1 Samuel 26:24 - Q'eqchi Bible

²⁴ Jo' naq numtajenaq loq' xwil laayu'am anaqwan, jo'kanaq ajwi' xnimal xloq'al linyu'am chiru li Qaawa', ut tixkol taxaq chiru chixjunil li rahilal”.

Li Santil hu

²⁴ Joꞌ nak la̱in xcuil xtokꞌoba̱l a̱cuu la̱at ut incꞌaꞌ xatincamsi anakcuan, joꞌcan ajcuiꞌ nak li Ka̱cuaꞌ taxak ta̱ril xtokꞌoba̱l cuu la̱in ut tinixcol taxak ajcuiꞌ chiru li raylal li nachal saꞌ inbe̱n, chan.

1 Samuel 26:24 ပူးပေါင်းရင်းမြစ်များ

San Mateo 5:7

Us xaq reheb' li neke'uxtaanank u, xb'aan naq li Yos taa'uxtaananq ruheb'.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

2 Ts 3:2

Chetz'aama ajwi' naq chookole'q chiruheb' li winq yib'eb' ru xna'leb' ut maa'useb', xb'aan naq moko chixjunil ta aj e li paab'ank.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

San Mateo 7:2

Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Salmos 144:2

A'an linrahom ut xkawub' linch'ool, a'an laj kolonel ut laj k'aak'alehom we; a'an linsaqoonak b'arwi' ninmuhenk, a' li Yos nak'ehok we chi numtaak sa' xb'eeneb' li tenamit.

Salmos 54:7

Chinaq taxaq li maa'usilal sa' xb'eeneb' li xik' neke'ilok we, chasach taxaq ruheb' sa' xk'ab'a' laatiikilal, at Qaawa'!

Salmos 18:48

a' li Yos nak'ehok we chi numtaak sa' xb'eeneb' li tenamit! A'an naxq'axtesiheb' rub'el linwankil chi junajwa.

Salmos 18:25

Li Qaawa' naxk'e inq'ajkamunkil jo' chanru xtiikilal li waanm, jo' chanru xsaqal ru linyu'am li k'utk'u chiru.

Salmos 18:1

Re li xjolomileb' laj b'ichanel. Xsaalm laj David, laj k'anjel chiru li Qaawa'. Laj David kixb'icha a'in naq kikole'k xb'aan li Yos sa' ruq' laj Saúl jo'wi' sa' ruq'eb' li xik' neke'ilok re.

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

1 Samuel 18:30

Rajlal naq eb' li xjolomileb' laj Filistea neke'xik chi yalok, laj David, a'an li q'axal us na'elk chiru chixjunileb' laj k'anjel chiru laj Saúl. Jo'kan naq k'ajo' chik kinawmank ru laj David.

1 Samuel 24:16

Naq laj David kiraqe'k chi xyeeb'al a'in, laj Saúl kixye: “At David, at walal, ma laa'at li yookat chi aatinak?”, chan. Ut chi kaw xyaab' xkux kixchaj re chi yaab'ak

2 Samuel 4:9

Laj David kichaq'ok ut kixye re laj Rekab ut laj Bahaná li riitz'in, ralaleb' laj Rimón aj Beherot: “Sa' xk'ab'a' li yo'yookil Yos li xkolok we chiru chixjunil li rahilal, ninye eere:

Salmos 34:20

Numtajenaq li rahilal neke'xk'ul li tiikeb' xch'ool; ab'an li Qaawa' na'isink reheb' sa' chixjunil.