1 Samuel 22:2 - Q'eqchi Bible

² Chixjunileb' li rahob'tesinb'ileb', li wankeb' xk'as ut jo'k'ihaleb' wankeb' sa' rahilal ke'xjunaji rib' rik'in laj David, ut a'in kikanaak cho'q aj k'amol xb'eheb'. Jun o'q'ob' (400) tana chi winq li wankeb' rochb'een.

Li Santil hu

² Eb li rahobtesinbileb, li cuanqueb xcꞌas ut eb li cuanqueb saꞌ raylal queꞌco̱eb riqꞌuin. Ca̱hib ciento (400) na chi cui̱nk li cuanqueb rochben. Ut laj David quicꞌamoc be chiruheb.

1 Samuel 22:2 ပူးပေါင်းရင်းမြစ်များ

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

1 Samuel 30:6

K'ajo' li xk'a'uxl laj David xb'aan naq eb' li wankeb' rochb'een yookeb' chi xk'oxlankil xteninkil chi pek: jwal raheb' sa' xch'ool li tenamit, li junjunq chirixeb' li xkok'al. Ab'an laj David kixtaw xkawub' li xch'ool rik'in li Qaawa' li xYos

1 Samuel 25:13

Toja' naq laj David kixye reheb' li wankeb' rochb'een: “Chapomaq leech'iich' chejunjunqal”, chan. Chixjunileb' ke'xb'ak' li xch'iich'eb' chi xsa'eb'. Laj David ajwi' kixb'ak' li xch'iich' chi xsa'. Jun o'q'ob' (400) tana chi winq koheb' chirix laj David ut lajeek'aal (200) ke'kanaak aran chi ilok li k'aruheb' re.

1 Samuel 23:13

Toja' naq koheb' laj David ut eb' laj puub' (wankeb' tana lajeek'aal xkab' o'q'ob' chi winq), ke'elk Kehilá ut ke'xb'eeni rib'eb'. Ut naq laj Saúl kirab'i resil li relik laj David sa' li tenamit Kehilá, kixjal xk'a'uxl ut ink'a' chik koho Kehilá.

1 Samuel 9:16

“Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

1 Samuel 1:10

K'ajo' xrahil li xch'ool lix Ana! Ki'ok chi yaab'ak ut chi tijok,

Jueces 11:3

Jo'kan naq laj Jefté koho chi najt ut koxkanaaq sa' li na'ajej Tob. Aran ke'xch'utub' rib' rik'in laj Jefté jun ch'uut chi winq maak'a' xk'anjeleb', li neke'xik yalaq b'ar chi elq'ak rochb'een a'an.

Hebreos 2:10

Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.

San Mateo 11:12

“Chalen chaq xk'ulunik laj Jwan aj kub'sihomha' toj anaqwan, li xnimajwal wankilal li choxa natawmank rik'in li yalok q'e; ut eb' li kaweb' xch'ool, a'aneb' neke'eechanink re:

Proverbios 31:6

K'e li ha' nakaltesink reheb' li ra sa' xch'ooleb' ut kamkeb' re.

2 Reyes 20:5

“Sutq'in ut ye re laj Esekías, li xjolomil lintenamit: «Jo'ka'in xye li Qaawa', xYos laj David laayuwa': Xwab'i laatij ut xwil li xya'al laawu. Tatink'irtasi, ut sa' rox li kutan tatxik sa' rochoch li Qaawa'.

2 Samuel 17:8

Laa'at nakanaw chi us naq laayuwa' ut eb' li winq rochb'een q'axal kaweb' rib' ut yookeb' xjosq'il anaqwan, jo' junaq tz'uqtz'un li xmaq'mank li raleb'. Jun chik: laayuwa' naxnaw yalok chi us, ut ink'a' tixnumsi li q'oqyink sa' xyanqeb' li tenamit.

2 Samuel 5:2

Chalen chaq junxil naq laj Saúl a'an chaq li na'awab'ejink qe, laa'at xtz'aqal jolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

Jueces 18:25

Kisumeek: “Mat-eek'ank chik. Mare anchal wank junaq qe taajosq'o'q, tixkut rib' sa' eeb'een, ut tatkamsiiq laa'at jo'wi' laajunkab'al”.

1 Samuel 22:3

Chirix chik a'an laj David ki'elk aran ut koho Mispé, sa' xteepal Mohab, ut kixye re li awab'ej re Mohab: “Chakuy inmaak, nintz'aama usilal naq chakanab'eb' chi wank linna' linyuwa' eerik'in; tojo' yaal naq tinnaw k'aru tixb'aanu li Yos wik'in”.

2 Reyes 4:1

Jun li ixq, rixaqil jun li propeet, kixb'oq laj Eliseo ut kixye re: “Wa', laa'at nakanaw chi us naq linb'eelom junelik xpaab' li Qaawa'. Ab'anan xkamk chi wank xk'as. Ut anaqwan li winq wan wi' qak'as, xk'ulunk ut traj xk'amk'aleb' linwiib' chi yum chi munil”.