1 Samuel 23:1 - Q'eqchi Bible

¹ Sa' jun kutan kiyehe'k resil re laj David naq eb' laj Filistea yookeb' chi yalok rik'ineb' laj Kehilá ut ke'relq'a xsa' chixjunil li na'ajej k'uulanb'il wi' li triiw.

Li Santil hu

¹ Saꞌ jun li cutan laj David quirabi resil nak eb laj filisteo yo̱queb chi pletic riqꞌuineb li cuanqueb saꞌ li tenamit Keila. Ut yo̱queb chixmakꞌbal chiruheb lix trigo li tojeꞌ xeꞌrisi saꞌ rix.

1 Samuel 23:1 ပူးပေါင်းရင်းမြစ်များ

Josué 15:44

Kehilá, Aksib ut Maresá. Naraj naxye, b'eleeb' chi tenamit rochb'eeneb' xk'aleb'aaleb'.

Miqueas 6:15

Tat-awq, ab'an maak'a' taaxok; tatyatz'oq ru li oliiw, ab'an maak'a' taataw; tatyatz'oq uub', ab'an ink'a' tat-uk'aq b'iin.

Jueces 6:4

neke'hilank sa' li xch'och'eb' ut neke'xsach li rawimqeb' toj nawulak sa' li tenamit Gasa. Ink'a' neke'xkanab' xtzekemqeb' laj Israel, chi moko xkarneereb', xb'ooyxeb', chi moko xb'uureb'.

Deuteronomio 28:51

Eb' a'an te'xtzeka ral laawakax ut li ru rawimq laach'och', toj reetal tat-oso'q. Moko te'xkanab' ta b'ayaq aatriiw chi moko aab'iin chi moko aa'aseeyt, chi moko raleb' laawakax, chi moko raleb' laakarneer, toj reetal tat-oso'q chi junajwa.

Deuteronomio 28:33

Li ru rawimq laach'och' ut chixjunil li aatawasihom wi' aawib', te'xtzeka jun tenamit li ink'a' nakanaw ruheb'. Tawasinb'ilaqat ut taqlanb'ilaqat chi kaw chiru chixjunil laayu'am,

Levítico 26:16

jo'kan ajwi' tinb'aanu eere laa'in: tintaqla chaq sa' eeb'een li xiwak, li raxkamk, li tiq, li xyajel sa' uhej ut xlub'ik leetib'el; maak'a' rajb'al naq tex'awq xb'aan naq a'eb' li xik' neke'ilok eere te'yaloq xsahil ru leerawimq.

Jueces 6:11

Toja' naq kichalk li x'ánjel li Qaawa' ut kolk'ojlaaq rub'el li ji wank aran Ofrá, reechanihom laj Johás, xkomoneb' laj Abiéser. Laj Jedehón, ralal laj Johás, yo chi tenok triiw chi muqmu sa' xyatz'leb'aal li uub', re naq ink'a' taa'ile'q xb'aaneb' laj Madián.

Daniel 2:35

Kijuk'e'k chixjunil li jalam u ut kixk'aji rib': li ch'iich' ut li seb', li q'anch'iich', li plaat ut li oor chanchan junes chaqik'im sa' saq'ehil naq xkanaak, ut xk'ame'k chixjunil xb'aan li iq' chi ink'a' xkanaak reetalil. Ab'an li pek li xjuk'uk re li jalam u, xkanaak cho'q nimla tzuul ut xram ru chixjunil li ruuchich'och'.