1 Samuel 23:21 - Q'eqchi Bible

²¹ Kichaq'ok laj Saúl ut kixye: “Li Qaawa' chi'osob'tesinq eere xb'aan naq xetoq'ob'a wu.

Li Santil hu

²¹ Laj Saúl quixye reheb: —Aꞌ taxak li Ka̱cuaꞌ chi-osobtesi̱nk e̱re xban nak xeril xtokꞌoba̱l cuu nak xeye cue.

1 Samuel 23:21 ပူးပေါင်းရင်းမြစ်များ

1 Samuel 22:8

Chejunilex xek'amchi'i eerib' chiwix, ut maajun eere xyehok we naq li walal xk'ojob' jun sumwank rik'in li ralal laj Jesé. Maajun eere xtoq'ob'ank wu ut xye ta we naq li walal xtakchi'i' laj k'anjel chiwu re naq tinxkamsi, jo' yo chi xb'aanunkil anaqwan”.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Salmos 10:3

Li yib'ru xna'leb' naxnimob'resi rib' rik'in li naratawin li xch'ool; k'ajo' naq laj pix naxtz'eqtaana ut naxmaa'usila li Qaawa'.

Jueces 17:2

Sa' jun kutan kixye re li xna': “Naq x'elq'aak chawu o'lajuk'aal rox o'q'ob' (1,100) chi tumin plaat, laa'at xatz'aama maa'usilal sa' xb'een laj elq'. Laa'in xin'elq'ank re laatumin. We' li tumin wank wik'in, ut anaqwan tinq'axtesi aawe”, chan. Kichaq'ok li xna' ut kixye: “Li Qaawa' chi'osob'tesinq taxaq aawe!”, chan.

1 Samuel 23:22

Ayuqex, tz'ilomaq rix ut chek'e reetal chi us b'ar wank ut ani x'ilok re aran, xb'aan naq xwab'i resil naq q'axal seeb' xch'ool.

2 Samuel 2:5

kixtaqlaheb' aj esil re xyeeb'al reheb': “A' taxaq li Qaawa' chi'osob'tesinq eere xb'aan naq xe'ruxtaana ru laj Saúl, laj eechal eere, rik'in xmuqb'al.

Génesis 20:13

Ut chalen naq li Yos xinxk'e chi xb'eeninkil wib' chi najt rik'in linyuwa', ninye re: B'aanu usilal: yalaq b'ar toxoo'okaq, chayehaq naq laa'in aawas”.

1 Samuel 15:13

Toja' naq laj Samuel koho wan wi' laj Saúl, ut a'in kixye re: “Li Qaawa' chi'osob'tesinq taxaq aawe. Ak xinb'aanu li xinxtaqla wi' li Qaawa'”.