1 Samuel 27:1 - Q'eqchi Bible

¹ Laj David kixye sa' xch'ool: “Taawulaq xq'ehil naq laj Saúl tinxkamsi. Jwal us naq tinxik sa' xteepal Filistea re naq laj Saúl tixkanab' insik'b'al sa' chixjunil Israel ut tinkole'q chiru”.

Li Santil hu

¹ Laj David quixye saꞌ xchꞌo̱l: —Ta̱cuulak xkꞌehil nak laj Saúl tinixcamsi. Kꞌaxal us cui tine̱lk saꞌ xya̱nkeb laj Israel ut tinxic chi cua̱nc saꞌ xya̱nkeb laj filisteo re nak laj Saúl tixcanab insicꞌbal, chan.

1 Samuel 27:1 ပူးပေါင်းရင်းမြစ်များ

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

1 Samuel 23:17

Kixye re: “Matxiwak, xb'aan naq laj Saúl linyuwa' ink'a' truuq tatxtaw. Laa'at tat-ok cho'q awab'ej re Israel ut laa'inaq li xkab'il chi taqlank. A' ajwi' linyuwa' naxnaw a'an”.

Proverbios 13:12

Li ink'a' naxk'ul li k'aru naroyb'eni, naraho'k xch'ool. Ab'an k'ajo' li sahil ch'oolej naq naqak'ul li qoyb'enihom!

Salmos 116:11

“Junes aj tik'ti' chixjunileb'”, chankin sa' xsachonik linna'leb'.

1 Samuel 29:2

Eb' li xjolomileb' laj Filistea aj k'amol b'eheb' chiruheb' li ch'uutal aj o'k'aal (100) ut aj lajeek'aal rox o'q'ob' (1,000) aj puub'; ab'an laj David ut eb' li wankeb' rochb'een yookeb' chi xik chi ixb'ej, rochb'eeneb' laj Akis.

1 Samuel 25:30

Naq akaq xb'aanu li Yos chixjunil li kixyeechi'i aawe ut naq akaq xatxxaqab' cho'q aj k'amol xb'eheb' laj Israel,

1 Samuel 22:5

Toja' naq laj Gad li propeet kixye re laj David: “Maamuq chik aawib'. Elen arin ut ayu sa' xteepal Judá”, chan. Jo'kan naq laj David koho ut kiwulak sa' li k'iche' re Jéret.

1 Samuel 16:13

Ut laj Samuel kixchap li xukub', xna'aj li aseeyt, ut kixyul laj David chiruheb' li ras. Chalen sa' li honal a'an li xmusiq' li Qaawa' kichalk sa' xb'een laj David. Chirix chik a'an laj Samuel kixchaq'rab'iheb' ut koho Ramá.

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

Éxodo 14:12

Ma ink'a' tab'i' ak xqaye aawe aran: «Kanab'o sa' tuqtuukilal, tqaj k'anjelak chiruheb' laj Ejiipt? Xb'aan naq jwal us cho'q qe k'anjelak chiruheb' laj Ejiipt chiru naq tookamq sa' li chaqich'och'»”.

2 Corintios 7:5

Relik chi yaal naq chalen qak'ulunik aran Macedonia tik ink'a' xhilank li qach'och'el qasululel, rahob'tesinb'ilo b'an rik'in chixjunil: yo li raaxiik' chiqix ut yo qaxiw sa' li qach'ool.

San Marcos 4:40

Chirix chik a'an kixye li Jesus reheb' li xtzolom: —K'a'ut naq k'ajo' leexiw? K'a'ut naq maak'a' eepaab'aal?

San Mateo 14:31

Li Jesus tikto kixye' li ruq', kixchap ut kixye re: —Kach'in laapaab'aal, at winq. K'a'ut naq xwiib'ank laach'ool?

Números 14:3

K'a'ut naq li Qaawa' xooxk'am chaq sa' li na'ajej a'in? Ma yal re naq tookamq chiru q'esnal ch'iich'? Ma yal re naq eb' li qixqilal ut eb' li qalal qak'ajol te'k'anjelaq chiruheb' li xik' neke'ilok qe? Ma ink'a' raj us naq toosutq'iiq wi' chik Ejiipt?”, chankeb'.

1 Samuel 26:19

At awab'ej, chakuy inmaak, chawab'i li raatin laamoos anaqwan. Wi a' li Qaawa' yo chi taqlank aawe chi xxikb'al wilb'al, chiq'unob'resiiq xch'ool rik'in mayej. Ab'an wi yal winq xe'yehok naq taab'aanu rahilal we, majewanb'ilaqeb' taxaq xb'aan li Qaawa', xb'aan naq xine'risi anaqwan sa' li ch'och' a'in reechanihom li Qaawa', re naq tinloq'oni eb' li jalanil yos.

1 Samuel 29:3

Toja' naq eb' li xjolomileb' laj Filistea ke'xye: “K'aru yookeb' arin eb' laj Hebreo a'in?”. Laj Akis kixsumeheb': “A'an laj David, laj k'anjel chiru laj Saúl, awab'ej re Israel. Jun malaj wiib' chihab' rokik wik'in, ut maak'a' k'aru ink'a' us xintaw rik'in chalen sa' rokik wik'in toj anaqwan”, chan.

1 Samuel 20:3

Ab'an laj David kixye wi' chik: “Laayuwa' naxnaw chi us naq q'axal nikinaara. Jo'kan naq xye sa' xch'ool: «Ink'a' nawaj naq laj Jonatán tixnaw a'an, re naq ink'a' taaraho'q xch'ool», chan. Ab'anan, sa' xk'ab'a' li yo'yookil Yos ut sa' xk'ab'a' laayu'am ninye aawe naq kach'in chik maa ninkamk”.

1 Reyes 12:26

Ab'anan kixye sa' xch'ool: “Anaqwan mare li tenamit te'raj sutq'iik wi' chik rub'el xwankil li xjunkab'al laj David.

1 Reyes 12:28

Jo'kan naq laj Jerobohán kixpatz' xna'leb', kixyiib' wiib' xjalam u saaj wakax yiib'anb'ileb' rik'in oor, ut kixye reheb' li tenamit: “Tz'aqalaq li xik chi mayejak aran Jerusalén. A'an a'in laayos, at Israel, li ki'isink chaq aawe sa' li tenamit Ejiipt”.

1 Reyes 19:3

Naq kirab'i a'an, laj Elías kichalk xxiw ut ki'elelik re xkolb'al rib': koho toj Berseba li wank sa' xteepal Judá, ut aran kixkanab' laj k'anjel chiru.

2 Crónicas 25:17

Toja' naq laj Amasías, awab'ej re Judá, kixpatz' xna'leb' rik'ineb' li jalaneb' chik ut kixtaqla xyeeb'al re laj Johás, ralal laj Johakás ut ri laj Jehú, awab'ej re Israel, chi jo'ka'in: “Kim wik'in ut yaloqo, ani tana jwal kaw rib'”.

Salmos 55:7

Xinye sa' inch'ool: “Ani taxaq xk'ehok inxik' kama' li wank re li mukuy, re raj tinrupupiq ut toxinhilanq?