1 Samuel 22:7 - Q'eqchi Bible

⁷ Kixye laj Saúl reheb' chixjunileb' laj k'anjel chiru li wankeb' rochb'een: “Ex aj Benjamín, chineerab'ihaq. Ma nekek'oxla naq li ralal laj Jesé tixk'e eech'och' ut eerawimq chejunilex, ut texxaqab' cho'q xjolomileb' laj puub'?

Li Santil hu

⁷ Laj Saúl quixye reheb li cuanqueb rochben: —Ex ralal xcꞌajol laj Benjamín, abihomak li tinye. ¿Ma nequecꞌoxla la̱ex nak laj David li ralal laj Isaí tixqꞌue e̱chꞌochꞌ che̱junilex la̱ex ut tixqꞌue le̱ racui̱mk uvas? ¿Ma texqꞌue che̱junilex la̱ex chi takla̱nc saꞌ xbe̱neb lix soldados nak nequecꞌoxla?

1 Samuel 22:7 ပူးပေါင်းရင်းမြစ်များ

1 Reyes 12:16

Naq chixjunileb' laj Israel ke'xk'e reetal naq li awab'ej ink'a' kiraj rab'inkileb', ke'xye a'in: “Maak'a' wank qe rik'in laj David! Maak'a' qeechanihom rik'in li ralal laj Jesé! Ex Israel, ayuqex sa' leerochoch chejunjunqal! Ut laa'at, a David, chawil laajunkab'al!”. Toja' naq eb' laj Israel koheb' sa' li xna'ajeb'.

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Isaías 11:1

Taatuxmeq chaq li xxe' laj Jesé, taayo'laaq jun li ralal sa' xxe' xtoonal.

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

1 Samuel 25:10

Ab'an laj Nabal kixsumeheb': “Ani laj David? Ani li ralal laj Jesé? Sa'eb' li kutan a'in numtajenaqeb' laj mun li yookeb' chi elelik chiruheb' laj eechal reheb'!

1 Samuel 22:13

Laj Saúl kixye re: “K'a'ut naq yookex chi xk'amchi'inkil eerib' sa' inb'een, laa'at ut li ralal laj Jesé? Laa'at xak'e xwa; xak'e ajwi' xch'iich' re yalok, ut xapatz' re li Qaawa' k'aru tixb'aanu, re naq xik' tinril ut tinxkamsi. Ut a'an ajwi' yo chi xb'aanunkil anaqwan”.

1 Samuel 22:9

Toja' naq laj Dohek aj Edom, li wank sa' xyanqeb' laj k'anjel chiru laj Saúl, kixsume: “Laa'in xwil li ralal laj Jesé chi wulak Nob, wan wi' laj Ajimélek, ralal laj Ajitub.

1 Samuel 20:30

Toja' naq laj Saúl kichalk xjosq'il sa' xb'een laj Jonatán ut kixye re: “Ralalat jun li ixq ink'a' us xna'leb'! Ninnaw chi us naq laa'at tz'aqal ramiiw li ralal laj Jesé, ut a'in xutaanal cho'q aawe ut cho'q re laana'.

1 Samuel 20:27

Ab'an sa' li kutan jun chik, a' li xkab' kutan re li ninq'e, li xna'aj laj David kikanaak wi' chik chi yamyo. Ut laj Saúl kixye re laj Jonatán li ralal: “K'a' naq li ralal laj Jesé ink'a' xk'ulunk chi tzekank ewer chi moko anaqwan?”.

1 Samuel 18:14

Li Qaawa' wank rik'in laj David, ut a'in na'elk chi us sa' chixjunil li naxb'aanu.

2 Samuel 18:1

Laj David kirajlaheb' laj puub' li wankeb' rochb'een, ut kixxaqab'eb' li xjolomileb' laj lajeetqk'aal rox o'q'ob' (1,000) ut eb' laj o'taqk'aal (100) aj puub'.

1 Crónicas 12:16

Wankeb' ajwi' aj Benjamín ut aj Judá koheb' rik'in laj David sa' li kawub'resinb'il ochoch.