1 Samuel 23:23 - Q'eqchi Bible

²³ Ilomaq ut k'ehomaq reetal chixjunileb' li na'ajej b'arwi' naru tixmuq rib', ut naq akaq xch'olaak chixjunil cheru, toleeye we ut laa'in tinxik cherix. Ut wi relik chi yaal wanq aran, tinsik'i chi us sa' chixjunileb' li xjunkab'aleb' laj Judá”.

Li Santil hu

²³ Qꞌuehomak retal chi us bar cuanqueb li naꞌajej li naxmuk cuiꞌ rib. Texcha̱lk cuiꞌchic chi junpa̱t ut te̱ye cue cꞌaꞌru xerabi. Ut la̱in tinxic che̱rix cui toj cuan aran ut tinsiqꞌui toj retal tintau usta tinsiqꞌui saꞌ chixjunil li naꞌajej Judá, chan.

1 Samuel 23:23 ပူးပေါင်းရင်းမြစ်များ

San Marcos 14:1

Ka'b'ejaq li Paswa nawa'e'k wi' li wa ink'a' yuub'il, eb' li xb'eenil aj tij ut eb' laj tz'iib' yookeb' chi xsik'b'al chan raj ru naq te'xchap li Jesus chi b'alaq'inb'il ut te'xkamsi raj.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Proverbios 1:16

xb'aan naq neke'xseeb'a rib' chi xb'aanunkil li maa'usilal ut chi xkamsinkil li ras riitz'ineb'.

1 Reyes 18:10

Sa' xk'ab'a' li Qaawa' laaYos ninye aawe naq maak'a' junaq tenamit malaj awab'ejihom ink'a' ta xtaqla wi' aasik'b'al li awab'ej. Ut wi neke'xye naq maa'anihat aran, naxk'eheb' chi xyeeb'al rik'in jurament naq tz'aqal yaal naq ink'a' xate'xtaw.

Números 10:36

Ut naq li Loq'laj Kaax nahilank, laj Moisés naxye: “At Qaawa', sutq'in chaq sa' xyanqeb' li k'iila o'q'ob' chi aj Israel”.

1 Samuel 23:22

Ayuqex, tz'ilomaq rix ut chek'e reetal chi us b'ar wank ut ani x'ilok re aran, xb'aan naq xwab'i resil naq q'axal seeb' xch'ool.

1 Samuel 23:24

Eb' laj Sif ke'xchap xb'eheb' ut koheb' Sif, aj k'amol b'eheb' chiru laj Saúl. Laj David ut eb' li rochb'een wankeb' sa' li chaqich'och' re Mahón, sa' li taq'a ru, sa' xjayal rokeb'l iq' re li chaqich'och'.

1 Samuel 24:11

K'e reetal, at inyuwa'; il li xmaril laawaq' sa' wuq'. Xinset li xmaril laawaq' ut ink'a' xatinkamsi! Jo'kan naq taak'e reetal naq maak'a' lab'al sa' li waanm ut maak'a' maa'usilal wik'in. Laa'in ink'a' xinmaakob'k chawu, a'ut laa'at yookat xsik'b'al inkamsinkil.

Salmos 10:8

Naxk'utzub' rib' sa' ruq' b'e chi oyb'enink, re xkamsinkil chi muqmu li maak'a' xmaak. Ink'a' naxkanab' xch'uukinkil li maak'a' xmetz'ew.

2 Reyes 6:13

Toja' naq li awab'ej kixye: “Ayuqex ut patz'omaq b'ar wank, re tqataqla xchapb'al”. Naq ke'xye naq laj Eliseo wan chaq Dotán,