1 Samuel 25:10 - Q'eqchi Bible

¹⁰ Ab'an laj Nabal kixsumeheb': “Ani laj David? Ani li ralal laj Jesé? Sa'eb' li kutan a'in numtajenaqeb' laj mun li yookeb' chi elelik chiruheb' laj eechal reheb'!

Li Santil hu

¹⁰ Laj Nabal quichakꞌoc ut quixye reheb: —¿Ani li cui̱nk aꞌan? ¿Ani laj David li ralal laj Isaí? Anakcuan cꞌajoꞌeb li lokꞌbil mo̱s yo̱queb chi e̱lelic chiru lix patrón.

1 Samuel 25:10 ပူးပေါင်းရင်းမြစ်များ

Jueces 9:28

Toja' naq laj Gahal, ralal laj Obed, kixye: “Ani laj Abimélek ut aniho laa'o aj Sikem re naq took'anjekaq chiru? Ma maawa' tab'i' a'an li ralal laj Yerubahal? Ut laj Sebul, a'an aj tenq' re. Laa'o took'anjelaq chiruheb' laj Jamor, ralal laj Sikem, ab'an maajoq'e chiru laj Abimélek.

Isaías 32:7

Li ink'a' us xna'leb' junes b'alaq'ik naxk'oxla ut naxyal xq'e chi xb'aanunkil li yib'eetal ru aj na'leb'; naxlab'ale li kub'enaq xwankil rik'in tik'ti' ut ink'a' naxkol rix li neb'a' sa' li raqleb'aal aatin.

Isaías 32:5

Ink'a' chik taayehe'q “chaab'il winq” re li maak'a' xna'leb' chi moko taak'ehe'q xloq'al li eet aj winq.

Eclesiastés 7:10

Maaye: “K'a' naq q'axal useb' li kutan ak xe'nume'k, chiruheb' li kutan anaqwan?”. Maaye a'an, xb'aan naq ka'ajwi' li maak'a' xna'leb' napatz'ok chirix a'an.

1 Reyes 12:16

Naq chixjunileb' laj Israel ke'xk'e reetal naq li awab'ej ink'a' kiraj rab'inkileb', ke'xye a'in: “Maak'a' wank qe rik'in laj David! Maak'a' qeechanihom rik'in li ralal laj Jesé! Ex Israel, ayuqex sa' leerochoch chejunjunqal! Ut laa'at, a David, chawil laajunkab'al!”. Toja' naq eb' laj Israel koheb' sa' li xna'ajeb'.

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

1 Samuel 22:2

Chixjunileb' li rahob'tesinb'ileb', li wankeb' xk'as ut jo'k'ihaleb' wankeb' sa' rahilal ke'xjunaji rib' rik'in laj David, ut a'in kikanaak cho'q aj k'amol xb'eheb'. Jun o'q'ob' (400) tana chi winq li wankeb' rochb'een.

1 Samuel 20:30

Toja' naq laj Saúl kichalk xjosq'il sa' xb'een laj Jonatán ut kixye re: “Ralalat jun li ixq ink'a' us xna'leb'! Ninnaw chi us naq laa'at tz'aqal ramiiw li ralal laj Jesé, ut a'in xutaanal cho'q aawe ut cho'q re laana'.

Éxodo 5:2

Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

1 Samuel 25:9

Naq eb' li xtaql laj David ke'wulak rik'in laj Nabal, ke'xye chixjunil li kiyehe'k reheb' xb'aan laj David, ut ke'oyb'enink.

Proverbios 15:1

Li nasumenk rik'in q'unil aatin, naxkotz li josq'il; a'ut li nasumenk sa' josq'il, naxnimob'resi li ch'a'ajkilal.