1 Samuel 23:4 - Q'eqchi Bible

⁴ Jo'kan naq laj David koho wi' chik chi patz'ok rik'in li Qaawa', ut A'an kichaq'ok: “Xaqlin, ayu chi yalok chirixeb' laj Kehilá, xb'aan naq xinq'axtesiheb' laj Filistea sa' laawuq'”.

Li Santil hu

⁴ Joꞌcan nak laj David co̱ cuiꞌchic chi tijoc chiru li Ka̱cuaꞌ re xnaubal ma ta̱xic Keila chi pletic riqꞌuineb laj filisteo, malaj ut incꞌaꞌ. Ut li Ka̱cuaꞌ quixye re: —Ayu chi pletic riqꞌuineb laj filisteo xban nak la̱in tinkꞌaxtesiheb saꞌ a̱cuukꞌ, chan.

1 Samuel 23:4 ပူးပေါင်းရင်းမြစ်များ

Jueces 7:7

Toja' naq li Qaawa' kixye re laj Jedehón: “Rik'ineb' li o'lajuk'aal a'in li xe'req'ok re li ha', texinkol laa'in ut tinq'axtesiheb' laj Madián sa' eeruq'. Ut eb' li junch'ol chik che'sutq'iiq sa' rochocheb'”, chan.

Josué 8:7

Toja' naq laa'ex tex'elq chaq sa' li na'ajej muqmuukex wi', ut teereechani li tenamit: li Qaawa' leeYos taak'ehoq re sa' leeruq'.

2 Reyes 3:18

Ut ink'a' taak'ojlaaq xch'ool li Qaawa' rik'in a'in, xb'aan naq tixq'axtesiheb' ajwi' laj Mohab sa' eeruq'.

2 Samuel 5:19

Jo'kan naq laj David kipatz'ok re li Qaawa' ut kixye: “Ma tinxik chi yalok rik'ineb' laj Filistea? Ma taaq'axtesiheb' sa' wuq'?”, chan. Ut li Qaawa' kixye re: “Ayu xb'aan naq relik chi yaal naq tinq'axtesiheb' sa' laawuq'”, chan.

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

Jueces 6:39

Ab'anan laj Jedehón kixye wi' chik re li Yos: “Chakuy inmaak, matjosq'o'k wik'in wi tin'aatinaq wi' chik. B'aanu usilal, nawaj raj rilb'al wi' chik jun xnimal eetalil: chikanaaq chi chaqi li rix li karneer anaqwan ut wanq k'ajob' sa' xb'een chixjunil li ch'och'”, chan.

1 Samuel 10:22

Toja' naq ke'xpatz' wi' chik re li Qaawa': “Ma xk'ulunk arin laj Saúl?”, chankeb'. Kixye li Qaawa': “Wank aran, muqmu sa' xyanq li k'aru eere”.

1 Samuel 23:2

Toja' naq laj David kipatz'ok re li Qaawa': “Ma tinxik chi yalok rik'ineb' laj Filistea a'an?”, chan. Kisumeek xb'aan li Qaawa': “Ayu chi yalok rik'ineb' laj Filistea ut taakol li tenamit Kehilá”.

1 Samuel 23:3

Ab'anan eb' li winq li wankeb' rochb'een laj David ke'xye re: “K'e reetal, arin Judá yo qaxiw. Ma toja' ta chik naq tooxik Kehilá chi yalok rik'ineb' laj Filistea?”.

1 Samuel 23:5

Laj David rochb'eeneb' laj puub' koheb' Kehilá, ke'yalok rik'ineb' laj Filistea, ke'xq'ax ruheb' ut ke'reechani li xketomqeb'. Jo'ka'in naq laj David kixkoleb' laj Kehilá.

1 Samuel 30:8

a'in kipatz'ok re li Qaawa': “Ma us wi tinxik chi xchapb'aleb' laj elq' a'an? Ma toxintaweb'?”, chan. “Ayu chirixeb' -chan li Qaawa'- xb'aan naq relik chi yaal naq toxaataweb' ut taawach'ab' li chapb'ileb'”.

2 Samuel 2:1

Moqon chik laj David kipatz'ok re li Qaawa' ut kixye: “Ma us tinxik sa' junaq tenamit re Judá?”, chan. Li Qaawa' kixsume: “Ayu”, chan. Toja' naq laj David kixpatz' wi' chik re: “B'ar tento tinxik?”, chan. “Aran Hebrón”, chu'uxk re.

Jueces 7:9

Sa' ajwi' li q'oqyink a'an li Qaawa' kixye re laj Jedehón: “Waklin ut kub'en sa' xmuheb'aaleb' laj Madián, xb'aan naq xinq'axtesiheb' sa' laawuq'.

1 Crónicas 14:10

Jo'kan naq laj David kipatz'ok re li Qaawa', kixye: “Ma tinxik chi yalok rik'ineb' laj Filistea? Ma taaq'axtesiheb' sa' wuq'?”, chan. Ut li Qaawa' kixye re: “Ayu xb'aan naq relik chi yaal naq tinq'axtesiheb' sa' laawuq'”, chan.