1 Samuel 24:15 - Q'eqchi Bible

¹⁵ A' taxaq li Qaawa' chiraqoq aatin sa' qayanq. A'an chi'iloq ut chitenq'anq we rik'in inkolb'al sa' laawuq'”.

Li Santil hu

¹⁵ Li Ka̱cuaꞌ, aꞌan li ta̱rakok a̱tin saꞌ kabe̱n saꞌ cuibal. Li Ka̱cuaꞌ naril xtokꞌoba̱l cuu. Aꞌan li natenkꞌan cue ut aꞌan ajcuiꞌ li ta̱colok cue cha̱cuu la̱at, chan laj David.

1 Samuel 24:15 ပူးပေါင်းရင်းမြစ်များ

Salmos 119:154

Aatinan chiwix ut chinaatenq'a; chak'e taxaq inyu'am jo' xayeechi'i we.

Salmos 35:1

Xsaalm laj David. At Qaawa', yalon rik'ineb' li neke'raj yalok wik'in, pleetin rik'ineb' li neke'pleetink we.

1 Samuel 24:12

A' taxaq li Qaawa' chiraqoq aatin sa' qayanq ut chi'eeqajunq aawe inb'aan; ab'an laa'in maajaruj tintaqsi wuq' sa' aab'een.

Miqueas 7:9

Tinkuy li xjosq'il li Qaawa' xb'aan naq xinmaakob'k chiru: toj taaraqoq aatin chiwix ut taaril xtoq'ob'aal wu. Li Qaawa' taa'isinq we sa' li aak'ab' re toxwil linkolb'al xb'aan.

Miqueas 1:2

Chejunilex li tenamit, ab'ihomaq li aatin a'in; chex'ab'inq chejunilex li wankex sa' li ruuchich'och'. Li Qaawa' taa'aatinaq chirix leemaak toj sa' chaq li xsantil ochoch.

2 Crónicas 24:22

Laj Johás li awab'ej kisachk sa' xch'ool li usilal ki'uxk re xb'aan laj Johadá, xyuwa' laj Sakarías, kixkamsi b'an laj Sakarías li ralal li kixye sa' xkamik: “Li Qaawa' xril taxaq li k'aru xab'aanu ut a'an taxaq chik'ehoq reeqaj aawe!”, chan.

1 Samuel 26:4

Jo'kan naq kixtaqlaheb' aj k'ehol eetal ut kixnaw chi ch'olch'o ru naq laj Saúl wank aran.

Jueces 11:27

Laa'in ink'a' xinmaakob'k chawu. Ab'anan laa'at ink'a' us yookat naq xatchalk chi yalok wik'in. Li Qaawa', laj Raqol aatin, chiraqoq aatin sa' xyanqeb' laj Israel ut eb' laj Amón”, chan laj Jefté.

1 Samuel 25:39

Naq laj David kirab'i resil li xkamik laj Nabal, kixye: “Usilaatinanb'il taxaq li Qaawa' li xtenq'ank we naq xinhob'e'k xb'aan laj Nabal. Li Yos xkolok we chiru xb'aanunkil li ink'a' us ut xk'e reeqaj li xmaa'usilal laj Nabal”. Moqon chik laj David kixtaqlaheb' aj esil chi xyeeb'al re lix Abigahil ma traj wank cho'q rixaqil.

1 Samuel 17:43

ut kixye re: “Ma laa'in tz'i' naq xatchalk chi yalok wik'in rik'in che'?”, chan. Ut sa' xk'ab'a'eb' li xyos kixmajewa laj David

1 Samuel 26:20

Laa'in ink'a' nawaj kamk chi najt rik'in li Qaawa', sa' jalan tenamit. K'a'ut naq li awab'ej re Israel x'elk chaq chinsik'b'al laa'in li jo'kin jun k'aq, jo' nasik'e'k junaq k'ayay sa' pim?”.