icha ru naq yookeb' chi xajok: «Laj Saúl xkamsi jun mileb' chi poyanam, ab'an laj David xkamsiheb' lajeeb' mil»?”.