1 Samuel 25:36 - Q'eqchi Bible

³⁶ Naq lix Abigahil kiwulak sa' rochoch, kixtaw li xb'eelom chi ninq'ehik: k'ajo' li sahil ch'oolej aran, jo' li na'uxmank sa' xninq'e junaq awab'ej. Sa sa' xch'ool laj Nabal ut taakalaaq; jo'kan naq maak'a' kiyehe'k re toj sa' li kutan jun chik.

Li Santil hu

³⁶ Lix Abigail co̱ cuiꞌchic saꞌ rochoch. Ut laj Nabal yo̱ chi ninkꞌei̱c chi sa saꞌ xchꞌo̱l nak quicuulac joꞌ nak nequeꞌninkꞌei̱c li rey ut ta̱cala̱k. Joꞌcan nak lix Abigail ma̱cꞌaꞌ quixye re toj saꞌ li cutan jun chic.

1 Samuel 25:36 ပူးပေါင်းရင်းမြစ်များ

Proverbios 20:1

Li ha' li nakaltesink napo'ok na'leb'; li nakalaak nakaano'k ru ut nasachk xna'leb': maajoq'e tixtaw xchaab'il na'leb'.

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

2 Samuel 13:23

Wiib' chihab'aq chik a'an, eb' laj Absalón yookeb' chi b'esok rix karneer aran Bahal-Jesor, nach' rik'in li tenamit Efraín, ut laj Absalón kixb'oq chixjunileb' li ralal li awab'ej.

1 Samuel 25:19

ut kixye reheb' laj k'anjel chiru: “Ayuqex chi uub'ej ut laa'in tinxik moqon”, chan. Ab'anan maak'a' kixye re laj Nabal li xb'eelom.

Romanos 13:13

Wanqo sa' xyaalal jo' sa' kutan saqenk, chi maak'a'aq numwa'ak ut kalaak, chi moko ko'b'eetak yumb'eetak ut yib' aj na'leb', chi maak'a'aq raaxiik' ut kaqalink.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Efesios 5:18

Mexkalaak rik'in b'iin xb'aan naq a'an nak'amok sa' li jo'maajo'il na'leb', nujob'resihomaq b'an eerib' rik'in li Musiq'ej.

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

San Lucas 14:12

Kixye ajwi' re li winq kib'oqok chaq re: —Naq tatk'ehoq chi tzekank wa'leb' malaj ewu, maab'oqeb' chaq laawamiiw, chi moko eb' laawas aawiitz'in, malaj eb' laawech'alal, eb' laawechkab'al b'ihom. Mare anchal tate'xb'oq ajwi' eb' a'an ut tate'xq'ajkamu.

Nahum 1:10

xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Oseas 4:11

“Li ko'b'eetak ut li b'iin neke'sachok na'leb'.

Jeremías 51:57

Li Qaawa', li xnimal ru Awab'ej, xyehom chi jo'ka'in: “Tinkaltesiheb' li xninqal ru winq jo' ajwi' eb' li wankeb' xna'leb' aran Babilonia, eb' li xjolomileb' li tenamit, eb' laj raqol aatin ut eb' laj puub'. Te'warq chi junwaakaj ut ink'a' chik te'ajq ruheb' -chan li Qaawa'-.

Isaías 28:3

ut tixyeq'i sa' roq li tenamit neke'xnima wi' rib' eb' laj Efraín li jwal kalajenaqeb'.

Isaías 5:11

Ra chaalel sa' xb'eeneb' li neke'atawank b'iin toj eq'la, ut naq na'ok li q'oqyink, toj yookeb' xkalajik.

Eclesiastés 10:19

Li wa'ak ut li uk'ak neke'k'ehok sahil ch'oolej; ut li tumin naxk'uub' chixjunil.

Salmos 112:5

Us xaq re li natoq'ob'ank u ut nak'ehok chi to' li xtumin, ut naxjolomi chi chaab'il li xjunkab'al.

1 Reyes 20:16

Ke'elk chaq tuqtuuk wa'leb', naq laj Ben-Adad yo chi kalaak aran Sukot, rochb'eeneb' li kab'laju xka'k'aal chi awab'ej li ke'okenk chirix.

1 Samuel 25:37

Wulajaq chik a'an, eq'la, naq ak xnume'k xkalajik laj Nabal, li rixaqil kixseeraq'i re li k'aru kik'ulmank. Kisachk xch'ool li winq chi rab'inkil a'an ut kikanaak chanchan pek.

2 Samuel 3:20

Kiwulak Hebrón rik'in laj David, rochb'eeneb' junmay chi winq. Ut laj David kixb'aanu jun ninq'e sa' xk'ab'a' laj Abner ut eb' li wankeb' rochb'een.