1 Samuel 26:21 - Q'eqchi Bible

²¹ Toja' naq laj Saúl kixye: “Xinmaakob'k. Sutq'in, a David, at walal. Ink'a' chik tinb'aanu rahilal aawe, xb'aan naq sa' li q'oqyink a'in jwal loq' xawil linyu'am. Xmajelal inna'leb' xinb'aanu wi' a'an; jwal nim linmaak”, chan.

Li Santil hu

²¹ Ut laj Saúl quixye re: —At David, at cualal, sukꞌin chak cuiqꞌuin. Ma̱cꞌaꞌ tinba̱nu a̱cue xban nak incꞌaꞌ xina̱camsi anakcuan. Ma̱cꞌaꞌ innaꞌleb. Incꞌaꞌ us li xinba̱nu, chan laj Saúl.

1 Samuel 26:21 ပူးပေါင်းရင်းမြစ်များ

1 Samuel 24:17

ut kixye re laj David: “Yaal ajwi' li nakaye; laa'in wank inmaak. Laa'at usilal nakab'aanu we, a'ut laa'in ink'a' us nink'e cho'q reeqaj.

1 Samuel 15:24

Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

Éxodo 9:27

Toja' naq laj Parahón kixtaqla xb'oqb'aleb' laj Moisés ut laj Aharón ut kixye reheb': “Anaqwan ninnaw naq xinmaakob'k. Li Qaawa' a'an tiik xch'ool, a'ut laa'in ut lintenamit aj maako.

San Mateo 27:4

—Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

1 Samuel 15:30

Kichaq'ok laj Saúl ut kixye: “Xinmaakob'k, ab'an nintz'aama usilal chawu: k'e inloq'al cho'q awab'ej chiruheb' li xcheekal winqul lintenamit ut chiruheb' chixjunil laj Israel. Kim chiwix chi xloq'oninkil li Qaawa' laaYos”.

Salmos 116:15

Jwal ra nareek'a li Qaawa' naq neke'kamk eb' li neke'paab'ank re.

Salmos 49:8

Ch'olch'o naq maajun taaruhanq chi xkolb'al rib' xjunes chi moko xq'ajkamunkil chiru li Yos li xkolb'al li xyu'am.

1 Samuel 27:4

Naq laj Saúl kirab'i resil naq laj David xikenaq eelel aran Gat, kixkanab' xsik'b'al.

1 Samuel 26:24

Jo' naq numtajenaq loq' xwil laayu'am anaqwan, jo'kanaq ajwi' xnimal xloq'al linyu'am chiru li Qaawa', ut tixkol taxaq chiru chixjunil li rahilal”.

1 Samuel 18:30

Rajlal naq eb' li xjolomileb' laj Filistea neke'xik chi yalok, laj David, a'an li q'axal us na'elk chiru chixjunileb' laj k'anjel chiru laj Saúl. Jo'kan naq k'ajo' chik kinawmank ru laj David.

Números 22:34

Toja' naq laj Balaham kixye re li x'Ánjel li Yos: “Xinmaakob'k. Ink'a' xinnaw naq laa'at yookat chi xramb'al linb'e. Ab'anan, wi ink'a' nakawaj naq tinxik, anaqwan ajwi' sutq'iik we”, chan.

1 Samuel 26:22

Kichaq'ok laj David: “Waye' li xjutz' che' li awab'ej. Chichalq arin junaq laj k'anjel chi xxokb'al.

Salmos 72:14

A'an taa'isinq reheb' sa' li raasa ut li rahob'tesiik, xb'aan naq k'ajo' xloq'al li xyu'ameb' chiru a'an.

1 Samuel 13:13

Kixye laj Samuel re laj Saúl: “Aamemil xab'aanu wi' a'in. Ink'a' xapaab' laataqlankil xb'aan li Qaawa' laaYos. Wi ta xab'aanu li xye aawe, li Qaawa' xxaqab' raj laawankil sa' xb'eeneb' laj Israel chi junelik.

2 Reyes 1:13

Li awab'ej kixtaqla wi' chik sa' rox sut jun chik xjolomileb' laj puub', rochb'een lajeeb' roxk'aaleb' chi winq. Koho chi tzuul laj jolominel, ab'an naq kiwulak, kixwiq'ib' rib' chiru laj Elías ut kixtz'aama chiru: “At xtaql li Yos, chakuy inmaak. Nintz'aama chawu naq chakol linyu'am ut li xyu'ameb' li lajeeb' roxk'aaleb' chi winq a'in aj k'anjeleb' chawu.

2 Reyes 1:14

K'e reetal naq ak ka' sut xkub'e chaq xam sa' choxa ut xkamsi eb' li wiib' aj jolominel rochb'eeneb' li xlajeetq roxk'aaleb' chi aj puub'. Ab'an anaqwan nintz'aama chawu naq chakol linyu'am”.